Sulianik ataqatigiissaariutigaluni ilaqutariinnik aqqutissiuussisoq

MI Tasiilami Suliniutinik Ingerlatsivimmi (Indsatsområdet) sulianik ataqatigiissaariutingaluni Ilaqutariinnik aqqutissiuussisutut suleqatissamik pissarsiorpoq

Kommuneqarfik Sermersooq pikkorissumik tunniusimasumillu MI Tasiilami suliniutinik ingerlatsivimmut (indsatsområdet) ataqatigiissaarisuutingaluni ilaqutariinnik aqqutissiuussisutut suleqatissamik pissarsiorput, 01.06.2025 kingusinnerusukkulluunniit piaartumik sulilersinnaasumik pissarsiorpoq

MI Tasiilami aaqqissuusseqqinneq ingerlanneqarnikuuvoq, tassanilu suliniutinik ingerlatsiviit tamarmik ataatsimut immikkoortortaqalerputt. Immikkoortortami sulisut tamakkerpata 23 naatsorsuutigineqarput, imatullu agguarneqarlutik: immikkoortortami aqutsisoq 1, suliniuteqarnernut aqutsisoq 1, tarnip pissusaanik immikkut ilisimasalik 1, psykoterapeutit 2, børnehusimut konsulent 1 børnehusimii sullinneqartunut ataqatigiissaarinermik suliaqartoq, ilaqutariinnik aqqutissiuisut 10 – taakkunannga ataaseq ataqatigiissaarinermik aamma suliaqassalluni -, inuusuttuaqqanut siunnersortit 4 – taakkunannga ataaseq ataqatigiissaarinermik aamma suliaqassalluni - aamma ilaqutariinnut paarsisartunut siunnersortit 3.

MI Tasiilami suliniutinik ingerlatsivimmi sullinneqarput meeqqat ilaqutariillu tapersersorneqarnissamik pisariaqartitsisut, pisortat oqartussaaffeqarsiani sullissisunik (sagsbehandlere) innersuunneqarsimasut/ imaluunniit ammasumik siunnersorneqarnissamut saaffiginnissimasut. Børnehusimut tunngatillugu politiit aamma innersuussisinnaasarput, tassanilu videoafhøringit pineqarnerusarlutik.

Ilaqutariinnik aqqutissiusoq ataqatigiissaarisuutigisoq – ilaqutariinnik aqqutissiuinermik isumaginninnikkullu sullissinermut oeqataanermi saniatigut – ilaqutariinnik aqqutissiuisunit suliassanik ataqatigiissaareqataassaaq, immikkoortortami behandlingsleder peqatigalugu. Ilaqutariinnik aqqutissiuisut sinaakkusersorluakkamik sullissisussaapput, tassanilu ilaqutariit tamaasa qiviarlugit sinaakkusersuineq ingerlanneqartarluni.Atorfik ulloq naallugu atorfiuvoq, qaninnertullu qullersarissavat indsatsområdemi afdelingsleder.

Atorfiup imarisaa:

Ilaqutariinnik aqqutissiuisutut misilittangalimmik – ilinniakkatigut aammalu ajornanngippat meeqqanik ilaqutariinnillu pisariaqartitsisunik sullissinermik misilittagaqarluartumik pissarsiorpugut, meeqqanik ilaqutariinnillu tapersersorneqarnissamik, ilitsersorneqarnissamik katsorsarneqarnissamilluunniit pisariaqartitsisunut sullissinitsinnut peqataalluarsinnaasumik ataanilu makkunannga suliaqarluarsinnaasumik pissarsiorpugut:

∙Immikkoortortami behandlingsleder, afdelingslederit aammalu fagchef peqatingalugit sulisut sullissinerup iluani sakkussanik ineriartorteqqinnissaannut aqutsisissiuineq

∙Behandlingsleder peqatigalugu ulluinnarni sulianik ataqatigiissaarineq agguaasseqqittarnerlu ingerlatissallugit, taamatuttaaq ilaqutariinnik aqqutissiuisut pisariaqartitsinerat malillugu isumasioqatigiinneq avitseqatigiinnerillu ingerlatissallugit

