Illunik titartaasartoq

Nunatta Katersugaasiviani illunik titartaasartutut atorfik inuttassarsiorneqarpoq

Atorfik

Nunatta Katersugaasivia Allagaateqarfialu illunik titartaasartutut ilinniarsimasumik 1. juli 2025-imi kingunitsianngualuunniit ivertissinnaasumik pissarsiorpoq. Illunik titartaasartunngortussap immikkut aserfallassaaneq, illunik sanaartukkanillu kulturikkut eriagisassaasunik aqutsineq, taavalu illunik eqqissisimatitaasunik suliaqarneq ingerlatissavaa. illunik titartaasartumik illunik eqqissisimatitaasunik eriagisassaasunillu iluarsartuussinernik pingaartitsisumik, taavalu sanaartueriaatsinik atortussanullu tappiffeqartumik pissarsiorpugut.

Suliassaqarfik

Nunatta katersugaasiviani Allaagaateqarfianilu qitiusumik illut eqqissisimatitat allassimaffi

tigummisaraavut, taavalu aamma eqqissisimatitassat isumagisarlutigit, pingaarnertullu

eqqissisimatitsinissamik inatsit malillugu suliaqartuulluta.

Suliassat pingaarnerit

• nuna tamakkerlugu illunik eqqissisimatitaasunik nakkutilliineq
• illunik kulturikkut pingaarutilinnik nalunaarsuineq, misissuineq uuttortaanerlu
• siunnersuineq naliginnaasumillu paasisitsiniaaneq

Naatsorsuutigaarput:

• oqaluttuarisaanermik ilisimasaqartuussasutit, taavalu illunik kulturikkut pingaarutilinnik sanaartueriaatsinillu ilisimasaqartuussasutit
• nakkutilliinermi suleriaatsinik ilisimasaqartuussasutit

Qinnuteqartussaq kalaallisut oqaluttuussaaq qallunaatullu piginnaaneqarluassalluni, tuluillu

oqaasiinik atuisinnaassalluni.

Atorfik pillugu annertunerusumik paasisaqarusukkuit titartaasartoq katersugaasivilerisorlu Inge Bisgaard mailikkut attaveqarfigalugu paasiniaasinnaavutit maana: inge@natmus.gl tlf: +299 382230.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk