Naalakkersuisut Siulittaasuata Naalakkersuisoqarfiani immikkoortortaqarfimmi pisortassaraatsigit?

Naalakkersuisut Siulittaasuata Naalakkersuisoqarfia Nuummi Ingerlatseqatigiiffinnut Allattoqarfimmi immikkoortortaqarfimmi pisortassarsiorpoq.

Ingerlatseqatigiiffinnut allattoqarfik 

Namminersorlutik Oqartussat ingerlatseqatigiiffinnik 13-inik inuussutissarsiornermi assigiinngitsunik siunertaqartunik suliaqarfiusunillu piginnittuuvoq. Ingerlatseqatigiiffiit ukiumut ataatsimut 12,5 mia. koruunit sinnerlugit kaaviiaartittarpaat. Naalakkersuisut Ingerlatseqatigiiffinnut Allattorfik, aaqqissuusaanikkut Naalakkersuisut Siulittaasuata Naalakkersuisoqarfiani inissisimasoq, suleqatigalugu piginnittuunerminik ingerlatsisarpoq. Annertunerusumik paasisaqarnerorusukkuit Naalakkersuisut.gl iserfigalugu Naalakkersuisut Siulittaasuata Naalakkersuisoqarfiata ataani Ingerlatseqatigiiffinnut Allattoqarfik pillugu sukumiinerusumik paasisaqarsinnaavutit.

Ingerlatseqatigiiffinnut Allattoqarfiup ukioq 2024-mi 2023-mut Piginnittuunermut politikki pillugu isumaqatigiissutit tunngavigalugit Namminersorlutik Oqartussat ingerlatseqati-giiffiutaani aqutsinermut allagaatinik atuutsilerpaa. Immikkoortortaqarfik taamaammat piffissami aggersumi pilerinartumik ineriartortinneqassaaq. 

Ingerlatseqatigiiffinnut Allattoqarfimmi immikkoortortaqarfimmi pisortatut suliassatit ilaatigut makkuusapput:

• Namminersorlutik Oqartussat aktiaateqarluni ingerlatseqatigiiffiutaani aqutsinermut allagaatissaanik atuutsitsilernissaq ataavartumillu nutarteriuarnissaq.

• Naalakkersuisut Siulittaasuannik sullissineq ilaatigut ilisimatitsissutinik, aalajangiinissamut isummernissamut tunngavissianik, nassuiaatinik il.il. suliaqarnernik.

• Naalakkersuisut Namminersorlutillu Oqartussat ingerlatseqatigiiffiutaasa akornanni pissutsit pillugit Naalakkersuisunut siunnersuinissamik akisussaaqataaneq.

• Ingerlatseqatigiiffinnut Allattoqarfimmi suleqataasutut Namminersorlutik Oqartussat aktiaateqarluni ingerlatseqatigiiffiutai pillugit nalunaarusioqataaneq.

• Aktiaateqarluni ingerlatseqatigiiffiit Namminersorlutik Oqartussanit pigineqartut 13-it ataatsimeersuarnissaannik piareersaasarnerit aamma ingerlatseqatigiiffiit naatsorsuutaannik, periusissiaannik, ingerlatsinissamut pilersaarutaannik il.il. naliliisarluni misissuinerit oqaaseqaateqartarnerillu taamatuttaaq tamakku pillugit Naalakkersuisunut nalunaarusiortarnerit. Tamakkununnga atatillugu ingerlatseqatigiiffiit siulersuisuisa/pisortaqarfiisa, Namminersorlutik Oqartussani atorfillit aamma Naalakkersuisut Siulittaasuata akornanni annertuunik ataqatigiissaarisoqartassaaq. 

• Aqutsisut siulersuisunilu ilaasortat kiisalu Naalakkersuisut attuumassuteqartut ukiumoortumik ataatsimiinnissaat isumasioqatigiinnissaallu ataqatigiissarlugit. Kingornalu peqataasimasunut malitseqartitsineq.

• Ingerlaavartumik paasissutissanik katersisarneq aammalu ingerlatseqatigiiffiit ulluinnarni aqutsisuinik oqaloqateqartarnerit kiisalu ingerlatseqatigiiffiit naatsorsuutaannik, periusissiaannik, ingerlatsinermut pilersaarutaannik assigisaannillu misissueqqissaarinerit.

• Aktiaateqarluni ingerlatseqatigiiffiit Namminersorlutik Oqartussanit pigineqartut pillugit nassuiaatinik suliniutissanillu suliaqarnermut atatillugu Naalakkersuisoqarfinnik allanik suleqateqartarneq.

Piginnaasat 

Kanditatitut qaffasissusilimmik ilinniagaqarsimanissaq ( Merc, Cand. Jur., Cand. Scient. Pol. taakkunanulluunniit assingusumik imaluunniit aqutsinermik, inuussutissarsiornermi malittarisassanik aningaasarsiornermullu ingerlatsinermik ukiuni arlalinni misilittagaqartoq. Kalaallit Nunaanni pissutsinik ilisimasaqarluaruit iluaqutaassaqaaq.

Makkuninnga piginnaaneqassasutit naatsorsuutigaarput: 

• Inuussutissarsiutinik aqutsisutut akisussaaffilimmillu suliaqarnermik atorfigisimasanni misilittagaqarluassasutit.

• Namminersorlutit assigiinngitsorpassuarnik suliaqarneq. ajornanngippat aningaasaqarnerup inatsisilerullu iluani. 

• Naalakkersuinermut tunngatillugu aaqqissuussaanermi tusagassiorfinnit sammineqakkajoqisumi aqutsisutut akisussaallutit sulerusussuseqartutit. 

• Allattariarsornermi pitsaasunik piginnaaneqartutit taamatullu naatsunik erseqqissunillu oqaasertalersuisinnaassuseqartutit. 

• Nalilersuilluni misissuisarnermut misikkarissuusutit paasisimannittuullutillu. 

• Allaffissornikkut aqutsinermi taamatullu aktiaateqarluni ingerlatseqatigiiffinni Namminersorlutik Oqartussanit pigineqartuni sutigut tamatigut sulisunik pisortallu sinniisaannik pitsaasumik suleqatiginnissinnaasutit. 

• Siulersuisut allatseqarfiannik taassumalu akisussaaffiinik ineriartortitseqqinnermik suliaqarneq qulakkeerinninnerlu. 

Suleqatigiit ikittunnguit tunniusimalluartut ulluinnarnilu sulinerminni angusaqarluarnissamik pingaartitsisut pisortatut akisussaaffigissavatit. Uagut neqeroorutigaavut:

• Naalakkersuisut Siulittaasuata Naalakkersuisoqarfiani aqutsisoqatigiinni ilaassaatit aqutsisut suleqatitit isumasioqatigisassallugit. 

• Inatsisilerinermi assigiinngitsorpassuartigut, inuussutissarsiornermi aningaasaqarnikkut naalakkersueqatigiinnikkullu suliassat pissanganartut.

• Suliassavit aaqqissuunneqartarneri nammineerlutit akisussaaffigissavat namminerlu suliassatit suliniutissatillu sunniuteqarfigisinnaassallugit.

• Suliatigut inuttullu ineriartornissamut periarfissat pitsaasut. 

• Pisariaqartitsineq namminerlu kissaatigisat malillugit ilinniaqqinneq.

Atorfinitsinneqarneq

Atorfik akissaateqarfimmi LR 38-misut qaffasissusilimmi maanna inissisimavoq.

Aningaasarsiat, LR 38-mi aalajangersimasunik aningaasarsianut ilalik, 1. apriili 2022 aallarnerfigalugu qaammammut kr. 56.911-nik aamma ukiumut kr. 682.930-nik amerlassuseqarput. 

Atorfimmut atatillugu piffissap suliffiusussap sivisunerpaaffissaa aalajangersagaanngilaq, aamma qaangiuttoornermi ajunngitsorsiassaqarneq pillugu aalajangersakkat kiisalu ullunik sulinngiffiusussanik annaasaqarnermi ajunngitsorsiassat pillugit aalajangersakkat atuutinngillat, aallaaviatigut sap. akunneranut 40 tiimit sulisoqartassalluni.

Ineqarneq 

Atorfinikkiartorluni angalaneq pisattallu nuunneqarnerat Namminersorlutik Oqartussat akilissavaat. Inissamik innersuussisoqarsinnaavoq malittarisassat sukkulluunniit atuuttut malillugit akilerneqartartussamik. Piaartumik isumaqatigiissuteqarnikkulluunniit atorfik inuttalerneqassaaq.

Atorfininnermi malittarisassat sukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Qinnuteqartut atorfitsik aqqutigalugu ineqartinneqareersut imaluunniit kommunimiit Namminersorlutik Oqartussanilluunniit pigineqartunik ineqartut inissaannik innersuussisoqarsinnaanngilaq. Malittarisassat sukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Sulisutut inigisaq atorfeqarnermut tunngasuuvoq, atorfeqarunnaarnermilu qimanneqartussaassalluni.

Ineqarnermut akiliut aamma inissiap pitsaassusia inissiap qanga sananeqarsimanera, piginnittua il.il. apeqqutaallutik nikerarsinnaapput. Sulisutut ataavartumik initaarnissaq utaqqinarsinnaavoq, taamaattumik utaqqiisaasumik inissiisoqarsinnaasarpoq, matumani aamma najugaqatigiiffiit minnerusut imaluunniit akunnittarfinni inissiat pineqarlutik, taakkulu akileraarusersorneqassallutik. Sulisunut inissiami imaluunniit utaqqiisaasumik inigisami uumasuutit anginerusut, soorlu qimmit qitsuilluunniit, uumasuutigineqaqqusaanngillat.

Qinnuteqarneq

Atorfik pillugu apeqqutissaqaruit Lars Balslev mail laba@nanoq.gl imaluunniit oqarasuaat +299 34 51 15 / +299 52 27 77 atorlugit attaveqarfigiinnassavat.

Qinnuteqaatit kingusinnerpaamik ulloq 15. april 2025-mi tigoreersimassavarput. Sulisut katitigaanerat inuiaqatigiinnisut issasoq Naalakkersuisoqarfimmit kissaatigineqarmat inuiaassuseq, ukiut suiaassuserlu apeqqutaatinnagit kikkulluunniit qinnuteqaqquneqarput. Akissarsianut atorfinitsitaanermullu tunngasut 

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginninniar-sinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit pissapput. Inissiaq atorfimmut atatillugu sulisunut inissiamik innersuussisoqanngilaq.

Qinnuteqartoq Namminersorlutik Oqartussani atorfeqarnini aqqutigalugu sulisutut ineqareeruni sulisutut inissiamik innersuussivigineqarnissamut pisinnaatitaaffik attatiinnarneqassaaq. Sulisutut inigisaq atorfeqarnermut tunngasuuvoq, atorfeqarunnaarnermilu qimanneqartussaassalluni. Qinnuteqaat, imminut ilisaritinneq, ilinniarsimanermut aamma pikkorissarsimanermut uppernarsaatit aamma pappiaqqat attuumassutillit "Qinnuteqaat nassiuguk" toorlugu nassiutikkit. E-mail aqqutigalugu qinnuteqaatit nassiussat tiguneq ajorpavut.

Qinnuteqaat nassiuguk