Atorfik nutaaq: F2-mi Product Owner ammalu immikkoortortaqarfimmi aqutsisoq, specialkonsulent imaluunniit chefkonsulent

Systemit, paasissutissat inuillu akornanni sulerusuppit? Teknikkitigut ilisimasassat ilisimavigit atuisunullu paasititsisinnaallutit? Ullutsinni Kalaallit Nunaanni siunissamilu suleqativit ulluinnaani inerisaarusullutillu pitsanngorsaarusuppit?

Digitalinngortitsinermut Aqutsisoqarfimmi atorfik nutaaq – F2 – Product Owner/immikkoortortaqarfimmi aqutsisoq pilersinneqarsimavoq – atorfittaarerusuppiuk?

Neqeroorutigisinnaasarput

Atorfik soqutiginartoq sunniuteqarnissamut periarfissaqarluartoq, imarisaanut aaqqiissutigisassanullu sunniilluarsinnaavutit.

Digitalinngortitsinermut Aqutsisoqarfimmi atorfinissaatit, toqqaannartumillu IT-qarnermi pisortamut attaveqartassallutit. Nuannersumik qeratanngitsumillu sulisut akornanni sulilissaatit, sulisullu tunniusimasut suleqatigissallugit. Suleqatissatit qaninnerpaat tassaapput F2 pillugu, kiffartuussinermut suliaqartut, suliniutinik ingerlatsisut aammalu sumiiffinni immikkoortortaqarfinni akisussaasut (F2-mi attaveqaatit). Atorfinitsinneqarnermut atatillugu ilitsersuisoqarlunilu ilinniartitsisoqassaaq, atorfininnissannut piginnaasatit aallaavigalugit imarisaa aaqqissuunneqassaaq.

Atorfik unammillernartoq pissanganartorlu neqeroorutigisinnaavarput, suliffeqarfik ineriartortoq nutaajusorlu ilinnialissavat, suliffeqarfimmi suliat pilertortumik ingerlanneqartarput, aalajangiinermiillu iliuuseqarnissamut piffissaq annikissinnaasarpoq.

Digitalinngortitsinermut Aqutsisoqarfimmi sulisut ilisimasatigut misilittakkatigullu suleqatigiinnissaat anguniagaraarput, pingaarutililli tassaavoq aqutsisoqarfiup anguniagaannut tunaartaanullu maligassiuisuunissat, tassungalu atatillugu aamma Digitalinngortitsinermut Aqutsisoqarfiup pingaartitaanik ingerlatsinissat, taakkualu tassaapput: Naammassissaqarsinnaassuseq, Akisussaassuseqarneq Ilisimasanillu avitseqatigiinneq.

Uagut pilluta

Digitalinngortitsinermut Aqutsisoqarfimmi Kalaallit Nunaanni inuiaqatigiinni qularnaatsumik digitalimik siunissaqarnissaq suliniutigineqarpoq, assigiissaakkanillu digitalimik aaqqiissutinik ineriartortitsinikkut suliniut sulissutigineqarluni. Digitalinngortitsinermut Aqutsisoqarfimmi Kalaallit Nunaanni digitaliseriineq aammalu Namminersorlutik Oqartussat iluanni qarasaasialerineq suliarineqartarput. Aqutsisoqarfimmi akisussaaffeqarfiit annertupput, Aqutsisoqarfimmullu soqutiginninneq naatsorsuutillu aamma annertullutik. Kalaallit Nunaata digitaliseerernissaannut suliniutinut akisussaasutut ingerlatsinerput tulluusimaarutigeqaarput, suliagullu maniguulluta suliarisarlutigit. Taamaaliorsinnaanissatsinnut ilisimasatigut inuttullu piginnaasatigut piumasaqaateqartoqarpoq – taakkualu tunngavigalugit ulluinnarni ulapaarlutalu allanngorarfiusumi sulisarpugut. Sulisut naammagisimaarinnilluarnissaat anguniarlugu suleqatigiilluarneq – ilisimasatigut inuttullu assigiinngissutsit ataqqivagut aammalu sulianik ukkataqarsinnaaneq tunngavigalugit sulivugut.

Digitalinngortitsinermut Aqutsisoqarfik Naalakkersuisut Siulittaasoqarfiata Naalakkersuisoqarfianut atavoq, sulisullu 35-t sulisorineqarsinnaallutik. Digitalimik.gl iserfigalugu paasisaqarnerusinnaavutit.

F2 pillugu

Namminersorlutik Oqartussani Qitiusumik Allattoqarfimmi F2 pingaarutilittut inissisimavoq, sulinermilu atortuulluni. Pisortaqarfinni sulisut 1000-it missaanniittut sulinerminnut atatillugu sulianik nalunaarsuinermut uppernarsaanermullu atugaraat. F2 atorsinnaasariaqarpoq, atorsinnaasariaqarpallu paasissutissat pitsaanerunissaat ukkatarineqartariaqarpoq, ilinniartitsisoqartariaqarpoq kiffartuussisoqartariaqarlunilu minnerunngitsumillu ineriartortitseqqinnissamut pingaarnersiuisoqartariaqarluni.

Suliatit tassaassapput

• ESDH-mi nalunaarsuinermilu systemimi F2-mi piginnittuuneq, aammalu ingerlatsinermut, atuisunik kiffartuussinermut pilersuisunillu aqutsinermut suliassat attuumassusillit
• Immikkoortortaqarfimmi sulisumut marlunnulluunniit ilisimasatigut aqutsineq
• F2-mi iliuusissat suleriutsillu akuerisaasut ingerlanneqarsinnaanissaannut akisussaasuuneq
• F2-mi attaveqaatinut aqutsineq (Qitiusumik allattoqarfimmi immikkoortortaqarfinni assigiinngitsuni atuisut attaveqaqatigiittarfiat, tassani ilisimasanik avitsineq F2-milu attaveqaatit piginnaanngorsarnissaat anguniagaavoq)
• F2-mi ilinniusianik siammarterinissamut ataavartitsinissamullu akisussaasuuneq (nittartakkatigut ilitsersuutit, sukkasuumik ilitsersuutit, ilinniartitsineq assigisaallu)
• F2-p tunuani suliassanik pingaarnersiuineq suliaqarnerlu (F2-mi ineriartortitassanik suliaqarneq)
• F2-mi paasissutissanik pitsaassutsimik qulakkeerinninnissamut suliniuteqarnissamik aallartitsineq, suliami suliffeqarfimmi aqutsisut qitiutinneqassapput.
• Systemimi annertuumik pitsanngorsaasoqassatillugu piffissarluunniit nutaanngortussaatillugu siuttutut inissisimaneq
• Ulapaarfiup nalaani F2-mi kiffartuussinermi suleqatinnik ikiuineq
• Sullissisunik ingerlatsitineq (leverandørstyring)

Ujartugarput (ilisimasatigut inuttullu piginnaasat)

• Qaffasissumik naleqquttumik ilinniarsimanissaq, soorlu IT-qarnerup, pisortaqarfinni allaffissornerup attaveqaqatigiinnerullu iluani ilinniarsimaneq (piukkunnaateqavissortoq qaffasissumik ilinniarsimasuusariaqanngilaq) 
• Namminersorlutit sulisinnaavutit, nammineq sulisarputit suleriaatsinnilu aaqqissuussaalluartumik sulisarlutit
• Ataqatigiissuseq takusinnaavat, ajornartorsiutit suussusersisinnaavatit aaqqiissutissanillu ujartuisinnaallutit suleqatitillu peqatigalugit suliat naammassisinnaallugit
• Utaqqisinnaassuseqarputit, inussiarnersuuvutit anguniakkallu angunissaannut allanut kajumissaarisinnaallutit
• Allannikkut oqalunnikkullu attaveqallaqqissuuvutit. Aqutsisunut saqqummiisinnaavutit, nutaarsiassiisinnaavutit aammalu anguniakkat pingaarnersiuinerillu pillugit atuisunut pilersuisunullu attaveqarsinnaallutit
• Suliniutinik ingerlatsisimanermut misilittagaqarsinnaavutit (immaqalu uppernarsaateqarlutit), ITIL-imut uppernarsaateqarputit imaluunniit ilisimasaqarfigalugu (uppernarsaasernissannut pikkorissarneqarnissaq neqeroorutigisinnaavarput)
• Atorfimmit tassunga assingusumit ukiut arlalinni misilittagaqassasutit

Aningaasatigut atorfinitsitaanermilu atugassarititaasut

Inuttut ilinniarsimanikkullu piginnaasatit, uppernarsaatitit misilittakkatillu aallaavigalugit AC-fuldmægtigitut, Specialkonsulent, imal. Chefkonsulent atorfinittoqassaaq.

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Sukumiinerusumik paasissutissat

Atorfik pillugu sukumiinerusumik paasissutissat IT-qarnermut pisortamut saaffiginnissutigineqassapput:

Aputsiaq Gudbrand Petersen:

Mail: apu@nanoq.gl

Oqarasuaat +299 345887

Qinnuteqaatit ingerlaavartumik suliarineqassapput, killigititarli tikitsinnagu tigoreersimassallutigit.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk