Kalaallit Nunaanni Aalisarnermut Piniarnermullu Nakkutilliisoqarfik (KANUAPNA ) AC-fuldmægtigissarsiorpoq

Kalaallit Nunaanni Aalisarnermut Piniarnermullu Nakkutilliisoqarfik (KANUAPNA) ataqatigiissaarillaqqittumik suleqatissarsiorpoq Kalaallit Nunaanni inuussutissarsiutit pingaarnersaanik aqutsinermut suliassanik pissanganartunik aalisarnerup nakkutiginissaanut suleqataanissaminut kajumissuseqartumik tunniusimasumik ingerlatserusuttumik inerisaaqataarusuttumillu suleqatissarsiorpoq.

Suliassat

• KANUAPNA-p angallatini, pisiortortunit, nakkutilliisunik alapernaarsuisartuniit nunanilu tamani suleqatinit paasissutissanik katersuisarnerani ineriartortitsisarnerani, pitsaassusiliisarnerani ineriartortitsineranilu peqataaneq.

• Aalisarnermik alapernaarsuineq, nakkutilliineq nakkutiginninnerlu, tassunga ilanngullugit kalaallit nunallu allamiut angallataasa pisassiissutinik atuinerinik malittarisassanillu nangitseqqiisarneq.

• Suliassanik suliarinnittarneq, assersuutigalugu pisat uppernarsaataannik, unioqqutitsinermik sulianik allagarsiisarneq il.il.

• Suleriaatsinik suliassanillu nutaanik pilersaarusiortarneq ineriartortitsinerlu, tassunga ilanngullugit elektroniskimik angallatini allattuivinnik ajutoorfiusinnaasunillu nakkutilliinermik atuutilersitsineq.

• Aalisarnermik nakkutilliinermut najoqqutassianik inatsisinillu allannguutissatut siunnersuusiornermi peqataasarneq, nunat tamat akornanni pisussaaffinnik ilanngussisarneq aamma aalisarnermi killilersuineq pillugu nunani allani ineriartornermik malinnaaneq;

• Nunat tamat akornanni ataatsimiinnerni isumaqatigiinniarnernilu peqataasarneq.

• Nakkutiginnittuunermik aaqqissuussinermi peqataaneq

Piginnaasat

Inuk naleqquttumik ingerlaqqilluni ilinniagalik nakkutilliinermi suliassat sammillugit suliffimmi ineriartortitsinermi peqataasussamik sulisussarsiariniarneqarpoq, tassunga ilanngullugit:

• Aaqqissuussamik sulisinnaaneq, nalilersuisinnaassuseqarneq pilersaarusiorsinnaassuseqarnerlu paasissutissanik suliaqarnermi pitsaassusilimmik naammassisaqarsinnaassuserlu ilanngullugit aqutsisut ilisimasaqarneq tunngavigalugu aalajangiisarnissaannut tapersiineq.

• Paasissutissanik suliarinninnermi sakkunik ilisimasaqarluarneq, pingaartumik Excel, aammali qarasaasiami nalunaarsuiffinnik, SQL-imik GIS-imillu, misilittagaqarneq iluaqutaassaaq.

• Pisortat namminersortulluunniit ingerlatsineranni allaffissornermik misilittagaqarneq, tassunga ilanngullugu toqqorsisarnermi nalunaarsuivinnik misilittagaqarneq iluaqutaassaaq.

• Aalisarnermik atortulersuinermillu il.il. ilisimasaqarneq iluaqutaassaaq.

• Qallunaatut tuluttullu oqaluttariarsornikkut allattariarsornikkullu oqaaseqatigiiliorluarsinnaaneq.

• Kalaallisut oqalussinnaaneq iluaqutaassaaq. 

Suleqatiginnilluarsinnaaneq pisariaqarpoq, tassa suliassat annertuutigut suliffiup iluani, avataani suliaqarfiit aamma nunat tamat akornanni aalisarnermik ingerlatsisut akimorlugit ingerlanneqartassammata.