∙Suliat pillugit qaammatit pingasukkaarlugit aammalu ukiumut nalunaarusiortarnerit isumagissallugit

∙Ilaqutariinnik aqqutissiuinerup iluani ingerlaneq pillugu behandlingdleder aamma afdelingsleder malinnaatissallugit

∙Ilaqutariinnik aqqutissiuinerup iluani suliat pitsaassusaannik qulakkeerinninneq, aammalu journalinut allattuisarnerit sullitallu allattorsimaffiisa malinnaatinneqarnerat qulakkiissallugu

∙Ilaqutariinnik misissuineq sullinneqarnissaannullu annguaassinerni peqataassalluni

∙Innersuunneqarsimasunik sullisseqataaneq, inuit ataasiakkaat, aappariit, ilaqutariit eqimattalluunniit allat oqaloqatigineqarneranni peqataassalluni

∙Suliarinasuarneqarsinnaasullu allat ilanngullugit (Ad hoc) immikkoortortami aqutsisoq fagchefeluunniit suliakkiineratigut

Suliassat MI Tasiilami sulisut allat indsatsområdemi aamma myndighedimi, kiisalu suliffeqarfiup avataani sulisut allat, soorlu; politii, peqqinnissaqarfik, atuarfik ulluunerani paaqqinnittarfiit peqatigilluinnarlugit suliat ingerlanneqartassapput

Qinnuteqartunut naatsorsuutigisat:

∙Perorsaanermut isumaginninnermulluunniit tunngasumik ilinniagalik, soorlu socialpædagog, sundhedsassistent, socialhjælper, småbørnskonsulent imaluunniit isumaginninnerup iluani ilinniagaq alla

∙Ilaqutariit tamakkiisumik isigalugit sullissinermik misilittangalik

∙Inuttut sulisutullu misilittakkat tunngavingalugit ersarissumik isummersinnaasoq paasititsisinnaasorlu

∙Suliassanik sinaakkusersuilluarsinnaasoq, ataqatigiissaarisinnaasoq, pilersaarusiorsinnaasoq aammalu nakkutilliilluarsinnaasoq

∙Allattariarsornikkut paasinarluartumik suliaqarsinnaasoq

∙Pitsaasumik inunnik isiginnittariaasilik, iluaqutaasunullu tappilluarluni aallussilluarsinnaasoq

∙Inunnut assigiinngisitaartunut oqaloqatiginnikkusullunilu oqaloqatiginnilluarsinnaasoq, sumiiffiini naapillugit allannguinissaannut tapersersuisinnaasoq

∙Ammasuusoq saaffigiuminartuullunilu

∙Suliffeqarfik ineriartortitsiusoq suleqataaffigerusukkaa

∙Suliniutinik ingerlatsinermik misilittangalik

Pingaartipparputtaaq:

∙Aalajaatsoq, pitsaassutsimik pingaartitsisoq immikkuualuttullu ilanngullugit maluttarissoq

∙Uippakajaarani arlariinnik suliaqarsinnaasoq

∙Erseqqissumik tappissumillu allattariarsorlunilu oqaluttariarsorsinnaasoq

∙Nammineerluni sulisinnaasoq, akisussaassuseqartoq sullissiumatoorlu

∙Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq

∙Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu

∙Nukittooq pilersitsiniallaqqissoq inissaqartitsiuartoq piumassuseqarluartorlu

∙Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq

∙Atituumik suleqateqarluarsinnaasoq

Neqoroorutigaavut:

Suliffik unamminartoq, suliat imarisaannut sunniuteqarnissamut periarfissaqartitsisoq, suliffeqarfimmi ineriartortumi allanngoriartortumilu nammineerluinnarluni annertuumik akisussaaffeqartitaaneq. Pingaartilluinnarparput patajaatsumik suliassanut suliffimmullu pulatikkiartuaarneqarnissaq, pimoorulluinnarparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartittuarpavut.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: afdelingslederi Emilie Napatoq, oqarasuaat +299 367623 imaluunniit e-mail: emnp@sermersooq.gl

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissaq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

Qinnuteqaat:

Qinnuteqaat qulequtserlugu Atorfiup ilisarnaataa 376-25 -mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: maajip 6.-at, 2025

Atorfik una qinnuteqarfigiuk