Isumaginninnermut Aqutsisoqarfik Paarisami siunnersortissarsiorpoq /Paarisamut AC-fuldmægtigi

Peqqissutsimik, pitsaaliuinermik eqqarsartaatsikkullu peqqissutsimik siuarsaanissaq sulissutigerusuppiuk? Nunalu tamakkerlugu meeqqat ilaqutaasalu inuunerannik allanngueqataarusussuseqarpit?

Isumaginninnermut Aqutsisoqarfimmi pinaveersaartitsinermut immikkoortortami Paarisami suliniutinik peqqissuunissamik siuarsaanermut pinaveersaartitsinermullu tunngasunik aamma isumaginninnerup peqqinnissaqarfiullu iluini peqqinnissaanermut pinaveersaartitsinermillu suliaqartarpugut. Suliaqarnerput inuit peqqissuunissaannut pilersaarummit Inuuneritta III-mit aallaaveqarpoq, aamma peqqissuunissamik siuarsaanikkut pinaveersaartitsinikkullu suliniutit najukkani innuttaasut oqaloqatiginerisigut, kissaatiginerisigut aamma najukkami suliniutit aallartitsinissamik periarfissaqarneri aallaavigalugit inerisarneqartarlutik.

Paarisami Siunnersortitut/ AC-fuldmægtigitut immikkoortortamut ilaalissaatit, tassani immikkoortortamut pisortaqarlunilu aqqaneq-marlunnik sulisoqarpoq.

Atorfimmi suliassaqarfik aallussiffiusussaq tassaavoq, suliaqartut pingaarutillit peqatigalugit suleqatigiinnernik pilersitsiniarnermik ingerlatsinermillu Paarisap sulineranut ilaalernissaq Sulinermi suliassat pingaarnertut kinguaassiutitsigut pinngitsaaliinerit pillugit suliniutini suleqatigiinniissapput (Killiliisa) aamma peqqinnartumik atoqatigiinnermik suliaqarfimmi suleqatigiinni.

Ulluni suliarisartagassatit allanngorassapput. Ullut ilaanni susassaqartut avataaneersut ilagalugit attaveqaatinik ataatsimeeqateqarsinnaavutit, ullulu alla videunik sanaassanik ataqatigiissaarisinnaallutit. Kiisalu suliniutini aqutsisunngussaatit, suliniutit attuumassusilinni nutaani taakkulu qanoq isikkoqassanerinik oqaasilersornerani peqataaffigissavatit. Assersuutigalugu angajoqqaanut meeqqat oqaloqatigisarnissaanut atortussianik suliassanik tunngasinnaapput imaluunniit digitalikkut isumaannaassutsip iluani suliniutini suliaqarneq. Pingaaruteqarpoq avataaneersunik suliniutini suleqateqarnissanik ujartuisuussasutit.

Naatsorsuutigaarput, illit makkuninnga pisinnaasaqarlutillu piginnaasaqassasutit:

• Attuumassutilimmik ilinniagaqarsimasutit, masteritut kandidatitulluunniit.

• Allallutit paasititsillaqqissuusutit.

• Atuutilersitsiniarluni suliaqarnermik misilittagaqartutit.

• Ilinniagaq aallaavigalugu suleqatigiit aamma immikkoortortat immikkoortuisa oqaloqatigiinnerannik pilersitsisinnaasutit aamma suleqatigiinneq aqqutigalugu angusaqarsinnaasutit.

• Suliniutinik ineriartortitsinermillu suliaqarnermik misilittagaqartutit.

• Inussiarnersuusutit, alapernaatsuullutit ammasuullutillu.

• Inuiaqatigiinnik kalaallinik aamma kalaallit kulturiannik ilisimasaqarluartutit.

• Ajornanngippat oqaatsinik marlunnik atuisinnaasutit, kalaallisut danskisullu

Illit suliassatit ilaatigut makkuussapput:

• Suliniummik Aqutsisoq suliassaqarfiit assigiinngitsut suliniutaanni ilaatigut Killiliisa-mi aamma kinguaassiuutitigut peqqissuunerup iluani.

• Suliaqarfimmi suliniutit nutaat inerisarneqarnerini innuttaasunik peqataatitsinissap qulakkeernera. 

• Suliaqarfimmi suliniutit pilersinneqareersut aallartinneqareersullu ingerlaannarlutik malinnaavigineri, pisariaqartitsisoqarneranilu taakku naleqqussarneri.

• Suliassaqarfimmi kommunit, peqqinnissaqarfik, politiit, ilinniarfeqarfiit aamma oqartussat allat oqaloqatigineqarnerannik pilersitsineq suleqateqarnerlu.

• Suliaqarfimmi suliamut attuumassutilimmik ilisimasanik pissarsiorneq katersinerlu.

Ilinnut makkua neqeroorutigisinnaavavut:

• Immikkoortortaqarfimmut, ingerlaavartumik ineriartortuartumut ilaalissaatit

• Suleqatigiit tunniusimasut aamma suliaminnut pikkorilluartut isumasioqatigisinnaasatillu suleqatigilissavatit

• Suliffeqarfik kiffaanngissuseqarfiuvoq sulisullu pitsaasunik atugaqarnissaannik pingaartitsisuuvoq

• Atorfik suliatigut inuttullu ineriartornissamut periarfissagissaartoq

• Aqutsisoq pitsaasumik isertikkiartuaarneqarnissaq immikkut ukkatalik, utertiffiginninneqqallaqissoq aamma suliffimmi atugarissaarnermut ukkatalik.

Isumaginninnermut Aqutsisoqarfik pillugu

Isumaginninnermut Aqutsisoqarfik Naalakkersuisut ataanni aqutsisoqarfiuvoq arfinilinnik immikkoortortalik: Pitsaaliuinermut immikkoortortaqarfik Paarisa, Aningaasaqarnermut immikkoortortaqarfik, Ulloq Unnuarlu Innersuussinermullu immikkoortortaqarfik, Sullissisunut Siunnersuisarfik, Meeqqanik Inerisaanermut immikkoortortaqarfik, Allatseqarfillu. Immikkoortortaqarfiit qanimut suleqatigiittarput aamma suliffeqarfiuvoq suliatigut unammillernartorpassualik.

Ulloq atorfiniffissaq:

Atorfik 1. maajip 2025 imaluunniit isumaqatigiissuteqarnikkut inuttalerneqarniarpoq.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Atorfik pillugu paasissutissat sukumiinerusut pissarsiarerusukkikkit, Paarisami immikkoortortaqarfimmi pisortamut Helena Lynge Møller helm@nanoq.gl, imaluunniit Paarisa pillugu paasisaqarnerugit uani: paarisa.gl 

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk