Ilaqutariinnik aqqutissiuussisunik marlunnik

MI Tasiilami Suliniutinik Ingerlatsivimmi (Indsatsområdet) Ilaqutariinnik aqqutissiuussisunik marlunnik suleqatissamik pissarsiorpoq (familievejleder)

Kommuneqarfik Sermersooq pikkorissumik tunniusimasumillu MI Tasiilami suliniutinik ingerlatsivimmut (indsatsområdet) ilaqutariinnik aqqutissiuussisutut suleqatissamik marlunnik pissarsiorput, 01.06.2025 kingusinnerusukkulluunniit piaartumik sulilersinnaasumik pissarsiorpoq

MI Tasiilami aaqqissuusseqqinneq ingerlanneqarnikuuvoq, tassanilu suliniutinik ingerlatsiviit tamarmik ataatsimut immikkoortortaqalerputt. Immikkoortortami sulisut tamakkerpata 23 naatsorsuutigineqarput, imatullu agguarneqarlutik: immikkoortortami aqutsisoq 1, suliniuteqarnernut aqutsisoq 1, tarnip pissusaanik immikkut ilisimasalik 1, psykoterapeutit 2, børnehusimut konsulent 1 børnehusimii sullinneqartunut ataqatigiissaarinermik suliaqartoq, ilaqutariinnik aqqutissiuisut 10 – taakkunannga ataaseq ataqatigiissaarinermik aamma suliaqassalluni -, inuusuttuaqqanut siunnersortit 4 – taakkunannga ataaseq ataqatigiissaarinermik aamma suliaqassalluni - aamma ilaqutariinnut paarsisartunut siunnersortit 3.

MI Tasiilami suliniutinik ingerlatsivimmi sullinneqarput meeqqat ilaqutariillu tapersersorneqarnissamik pisariaqartitsisut, pisortat oqartussaaffeqarsiani sullissisunik (sagsbehandlere) innersuunneqarsimasut/ imaluunniit ammasumik siunnersorneqarnissamut saaffiginnissimasut. Børnehusimut tunngatillugu politiit aamma innersuussisinnaasarput, tassanilu videoafhøringit pineqarnerusarlutik.

Ilaqutariinnik aqqutissiusoq ilaqutariinnik aqqutissiuinermik isumaginninnikkullu sullissinermut suleqataassaaq, taamatut atorfeqartut allat aammalu ungerådgiverit MI Tasiilamilu sulisut allat qanimut peqatigalugit. Ilaqutariinnik aqqutissiuisut sinaakkusersorluakkamik sullissisussaapput, tassanilu ilaqutariit tamaasa qiviarlugit sinaakkusersuineq ingerlanneqartarluni.Atorfik ulloq naallugu atorfiuvoq, qaninnertullu qullersarissavat indsatsområdemi afdelingsleder.

Atorfiup imarisaa:

Ilaqutariinnik aqqutissiuisutut misilittangalimmik – ilinniakkatigut aammalu ajornanngippat meeqqanik ilaqutariinnillu pisariaqartitsisunik sullissinermik misilittagaqarluartumik pissarsiorpugut, meeqqanik ilaqutariinnillu tapersersorneqarnissamik, ilitsersorneqarnissamik katsorsarneqarnissamilluunniit pisariaqartitsisunut sullissinitsinnut peqataalluarsinnaasumik ataanilu makkunannga suliaqarluarsinnaasumik pissarsiorpugut:

∙Ilaqutariit meeqqallu tapersersorlugillu aqqutissiuutissallugit, oqaloqatigiinnikkut, maligassiunikkut isumassuinikkullu pitsaasumik ineriartornissaat pillugu

∙Perorsaanermut inuiaqataanermullu tunngasunik meeqqat ilaqutariillu suliniuteqarfigineranni peqatigissallugit

∙Meeqqat ilaqutariillu angerlarsimaffiannut ornillugit sullissinerit

∙Meeqqat ilaqutariillu oqaloqatigisarlugit

∙Pissutsinik qulaajaasimaneq nalilersuinerillu tunngavingalugit suliffeqarfiit akimorlugit suleqataaneq, iliuusissanut pilersaarutit suliarineqarneranni peqataaneq

∙Suliffeqarfiup iluani avataanilu suleqatissat qanimut suleqatiginissaannut peqataaneq

∙Katsorsaanermik suliaqarnermut tunniusimalluni peqataanissaq, aammalu ineriartortitseqqinnermut peqataaneq

∙Ammasumik siunnersuisarfiup ammanerani sullissisutut peqataaneq

∙Suliarinasuarneqarsinnaasullu allat ilanngullugit (Ad hoc) immikkoortortami aqutsisoq fagchefeluunniit suliakkiineratigut

Suliassat MI Tasiilami sulisut allat indsatsområdemi aamma myndighedimi, kiisalu suliffeqarfiup avataani sulisut allat, soorlu; politii, peqqinnissaqarfik, atuarfik ulluunerani paaqqinnittarfiit peqatigilluinnarlugit suliat ingerlanneqartassapput.

Qinnuteqartunut naatsorsuutigisat:

∙Perorsaanermut isumaginninnermulluunniit tunngasumik ilinniagalik, soorlu socialpædagog, sundhedsassistent, socialhjælper, småbørnskonsulent imaluunniit isumaginninnerup iluani ilinniagaq alla

∙Ilaqutariit tamakkiisumik isigalugit sullissinermik misilittangalik

∙Inuttut sulisutullu misilittakkat tunngavingalugit ersarissumik isummersinnaasoq paasititsisinnaasorlu

∙Suliassanik sinaakkusersuilluarsinnaasoq, ataqatigiissaarisinnaasoq, pilersaarusiorsinnaasoq aammalu nakkutilliilluarsinnaasoq

∙Allattariarsornikkut paasinarluartumik suliaqarsinnaasoq

∙Pitsaasumik inunnik isiginnittariaasilik, iluaqutaasunullu tappilluarluni aallussilluarsinnaasoq

∙Inunnut assigiinngisitaartunut oqaloqatiginnikkusullunilu oqaloqatiginnilluarsinnaasoq, sumiiffiini naapillugit allannguinissaannut tapersersuisinnaasoq

∙Ammasuusoq saaffigiuminartuullunilu

∙Suliffeqarfik ineriartortitsiusoq suleqataaffigerusukkaa

∙Suliniutinik ingerlatsinermik misilittangalik

Pingaartipparputtaaq:

∙Aalajaatsoq, pitsaassutsimik pingaartitsisoq immikkuualuttullu ilanngullugit maluttarissoq

∙Uippakajaarani arlariinnik suliaqarsinnaasoq

∙Erseqqissumik tappissumillu allattariarsorlunilu oqaluttariarsorsinnaasoq

∙Nammineerluni sulisinnaasoq, akisussaassuseqartoq sullissiumatoorlu

∙Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq

∙Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu

∙Nukittooq pilersitsiniallaqqissoq inissaqartitsiuartoq piumassuseqarluartorlu

∙Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq

∙Atituumik suleqateqarluarsinnaasoq

Neqoroorutigaavut:

Suliffik unamminartoq, suliat imarisaannut sunniuteqarnissamut periarfissaqartitsisoq, suliffeqarfimmi ineriartortumi allanngoriartortumilu nammineerluinnarluni annertuumik akisussaaffeqartitaaneq. Pingaartilluinnarparput patajaatsumik suliassanut suliffimmullu pulatikkiartuaarneqarnissaq, pimoorulluinnarparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartittuarpavut.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: afdelingslederi Emilie Napatoq, oqarasuaat +299 367623 imaluunniit e-mail: emnp@sermersooq.gl

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq

Qinnuteqaat:

Qinnuteqaat qulequtserlugu Atorfiup ilisarnaataa 378-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: maajip 6.-at, 2025

Atorfik una qinnuteqarfigiuk