Peqqissutsimut Naalakkersuisoqarfimmi aningaasaqarnikkut sungiusartoq – initalik

Peqqissutsimut Naalakkersuisoqarfimmi aningaasaqarnikkut sungiusartoq – initalik

Aningaasaqarnermi, kandidatitut bacheloritulluunniit ilinniagaqarlutit naammasseqqammerpit suliffimmilu sungiusartutut atorfininnissat soqutigalugu? Peqqissutsimi Naalakkersuisoqarfimmi pissanganartumik suliffimmik periarfissaqarpoq.

Peqqissutsimut Naalakkersuisoq naalakkersuisoqarfimmilu pisortaqatigiit sullinnissaat siunnersornissaallu aningaasaqarnikkut sungiusartutut pingaarnertut suliassaraatit. Peqqinnissaqarfik aamma Aningaasaqarnermut Akileraartarnermullu Naalakkersuisoqarfik aningaasaqarnermi immikkoortortaqarfimmiit qanimut suleqatigineqarput. Tamatuma saniatigut Peqqissutsimut Naalakkersuisoqarfimmi immikkoortortaqarfiillu avataaneersut suleqatit pikkorissut aningaasaqarnikkut attuumassuteqartunut apeqqutinut akissutinik avitseqatigisassavatit.

Naalakkersuisoqarfimmi aningaasaqarnermut immikkoortortaqarfiup akisussaaffigineqalernissaa anguniarlugu suliassatigut inuttullu unammillernartunik suliakkerneqartassaatit ineriartortinneqarlutillu.

Peqqissutsimut Naalakkersuisoqarfimmi suliffiit inissisimassaaq. Peqqinnissaqarfimmi aningaasaqarnermut immikkoortortaqarfik qanimut suleqatigineqartarmat peqqinnissaqarfimmi ullut ilaanni sulisassaatit.

Naalakkersuisoqarfiup aningaasaqarnera piffissap ingerlanerani akisussaaffigilerumaarit naatsorsuutigineqarmat ilutigisaanik aningaasarsiat qaffakkiartornissaat ilimagineqassaaq. 

Suliassatit:

• Aningaasanut inatsisissap suliarineqarnera missingersuusiornerlu

• Naalakkersuisut ataatsimiititaliallu isummernissaannik tunngavissiorneq

• Peqqissutsimut tunngatillugu politikkimi anguniakkat aallaavigalugit, sanaartornermut piffissaq ungasinnerusoq eqqarsaatigalugu pilersaarusiornermut suliniaqatigiinnut ilaaneq

• Naalakkersuisoqarfimmi peqqinnissaqarfimmilu missingersuutinut malitseqartitsineq aningaasaqarnermullu aqutsineq

• Aningaasaqarnermut misissueqqissaarneq, nassuiaatit aammalu kingunerisassanik naatsorsuineq

• Peqqinnissaqarfiup aningaasaqarneranut aningaasartuuteqarfiit qitiusunut misissueqqissaarneq malitseqartitsinerlu

• Peqqissutsimut Naalakkersuisumut qullersanullu aningaasatigut siunnersuineq

• Suliassaqarfiit akimorlugit ass. aningaasartuutinik misissueqqissaarnernut ingerlatsineq ataqatigiissaarinerlu

Peqqissutsimut naalakkersuisoqarfiup aningaasaqarnermut ingerlatitsivia nammineerlutit pilersaarusiornikkullu piffissap ingerlanerani ingerlakkiartuaassagit anguniarneqarpoq.

Naatsorsuutigaarput illit:

• Aningaasaqarnikkut ilinniagartuutut naleqquttumik, polit, oecen, scient. Pol. imaluunniit kandidatitut bacheloritulluunniit ilinniagaqartutit

• Ilinniakkamik naammasserlaajusutit imaluunniit ukiualunni misilittagaqartutit, Aningaasaqarnermut inatsisinik suliaqarnermik soqutigisaqartoq

• Aningaasaqarnikkut politikkimut peqqissutsimullu suliassaqarfik inuiaqatigiinni qanoq pingaaruteqartigineranik takunnissinnaassasutit

• Peqqinnissaqarfimmi aningaasaqarnikkut unammilligassanut politikkikkullu ineriartuutaasinnaasunut soqutigisaqartoq

• Ataatsimoorussassamik sulianut, suliassaqarfiit akimorlugit sulisut ataasiakkaat peqataaffigisaanni, sullarissoq sulerusussuseqartorlu

• Naalakkersuisoqarfiup aningaasaqarneranut suliassanik aaqqiissutissanik nammineerluni akisussaaffimmik tigusinissamut piginnaasaqassaatit

Suliassaqarfimmi angisuumi piginnaasat ineriartortinnissaanut periarfissalimmik pissanganartumik suliffimmik neqerooruteqarpugut. Ineriartorfiujuartumi, pitsaasunik suleqateqarfiusumi persuarsiunngitsumillu avatangiiseqarluta suliffeqarpugut. Suleqatigiissinnaaneq suliamullu pikkorissuseqarneq suliffimmi pingaartinneqartumi soqutiginartunik unammillernartunillu suliassaqartarpugut.

Piffissap ilaani sulinerup ilungersunarsiffiani sivisuumik sulisinnaanissaq ilimagineqassaaq.

Maajip aallaqqaataani 2025, taassumaluunniit kingorna piaartumik atorfinitsitsisoqassaaq.

Paasissutissat allat

Paasissutissanik allanik pisariaqartitsiguit, uunga attaveqarnissannut tikilluaqqusaavutit: Immikkoortortaqarfimmi pisortaq, Laila Skydsbjerg Skytte oqarasuaatikkut +299 34 65 81 imaluunniit e-mailimut uunga liss@nanoq.gl

Qinnuteqarfissaq kingulleq 26. marts 2025, nal. 12.00.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Qinnuteqaat nassiuguk