Drift- og udviklingskonsulent til Inussuk-IT

ERP drift 2. level-imut Drifts- og udviklingskonsulent-imik (specialkonsulent/seniorkonsulenti-imik) sulisussarsiorpugut. Pingaarnertut suliarineqassaaq ERP applikation AX Prisme taasumallu IT-mik avatangiisii ilanngullugit, sullitagut aammalu leverandør-igut atuinerannut ikorfartussallugit ineriartortissallugillu.

ERP-mi suleqatigiinnut ilanngutissaatit, tassani ingerlatsinermi suliarineqarlutik akisussaaffigineqaput ERP-mi suliaqarfiit ulluinnarni ikiorsiineq, ingerlatsineq, ineriartortitsinerlu.

Kommunini tallimaasuni tamani aamma Namminersorlutik Oqartussani Inussuk-IT – Grønlands Fællesoffentlige IT, ERP-system AX Prisme ingerlanneqarnera atuisunullu sullissinera akisussaaffigaa. Uani suleqatitit peqatigalugit systeminik IT iluani suliaqassaatit. Regnskabeni aningaasaqarnermut suliassartai uangut suliarineq ajorpagut, taanna suliassaq sullitatta namminneq akisussaaffianiippoq. Kisiannilili uatsinni regnskabsteknisk-imik ilisimasaqarnissaq pisariaqarluni.

Illit suliassatit

Kontorchefimut innersuussisarlutit ilaatigut suliassat tulliutut suliassarissavatit:

• ERP Support-imiik suliassat ingerlateqqitat tigoorassallugit isumagalugillu

• ERP system-imi pingaarnertut ajutoorutit, allanguutissat, ineriartortitsinerillu isumaginissaat

• Kommunini Namminersorluk Oqartussanilu system-imi aaqqiissutissanik isumaginninneq

• Kommunini Namminersorlutik Oqartussanilu atuisunik ikiuineq

• ERP system-imi immikkoortunik pingaarutilinnik ikkussuineq

• Kommunini aamma Namminersorlutik Oqartussani immikkoortortanik oqaloqateqarnerni attaveqarnernullu peqataaneq

• Ulluinnarni pisisarffitsinnut attaveqartarneq

• Suliarisimasat nalunaarsorneqaranik isumaginninneq

• Allaffiup suliassaanut allanut tunngassuteqartunut suliaqarneq

Illit ilisarnaatitit

Uku piginnaasaqarfigissagitit pingaartipparput:

• Tunngaviusumik naatsorsuutinik suleriaatsinik ilisimasaqarneq, økonomisysteminik misilittagaqarneq, AX-Prisme-milu misilittagaqarneq naliliinermi iluaqutaassaaq

• Tunngaviusumik IT-lerinermik suleriatsinik ilisimasaqarneq

• Paasinartumik nassuiaassisinnaaneq

• Kalaallisut qallunaatullu oqaaseqartuuneq soorluttaaq tuluit oqaasiinik ilisimasaqarneq pitsaassalluni

• Naatsorsuutigaarput illit tatituujusutit, tusarnaarsinnaasoq aamma paasissutissanik iioraasinnaasutit suliarinnissinnaasutillu, aamma inuttut pitsaasumik attaveqarsinnaavutit inunnut patajaatsumik atassuteqarfigisinnaasannik pilersitsisinnaallutit. Suliffeqarfimmi aaqqissuussani suniluunniit atassuteqallaqqissuuvutit allakkatigut soorluttaaq oqaatsitigut. Allannguutinut nikeriarsinnaassuseqarputit, pingaarnersiuillaqqissuullutit aamma sorpassuit ataatsikkut suliarisinnaavatit.

Ilinniagaqarsimanerit

Suliamut tunngasumik naapertuuttumik ilinniagaqarsimavutit.

Uagut pilluta

Naalakkersuisut anguniagaraat IT-mik digitaliseriinermillu annertunerusumik atuinikkut Kalaallit Nunaanni inuiaqatigiit digitalikkut ineriartornerisa siuarsarnissaa, tassunga ilanngullugu pisortat allaffissorneranni pisariillisaaneq.Tamanna Inussuk IT-miik annertuumik peqataaffigaarput. Inussuk IT siulersuisoqarluni ingerlavoq, siulersuisut Kommuneneersuullutillu Namminersorlutik Oqartussaneersuupput. Sulisut Namminersorlutik Oqartussani atorfeqarput.

Neqeroorutigaagut

Atorfik assigiinngitsunik suliaqarfiusoq, namminersorfiusoq unammisassaqarfiusorlu neqeroorutigaarput, suliamik ingerlatsinermi inuttullu ineriartornissamik periarfissiisoq. Suleqatit pikkorissut tunniusimasullu peqatigalugit persuarsiorani suliffimmi avatangiiseqarfiusumi peqataassaatit. 

Atorfik pillugu annertunerusunik paasisaqarusukkuit allaffimmi pisortaagallartoq Hans-Lars Kleemann Møller attaveqarfigisinnaavat, oqarasuaatikkut +299 482707 / hakl@nanoq.gl

Ulloq qinnuteqarfissaq kingulleq 24. marts-i 2025

Atorfinitsitsiniarnermut oqaloqateqarnerit ataavartumik ingerlanneqassapput.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Qinnuteqaat nassiuguk