Ippiarsummi ataatsimik peqqinnissamik ikiortimik assingusumilluunniit pissarsiorpugut

Sammisassaqartitsivimmut Ippiarsummi ataatsimik peqqinnissamik ikiortimik assingusumilluunniit pissarsiorpugut 

Sammisassaqartitsisarfik Ippiarsuk pinngortitaq kusanartorsuaq avatangiiseralugu bussinillu angalanissamut periarfissagissaartoq inissisimaffigaa. Illu paaqqinniffeqarpoq ulluunerani ornittagaqarlunilu 26-nik atuisulimmik, tassaniipput cafeteria, errorsisarfik, allaffeqarfik. Ornittakkami timikkut sungiusarneq, sammisassaqarneq allanillu peqateqarneq periarfissaapput.

Annermik sammisarivagut paaqqinniffinnut nuunnginnissaat anguniarlugu timikkut sungiusaqqillugit, pisinnaasaannik arsaartornagit.

Ippiarsuk plejecenterimi attaveqariaaseq pitsaasoq siuarsarpaa aammalu terlinganeerinninneq pinaveersaartillugu isumannaallisaaneq pilersillugu, innuttaasorlu qitiutipparput.

Ippiarsummi suleqatit peqatigalugit ineriartortitsineq suleqatigiinnerlu sunniuteqarfigerusuppigit Ippiarsummi?

Naatsorsuutigaarput illit:

∙Peqqinnissamik ikiortitut imaluunniit isumaginninnermi ikiortitut ilinniarsimasuussasutit

∙Utoqqarnut susassaqarfimmik nuannarinnillutillu soqutigisaqartutit misilittagaqarfigillugillu

∙Akisussaassutsimik ilisimaarinnilluartoq

∙Sammisassani tamani peqataasinnaasoq namminersorluni

∙Assigiinngitsunik sulialinnik suleqatiginnilluarsinnaasoq

∙Naleqqussarluarsinnaallutillu eqaatsuullutit, qiimasuusutit

∙Atuisumut avatangiisinik pitsaasunik pilersitseqataasinnaasoq, suleqatinullu suleqatiginnilluarsinnaasoq

Neqeroorutigaavut:

∙Ilisarititsineq

∙Tatiginninneq

∙Akisussaaffik

∙Avataaniit aggerlutik atuisut kiisalu najugaqartut suleqatillu peqatigalugit ullut ulapaarnartut nuannersulli

∙Avatangiisit nutaat nuannersut

∙Pinngortitaq tupinnartoq

∙Bussi 2 pisiniarfik "Butik Nathalie" eqqaatigut

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsisoq Marie Grønvold , oqarasuaat +299 36 61 78 imaluunniit e-mail: mgoe@sermersooq.gl imaluunniit uunga: Tullersortaagallartoq Ane Marie Jakobsen, oqarasuaat +299 36 61 72 imaluunniit e-mail: amja@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 372-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: maajip 5.-at, 2025

Atorfik una qinnuteqarfigiuk