Nuummi Meeqqanut Ilaqutariinnullu immikkoortortaqarfik allaffimmi fuldmægtigimik pissarsiorpoq

Nuummi Meeqqanut Ilaqutariinnullu immikkoortortaqarfik Siunnersuinermut Ilaqutariinnillu Katsorsaanermut Sullissivimmi allaffimmi fuldmægtigimik pissarsiorpoq

Kommuneqarfik Sermersuumi Siunnersuinermut Ilaqutariinnillu Katsorsaanermut Sullissivimmi pikkorissumik tunniusimasumillu allaffimmi fuldmægtigissarsiorpugut, piaartumik isumaqatigiissuteqarnikkut atorfinissinnaasumik. 

Sullissivik tamakkiisumik isiginnittaaseqarluni ilaqutariinnik, meeqqanik inuusuttunillu inooqatigiinnikkut ajornartorsiutinik unammilligassanillu assigiinngitsunik suliarinninnissaminnut kissaateqartunik sullissisuuvoq. 

Atorfiup imaa:

 Allaffimmi fuldmægtiginngortussaq suleqatigiinnut sisamanut allaffissornikkut aqutsisutut atuutissaaq. Suleqatissat pingaarnerit tassaapput sullissiviup immikkoortortaani aqutsisoq aamma suleqatigiinnut sisamanut aqutsisut.

Sullissivimmi suleqatigiit sisamanut immikkoortitigaapput:

1. Suleqatigiit 1 - peqqissaaneq aamma katsorsaaneq

2. Suleqatigiit 2 - eqimattanut neqeroorutit

3. Suleqatigiit 3 - siunnersuineq ilitsersuinerlu

4. Suleqatigiit 4 – innuttaasup angerlarsimaffiani suliniutit

Allaffimmi fuldmægtigitut suliassatit tassaassapput:

Innuttaasunut innersuunneqartunut tamakkiisumik isiginnittaaseqarluni suliat allaffissornikkut aqunneqarnerat. Illit suliniuteqarfimmi sulianut tunngasunut nalinginnaasumik akisussaaffeqassaatit kiisalu nutaamik innersuussinerit ingerlateqqinneqarnissaannut akisussaaffeqarlutik. Suliat ingerlaavartumik malittarineqarnerannik suliaqartassaatit aamma kisitsisitigut paasissutissanik aaqqissuussaasumillu aqutsinermik ineriartortitsinerit akisussaaffigissavatit.

Suliassat arlallit isumagisassarissavatit, ilaatigut:

·Innuttaasut pillugit sulianik aqutsinermut atasumik aaqqissuussat suleriaatsillu pitsaasut ineriartortinnerat

·Sullitat utaqqisullu nalunaarsorneqarnerannik aqutsinermi suleriaatsinik aaqqissuussaasunik nutaanik ineriartortitsineq

·Innersuussinernik allaffissornikkut aqutsineq

·Innuttaasunut suliat allaffissornikkut aqunneqarnerisa pitsaassusiinik qulakkeerinninneq, taamaalilluni suliat nutaartallit tamarmik ingerlaavartumik toqqorterneqartaqqullugit, taakkununnga ilanngullugit killiffimmik nalunaarusiat aamma naammassinermi nalunaarusiat

·Suliassat takkussuuttut nalinginnaasut

Qinnuteqartunut naatsorsuutigisat:

Naatsorsuutigaarput illit allaffimmiutut ilinniagaqartutit, ajornanngippallu perorsaanermut imaluunniit tarnip pissusiinut tunngasunik pikkorissarnernik ilinniakkamilluunniit ingerlatsisimasutit.

Aaqqissuussaanermik, aaqqissuussinermik aamma aqutsinermik misilittagaqarsinnaavutit aamma ineriartortitsinermut paasissutissiisarnermullu misilittagaqaruit iluaqutaassaaq.

Tamatuma saniatigut pingaartipparput, qinnuteqartoq:

·Ineriartortitserusussuseqartoq alapernaatsuusorlu

·Namminersorluni suliaqallaqqissoq, taamaattorli allanit akuliuffigineqarsinnaasutit

·Suleqatigiinnissamut piginnaasaqarluartutit

·Tamakkiisumik isiginnissinnaasoq, aaqqissussaasumik sulisinnaasoq aamma siumut pilersaarusiullaqqissoq

·IT-mik programminillu atuuttunik suliaqarnermut pikkorissoq

·Aaqqissugaanerup ineriartortuartup ineriartortinneqarnissaanut peqataanissamut piareersimasuusutit

Neqeroorutigaavut:

Suliffik unammillernartoq atorfiup imarisaanik sunniuteqarnissamut periarfissalik kiisalu aaqqissuussaanermi ineriartortumi allanngorartumilu akisussaaqataaneq.

Suliffimmut suliffeqarfimmullu iserluartinneqarnissaq pingaartipparput aamma aqutsisut qanimut siunersiueqatigalugit suleqatigiilluarnissaq kiisalu aallartitsinissamut nutaaliornissamullu inissaqartitsineq anguniartuarparput.

Pikkorissarnernut attuumassutilinnut peqataasarneq aqqutigalugu sulisut ilinniagaqaqqinnissamut periarfissaqartinneqarnerat pingaartipparput.

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami Aqutsisoq Anna Hansen, oqarasuaat +299 36 71 83 imaluunniit e-mail: ahan@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 370-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: maajip 5.-at, 2025

Atorfik una qinnuteqarfigiuk