Sulisoqarnermut kiffartuussivik akissarsialerinermut siunnersortissarsiorpoq

Aningaasarsialerinerup iluani siunnersuinermut misilittagaqarpit aammalu suleqatigiit iluanni sullissisinnaavit, suliffik allaanerusoq pissanganartumik imalik taava immaqa illit suleqatissarivatsigit Kommuneqarfik Sermersooq akissarsialeriffimmi sulisoqarnermik sullissivimmi?

Akissarsianik sullissinermut akisussaaqataanissamut soqutiginnikkuit aammalu sunniuteqaqataallutillu ineriartortitseqataarusukkuit taava illiusimassaaq siunissami suleqatissarput.

Sulisoqarnermut sullissivik ullumikkut HR immikkoortortaqarfiata ilaani inissisimavoq, aammalu akissarsialerivik. Akissarsialerivimmi atorfeqartutut immikkoortortami pisortamut imaqarniliortassuutit.

Suliassai ilaatigut makkuussapput:

∙Aningaasarsianut tunngasunik (lønsystemikkut) ikkussuineq.

∙Akissarsiat misissuataarneqarneri.

∙Ingerlaavartumik ingerlatsivinnik immikkoortortaqarfinnillu assigiinngitsunik oqaloqateqarneq

∙Ingerlatsivinnut immikkoortortaqarfinnullu assigiinngitsunut akissarsiat pillugit apeqquteqartunut sullissineq

∙Akissarsianik naqiterineq allattuinerlu

∙Sulisunut sulinermut nalunaarsuutinik kortiliorneq (webtas)matumut isissutinik sanasinnaaneq/pulaartunullu

∙Akissarsiat ingerlaartitsineq

∙Akissarsititsigasuarneq

∙System atorlugu toqqorsivimmi suliaqarneq

∙Suliassallu allat

Naatsorsuutigaarput qinnuteqartup piginnaanerissagai makkua:

∙Suliamut attuumassuteqartumik ilinniagaqarneq.

∙Aningaasarsialerinermik misilittaqarneq aningaasarsianillu soqutiginittuuneq

∙Aaqqissuussaalluartumik sulisinnaaneq akisussaaffeqartumillu sulinissaq piareersimaffigalugu

∙Tunniussivissatut piffissat killerititaasut eqqorlugit tunniussisinnaaneq

∙Aningaasanik naatsorsuinermut misilittagaqarneq, piumasaqaataanngilarli

∙Aalajaatsuuneq

∙Qarasaasialerinermut tunngasunik piareersimasinnaaneq lønsystem-imillu atuinermut misilittagaqarneq

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami Aqutsisoq Marianne Lennert, oqarasuaat +299 36 71 41 imaluunniit e-mail: mert@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 373-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: maajip 5.-at, 2025

Atorfik una qinnuteqarfigiuk