Naatsorsuutigaarput illit:

• Nammineersinnaasutit akisussaassuseqarlutillu, peqatigitilluguli qaffasissumut pitsaassuseqartitsineq aaqqiissuteqarluartarnerlu isumasiueqatigiinnikkut pilersarnerannik akuersaartuusutit.

• Suliassat tatiginartumik kinguneqartussamillu suliarisassagitit.

• Pingaartorsiorfiunngitsumi taamaattorli aaqqissuussaaffimmi pimoorussiffiusumi sulerusussuseqartutit.

• Suliffimmi politikkikkut aqunneqartumi sulerusuttutit.

• Immikkoortortami peqataalluarlutit qiimasuusutit.

Kissaatigaarput aamma ajornanngippat, illit:

• Inuiaqatigiinnut kalaaliusunut tunngasunik ilisimasaqarluartutit aammalu paasinnilluartutit

• Marlunnik oqaaseqartuusutit kalaallisut/qallunaatullu

KANUAPNA pillugu

Kalaallit Nunaanni Aalisarnermut Piniarnermullu Nakkutilliisoqarfik (KANUAPNA) Kalaallit Nunaanni aalisarnermik, piniarnermik aallaaniarnermillu paasissutissanik katersuisarpoq, nakkutiginnippoq nakkutilliillunilu. Namminersorlutik Oqartussat aalisarnermik piniarnermillu inatsisit eqqortinneqarnissaasa qulakkeernissaa qulakkeerneqarnissaat KANUAPNA-p pingaarnertut anguniagaraa, tassunga aamma ilanngullugit malittarisassat aalisarneq pillugu nunat marluk isumaqatigiissutaat imaluunniit Kalaallit Nunaata nunat tamat akornanni suleqatigiiffinni peqataaffigisaanni imaluunniit aalisarnermik ingerlatsineq pillugu nunat tamat isumaqatigiissutaannik akuersineq naapertorlugit atuutilersinneqartut. Sulineq Aalisarnermut Piniarnermullu Naalakkersuisoqarfik qanimut suleqatigalugu ingerlanneqartarpoq.

KANUAPNA Nuummi qullersaqarfeqarpoq aammalu Sisimiuni, Ilulissani Nuummilu nunap immikkoortuini allaffeqarluni. Qullersaqarfimmi sulisut 15-iupput, taakkulu allaffissornermut, it-mut aamma nunat akornanni suleqatigiinnermut aaqqissuussaallutik. Nakkutilliisoqarnermut 11-nik aalisarnermik alapernaarsuisoqartumut kiisalu nunap immikkoortuini allaffinnut pingasunut katillugit 17-inik aalisarnermik piniarnermillu nakkutilliisoqartumut aaqqissuussaapput. Aamma www.kanuaana.gl takuuk.

Atorfik it-mik nunallu tamat akornanni suleqatiginninnermik suliaqarfimmi inissisimavoq.

Atorfik AC-fuldmægtigitut inissisimavoq. Eqqortunik piginnaasalimmut naammattumillu misilittagalimmut Immikkut siunnersortitut atorfinitsitsisoqarsinnaassaaq

Attavigisassat/ilisimatitsissutit:

Atorfik sukumiinerusumik paasisaqarfigerusukkukku Immikkoortortaqarfimmi pisortaq Mads Rossing Lund oqarasuaatikkut attaveqarfigisinnaavat uunga:

+299 34 53 73 imaluunniit mail-imut uunga allaffigalugu: marl@nanoq.gl.

Namminersornerullutik Oqartussat pillugit paasisaqarnerorusukkuit, www.nanoq.gl -imut iserlutit paasisassarsiorfigisinnaavat.

Qinnuteqaat

Qinnuteqarfissaq ulloq kingulleq 23. marts 2025.

Piaarnerpaamik atorfinitsitsisoqassaaq isumaqatigiinnikkulluunniit.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk