Geografimi aamma Science-mut ilinniartitsisumik Kujataani ilinniarnertuunngorniarfimmut ukiumi atuarfiusumi aggersumi pissarsiorpoq

Gux Qaqortoq ilinniartitsittisumik pissarsiorpoq ilinniagassani ukunani Geografi aamma Science atuarfiusussami aggersumi.. Ukiut pingasut qaangiuppata Kalaallit Nunaannit Qallunaat Nunaannut pigisanik angallassineq angerlamullu aqqutaa GUX Qaqortumit akilerneqassapput. Immikkut ittunik pisoqarpat atorfininneq ukiut ataasiakkaarlugit isumaqatigiissutit naapertorlugit pisinnaavoq.

Naak immikkut Geografi aamma Science-mut ilinniartitsisumik ujarlertugut, taamaattoq fagini allani faginik kattuffeqartut qinnuteqarnissamut tikilluaqqusaapput.

GUX Qaqortoq Cambus Kujallermut atavoq, EUD- aamma gymnasiami immikkoortortaqarpugut. GUX Qaqortumi pingaarnertut ilinniartitsissaatit, kisianni aamma ilinniarfiup immikkoortortaqarfiini allani sulinissarnut periarfissaqarputit. Tassunga sungiussiasuuguit uagut isitsinni illit soqutiginarnerussaatit, Campus Kujallermi suliassanut ilinniartitsisuvut ajornannginnerpaamik atorluarusukkatsigit.

Malugiuk, atorfininneq pissaaq aggustip aallaqqaataanit 2025 imaluunniit isumaqatigiinnikkut. GUX Qaqortumi tigussaasunik sinaakkutarissaarpugut. Ilinniartitsissuuguit gumnasiami ingerlalluartoq, ilinniartitsisut sulisullu allat ulluinnarni kivitseqateqarnissamut imminnut pisariaqartinneranni, illit ujarpatsigit.

Campus Kujalleq pillugu paasisaqarnerorusukkuit cak.gl -imi aamma iserasuaat.gl -imi atuarnerusinnaavutit. Ilinniartut amerlanersaat Campus Kujallermi kollegiani najugaqarput. Ilinniartunik qanimut attaveqarnissaq naatsorsuutigisinnaavat, piffissallu ilaani ilinniartitsinerup saniatigut suliassanik allanik annikinnerusunik suliaqarsinnaanerit pisariaqartinneqassaaq.

Uatsunnut soqutiginarputit:

• Tunngaviusumik kandidatitut assigusumilluunniit ilinniagaqarsimanissat.

• Aqutsisut ilinniarfimmut siunniussaannut, kiisalu suleqaternut ilinnartunullu tatiginnittutit. 

• Ilinniartunut akuersaarpalaartumik periuseqartutit.

• Ilinniartitsinermi misilittagaqartutit aamma gymnasiami perorsaanermut. 

• Gymnasiamut tunngasunik taakkulu ataani kalaallinut tunngasunik ilisimasaqartutit.

Uagut ilinnut soqutiginarsinnaavugut:

• Suleqatigiinnerit annikinnerusut piumagukkit, ataatsimut kivitseqatigiinnissami tamatta uagutsinnut pisariaqartippugut.

• Kalaallit gymnasiaat avatangiisini kusanartuni ingerlateqqinnissaa kissaatigigukku.

• Sulinerni inuttut namminiussuseqarlutit akisussaaffeqarlutillu sulinissat toqqarukku. 

• Nutaamik misileerusukkuit, taamaattoq gymnasiami ilinniartitsisuunerit ingerlatiinnarlugu.

• Suleqatit ikiuukkumatuut suleqatigerusukkukkit.

• Pinngortitami alianaatsumi najugaqarusukkuit, qaqqanut pisuttuarnernut, immakkut angalaarnernut, piniarnermut aalisarnermullu periarfissaqarlutit. 

Suliffimmut soqutiginnikkut qinnuteqannginninni tunulequtat oqaloqatigissavat. Manna suliffik nutaaginnaanngilaq, kisianni qinnuteqartunut amerlanernut inooriaatsimik allannguineruvoq – taamaattumik ilaquttanit tapersersorneqarnissaq pingaarutilerujussuuvoq.

Nalinginnaasumik atorfininnerni vakantboligimut inissinneqassaatit. Inissinneqarallarnerup sivisussusaa GUX Qaqortumut attuumassuteqanngilaq.

Qinnuteqarfissap kingulleq sisamanngorneq ulloq marsip 27-at 2025 nal. 13:00. (Danmarkimi nal. 16:00).

Sulilersitsinissamut aaqqissuussineq oqaloqatigiinnernik marlunnik imaqarpoq. Siullermik oqaloqatigiinneq virtualiusumik ingerlanneqassaaq sapaatit akunnerini 10-15 akornanni piffissami aalajangersimasumi, peqataassallutik rektori, allaffissornermi inspektøri, ilinniartitsinermut aqutsisoq kiisalu TR-funktioni. Aappaatalu oqaloqatigiinnera Københavnimi ingerlanneqassaaq sapaatit akunnerini 16-imi imaluunniit 17-imi, tassani peqataassapput rektori aamma allaffissornermi inspektøri.

Annerusumik paasisaqarusukkuit, rektori Jonbert Davidsen e-mailikkut jd@cak.gl imaluunniit oqarasuaatikkut +299 23 93 49 imaluunniit aqutsinermi inspektori Peter Rømer e-mailikkut pr@cak.gl imaluunniit oqarasuaatikkut +299 49 36 62 / +45 54 31 72 00 attavigisinnaavatit. 

Qinnuteqaativit tigunissaanut qilanaarpugut. Ilinniarsimanermut CV-llu kakkiunnissaa eqqaamajuk. 

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Qinnuteqaat nassiuguk