PAASISSUTISSAT
Atorfiup suussusaa: Radioekspedienter
Suliffeqarfik: Tusass
Qinnuteqarfissamut killigititaq: Ingerlaavartumik
Attavissaq: Nanna Sandgreen oqarasuaatikkut +299 38 94 53 imaluunniit emailikkut nsa@tusass.gl
Radioqarneq, attaveqarneq sullissinerlu suliarerusuppigit?
Atorfik pillugu
Aasianni radioqarfik nunatsinni imaani umiarsuit radiokkut attaveqartarnerannik sullissisuupput.
Ulluinnarni nunatsinni sineriak tamakkerlugu imaatigut radiokkut isumannaallisaanermut attaveqaqaatit, umiarsuarnut, takornariutinut umiarsuarnullu nunanit allaneersunut isumagisarisarparput.
Radiokkut sullissisup Aasiaat Radiomi nakkutilliinermut aammalu attaveqartunut sullissinermi radiomik aqutsisoq suleqatigisarpaa.
Slilernermut atatillugu suliaqartarnermut sungiussiniaqqaarnissaq ilimagineqasissaaq. Tassunga atatillugu suleqat sanileralugu ilinniarnertut sapaatip akunneri siulliit 3 – 4 atorneqartarput.
Aasiaat radio suliffeqarfiuvoq, ukioq tamaat, akunnerit tamaasa sulisoqartoqartariaqartoq. Taamaammattaaq juullikkunni aammalu poorskikkunni ullunilu allani nalliuttorsiorfiusuni sulisoqartassaaq. Tassa ukiup ullui 365 tamaasa, akunneri 24-it tamaasa.
Suliassat qitiusut
- Imaani angalasut akiliuteqarnikkut radiokkut attaveqartinnerannik erseqqissaaneq
- Imaani radiokkut isumannaallisaanermi attaveqaqatigiisitsineq, tassunga ilanngullugu uku attaveqaqatigineri
- Umiarsuit ajornartoortut
- Umiarsuit umiatsiallu motorimik ajornartorsiutillit
- Umiarsuarnik ujaasinerit
- Isumannaallisaanermut nalunaarutit assersuutigalugu:
- Anorersuarnissaanik, anorsarinnissaanik aammalu sermernarnissaanik aarlerisaarutit
- Imarsiortunut mianersoqqussutit
- Sullisinermut nalunaarutit
- Nunatsinni umiarsuit imaani angalasut nakkutigineri
- Nunatsinni umiarsuit takkuttunit ingerlaartuniillu GREENPOS-kaleeriutaannik ingerlatitsinerit
- Ikioqqullutik GSM 112-kkut attaveqartut ingerlateqqinneqarneri.
- Radiokkut attaveqaatit amerlasuut nunatta sineriaanit aammalu Tasiilamit aallaavillit nakkutigineri.
- Angallannermut atortorissaarutip Aasiaat Radio-mut attuumassutillip nakkutiginera.
- Radiokkut tigooraaviit arlallit nakkutigineri
- Umiarsuit kalerriisut akineri
- Radiop oqarasuaatai paarineri aammalu GSM 112 aamma 130
- Nassiussinerit
- Angallattunut allatorsimaffiit
- Isumannaallisaanermut nalunaarutit
- Ujaasinerit
- Sullisinermut nalunaarutit
- Qarasaasiat, aniatitsiviit allallu allaffimmi atortorissaarutit nakkutigineri
- Allaffissornermut suliassat allat
Illit pillutit
Naatsorsuutigaarput allaffissornikkut tunuliaqutaqartutit, ass. TNI HK assingusunilluunniit allaffissornikkut misilittagaqartutit.
Tamatumunngalu atatillugu qarasaasianut atortorissaarutinik ilisimannillutit.
Nunat tamalaat malittarisassat najoqqutassiaallu aallaavigalugit sulisoqarmat, nutserisoqartarsinnaanera aammalu tuluttut, qallunaatut, kalaallisullu oqaluttoqartarsinnaanera ilisimaneqariissaaq.
Piumasaqaataassaarlu radiokkut malittarisassaq naliginnaasoq ilisimassagit.
Tamanna isumaqarpoq, radiomik sullissisinnaanermut allagartaqartoqarnissaa imaluunniit radiokkut sullissinermi pikkorissartoqarumaarluni, tamannalu uagut isumagiumaarparput.
Naatsorsuutigaarput illit inuttut
- Ilagiuminartoq suleqataalluarsinnaasorlu
- Sullisserusunnermut piumassusilik
- Teknikikkut ilisimasaqqortooq alapernaattorlu
- Attaveqarumatooq oqaloqatiginnilluartartorlu
- Utaqqisinnaassusilik ikiuukkumatoorlu
- Akisussaaffimmik takutitsisoq namminersullaqqissorlu
- Nikerartuniissinnaaneq
Sulinermut piukkunnaatit
- HK-mik imaluunniit assingusumik ilinniarsimasoq
- LRC (pisinnaappat) imaluunniit SRC
- Tuluttut, Kalaallisut, Qallunaatut allattariarsornikkut oqaluttariarsornikkullu pisinnaassusilik
- Ikiueqqaarsinnaaneq
- Office-mut qarasaasiatigullu ilisimasalik
- Alaannarluni allassinnaaneq
Sulilerfissaq naatsorsuutigaarput 1. maj 2025, isumaqatigiissuteqarnikkulluunniit pissasoq.
Neqeroorutigaarput
Namminersorlutik Oqartussat aamma SIK isumaqatigiissusiaannit imaluunniit Namminersorlutik Oqartussat Radiotelegrafistforeningen-illu 1917-mit isumaqatigiissusiaat naapertorlugu atorfinittoqassaaq.
Apeqqutissaqarpit?
Qinnuteqaatit e-mailikkut tiguneq ajorpagut. Qarasaasiakkut maana qinnuteqaatit, CV aammalu allagaatit allat attuumassuteqarsinnaasut ilanngullugit piaarnerpaamik atorfimmut qinnuteqarit.
Tusassip qinnuteqaatit takkuttut tulleriaarlugit suliariumaarpaat, tassanngaanniillu ingerlaavartumik oqaloqatigiinnerit pilersaarusiorneqarumaarlutik.
Atorfiup imarisai pillugit apeqqutissaqaruit angallannermut pisortaq Nanna Sandgreen oqarasuaatikkut +299 38 94 53 imaluunniit emailikkut nsa@tusass.gl attavigiuk.
Tusarfiginissat qilanaaraarput.
Uani Tusass pillugu paasisaqarnerusinnaavutit: www.tusass.gl
Qinnuteqarfissaq: https://www.tusass.gl/atorfiit/job/?id=2025-04-13
Qinnuteqarit
