Meeqqanut inuusuttunullu ulloq unnuarlu paaqqinniffik Isikkivimmi Sisimiuniittumi pisortaq

Atorfimmik annertuumik sunniuteqarfiusumik, allaanerusumik ineriartorfiusumillu soqutiginnissinnaavit? Taava immaqa atorfik una ilinnut tulluartuuvoq.

 Isumaginninnermut Aqutsisoqarfimmi Ulloq Unnuarlu Inissitsiterinermullu immikkoortortaqarfik Sisimiuni meeqqanut inuusuttunullu 18-init inorlugit ukiulinnut paaqqinniffimmut Isikkivimmut 1.maj 2025-mi imaluunniit isumaqatigiissuteqarneq malillugu atorfinittussamik pisortassarsiorpoq.

Isikkivik pillugu:

Isikkivik meeqqanut 18-it inorlugit ukiulinnut ulloq unnuarlu paaqqinniffiuvoq. Meeqqanik inuusuttunillu 16-inik inissaqartitsivoq, immikkoortortaqarfinnut pingasunut agguataaqqasunut:

-Immikkoortortaqarfik ataaseq sisamanik inissaqartitsisoq matoqqasuuvoq, tassa immaappoq inuusuttunut politiinit tigummigallagassanngortitanut imaluunniit pineqaatissinneqarsimasunut immikkoortortaqarfiuvoq.

-Immikkoortortaqarfik Pakkaluaq arfinilinnik inissaqarpoq, sullitallu tassaapput meeqqat inuusuttullu inuuniarnikkut atugarliorfiusuneersut. 

- Immikkoortortaqarfiit pingajuat pingasunik inissaqartitsisoq meeqqanut 9-t aamma 14-nit akornanni ukiulinnoortuuvoq. 

Ulloq unnuarlu paaqqinniffik isumaginninnermi perorsaanermiippoq, perorsaanikkut aaqqissuussamik katsorsaaneq aammalu piginnaanngorsaqqiineq qitiullutik inissisimapput, aammattaaq akuersaartumik nukissanillu qitiutitsisumik suleriaaseqarpugut.

Sullitat peroriartornerminni sumiginnagaasarsimakulapput, unamminartitaallu amerlasinnaallutik, taamaammat perorsaaneq tunngavigalugu suliniuteqarneq annertooq pisariaqartinneqarluni.

Katsorsaaneq ataasiakkaanut tulluarsakkamik inerisaasumillu tunngaveqarpoq, soorlu aamma inuusuttup nammineerluni ineriartorusussusermik pigisaqarnissaa ataatsimooqateqarnissaalu pingaartilluinnarlugu sulissutigineqartoq.

Anguniagaavoq inuusuttup inuunerissaarnerulertutut siunissarissaarnerulertutullu misigitinnissaa.

Perorsaanermut suliniutit pitsaassusaat qaffarniarlugit, ineriartortitsinermut suliniutit arlallit aallartereerput. Isikkivik taassuminnga ineriartortitsinermik nangitsisussamik, perorsaanikkullu tunngavimmik ingerlatserusussuseqartumik piginnaasaqartumillu, pisortamik atorfissaqartitsivoq.

Neqeroorutigaavut:

• Suleqatigiinnik assigiinngiiaartunik piginnaasaqarluartunillu suleqateqarnissamut aqutsinissamullu periarfissat

• Ulluinnarni sulissutigisanut ingerlatanullu nutaanut annertuumik sunniuteqarneq

• Suliffeqarfik, ineriartortitsinernik suliassanillu paasisimasaqarnermik pingaartitsisoq

• Perorsaanikkut aqutsinikkullu tunngasutigut suliaqartarnernik ineriartortitsisarnerit unammilligassallu

• Isumaginninnermut Aqutsisoqarfimmik qanimut suleqateqarneq, taanna ingerlatsinermut qullersaavoq

• Pisortanik allanik peqateqarluni sulianut tunngasunik isumasioqateqarneq

• Pisortat ukiumoortumik isumasioqatigiinneranni ataatsimeersuarnerannilu peqataasarneq

Kissaatigaarput:

• Perorsaasutut ilinniarsimasuunissat

• Sullinneqartunut misilittagaqarluarsimasutit ilisimasaqarluarlutillu.

• inatsisiliornermut attuumassuteqartunik ilisimasaqassasutit

• Aqutsinermik aningaasaqarnermillu aqutsinermik paasisimasaqassasutit

• Inuunermik pitsaasumik isiginnittaaseqassasutit akuersaartumillu isiginnittariaaseqarneq aallaavigalugu pitsaasunik ataqatigiissaarisinnaassasutit

• Aqutsisuunermik misilittagaqassasutit suliassanillu agguaassisinnaassasutit

• Ulloq unnuarlu paaqqinniffinnik namminersorlutik oqartussanit pigineqartunik allanik suleqatigiinnermut ilanngunnissamut piumassuseqartutit

• Ulloq Unnuarlu Inissitsiterinermullu Immikkoortortaqarfimmut qanilaartumik kinguneqartussamillu suleqateqarnissamut piareersimasutit

• Meeqqanut inuusuttunullu ulloq unnuarlu angerlarsimaffiit pillugit misilittagaqarluartutit

Taakku saniatigut danskisut kalaallisullu oqalussinnaasutit, kiisalu kalaallit inuiaqatigiinnut kulturiannullu paasisimasaqassasutit kissaatigaarput.

Sapaatip akunneranut 40 tiimit suliffiussapput.

Qinnuteqarneq

Qinnuteqaat ilinniarsimasanut atorfimmut attuumassuteqartunik allagaatinik, pinerluuteqarsimannginnermut uppernarsaammik kiisalu siusinnerusukkut atorfigisimasanit oqaaseqaammik Isumaginninnermut Aqutsisoqarfiup oqaaseqaatiliortumut attavigineqarnissaanut akuersissutitalimmik imaqassaaq. Aammattaaq meeqqanik innarliisimannginnermut uppernarsaatinik piumasaqaatitaqarpoq.

Qinnuteqarnissamut killigititaq 26. marts 2025-imut ullulerneqarpoq tamatumalu kingorna atorfinitsinneqarnissamut oqaloqateqarnissat piaartumik pinissaat naatsorsuutigineqarpoq.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq.

Paasissutissat sukumiinerusut

Atorfik pillugu paasissutissanik annertunerusunik pissarserusukkuit, tikilluaqqusaavutit attavigissallugu immikkoortoqarfimmi pisortaq Karina Ivalo Kleist kaik@nanoq.gl, imaluunniit oqarasuaatikkut +299346954

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Qinnuteqaat nassiuguk