Atuarfeqarnermut Immikkoortortaqarfik Immikkoortortami aqutsisussarsiorpoq

Kommuneqarfik Sermersuumi Atuarfeqarnermut Immikkoortortaqarfik Immikkoortortami aqutsisussarsiorpoq

Kommuneqarfik Sermersuumi Meeqqanut Atuarfeqarnermullu Ingerlatsivimmi atuarfeqarnermut immikkoortortami immikkoortortami aqutsisumik pikkorissumik tunniusimasumillu pissarsiorpoq.

Atuarfeqarnermut suliassaqarfimmi ineriartortitsinermut pitsaassutsimullu qulakkeerinninnissamut peqataarusuppit? Atuarfinni pitsaassutsimut annertusaaqataarusuppit aamma meeqqat ineriartornissaminnut nalerisimanerannullu periarfissanik siammasissunik qulakkeerinneqataarusuppit? Massakkut periarfissaqarputit.

Atuarfeqarnermut immikkoortortamut immikkoortortami aqutsisussarsiorpugut 1 juni 2025 imaluunniit aallartiffissamik isumaqatigiissuteqarnikkut atorfinittussamik.

Meeqqat tamarmik siuarsarnissamut pitsaanerpaanik periarfissaqarnissaat qulakkeerneqassasoq anguniagaraarput. Tamannalu pissaaq meeqqeriviit, atuarfiit, attaveqaatit angajoqqaallu imaluunniit isumassuisut allat qanimut suleqatiginerisigut. Peqatigiilluta meeqqat tamarmik iluarisimaarnissaat, siuariartornissaat ilikkalertornissaallu qulakkiissavarput. Immikkoortortami pisortatut immikkoortortaqarfiup pitsaassusissaanut tapertaassaatit, aammalu atuarfinnut siunnersortit atuarfinnut pitsaanerpaamik siunnersuillutillu aqqutissiuussisuunissaat qulakkiissavat. Immikkoortortami pisortaq peqatigalugu atuarfeqarnermut aamma sunngiffimmi ornittakkanut suliassaqarfimmi politikkikkut aalajangiinerit sukumiisumik piviusunngortitseqataaffigissavatit.

Atuarfeqarnermut Atuarfeqarnermut aamma MISI-mut Immikkoortorqarfimmut pisortamut nalunaartassaatit sulisunnilu sisamanik atuarfimmut siunnersorteqassaatit pingasunillu atuartitsinermut ineriartortitsinissamut siunnersorteqassaatit.

Immikkoortortap anguniagai aallaavigalugit suliniuteqartoqartarpoq soorlu.

·Meeqqat alapernaatsut, tatituut, peqqissut nuannaartullu pilersissallugit

·Kalaallit Nunaanni meeqqerivinnik atuarfinnillu meeqqanik tamanut inissaqartitsisunik pitsaanerpaamik peqarluta

·Sulisut piukkunnaatillit takorluuisinnaasut, akisussaaffiminnik ilisimaarinnittut malinnittullu peqarluta

Suleriuseraarput pitsaasumik akuersaartumillu meeqqanut isiginninneq, meeraq kinaluunniit immikkuullarittuusoq piginnaasalik, nukissalik aammalu ineriartornissaminut periarfissalik. Immikkoortumi pisortap taakkua sulissutigissavai.

Neqeroorutigaavut:

Suliffik unammillernartoq, imarisaanut sunniuteqarnissaq periarfissaqarpoq suliffeqarfimmilu ineriartortumi allanngoriartorfiusumilu immikkut akisussaaffik angisooq pineqassaaq. Pingaartilluinnarparput patajaatsumik suliassanut suliffimmullu pulatikkiartuaarneqarnissaq, pimoorulluinnarparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartittuarpavut.

Atorfik:

Atuarfeqarnermut immikkoortortami aqutsisutut aqutsinermi, ineriartornermi, qaffasissumik piginnaanernik qulakkeerinninnissamut kiisalu Atuarfeqarnermut immikkoortortami suleqatigiinnissamut aamma immikkoortortat assigiinngitsut akornanni suleqatigiinnissamik qulakkeerinninnermi pingaarutilimmik inissisimassaatit.

Sulisunut sullivimmi avatangiisinik pitsaasunik aamma innuttaasunut pitsaasumik kiffartuussinermik pilersitsineq.

Atuarfinni suliassaqarfimmi perorsaanermi siunnersortit peqatigalugit perorsaanikkut piorsaanikkullu sulinermut tapertaanissat ineriartortitseqataanissallu suliassanni pingaarnerpaassaaq. Immikkoortortami aqutsisutut suliassarissavat atuarfeqarnermi siunnersortit aamma atuartitsinermi siunnersortit qanimut suleqatigalugit suliassaqarfimmi aqutsisut allallu suleqatigisartakkat suleqatigalugit suliat ingerlanneqarnerini aqqutissiuullugillu ikorfartornissai. Una atorfik kiffaanngissuseqartitaalluni suliffiuvoq, akisussaaffimmillu angisuumik ulluinnarni sunniuteqarnissamut periarfissaqangaatsiarluni.

Suliassatit:

·Siunnersortinik sulisunik aqutsineq

·Siunnersortinut aamma AKO/SPO/FRO-mi aqutsisunut suliatigut siunersioqatigiinneq, ikorfartuineq aqqutissiuussinerlu

·Pikkorissartitsinissanik pilersaarusiorlutit aammalu perorsaanermik sammisaqarfiit aaqqissuullugu

·immikkoortortat/ingerlatsiviit aamma suliffeqarfiup avataani suleqatigisartakkat akornanni suleqatigiinnermi akuuneq

·Sanaartukkanik allanngortiterinermut, ilassutiliornissamut nutaamilluunniit sanaartornissamut najoqqutassamik saqqummiussaliornermut peqataaneq

·Allaffissornermi sulisunik, taakkununnga ilanngullugu ulluinnarni aqutsineq (oqaloqatiginninnerit, immikkoortortami ataatsimiinnerit, napparsimanerit il.il.)

·Suliat ataqatigiissarneqarneri

·Sulisunik nutaanik sulilersitsisarneq

·MUS

·Angalanernut ataqatigiissaarineq

Immikkoortortami aqutsisumut piumasaqaatit naatsorsuutigisallu:

Immikkoortortami aqutsisumik ilinniartitsisutut ilinniarsimasumik ilinniaqqissimasumik - ajornanngippat qaffasinnerusumik ilinniagaqaqqinneq, aqutsinermik misilittagaqarneq imaluunniit atuarfeqarnermut tunngasut iluanni allaffissornikkut misilittagaqarneq. Suleqateqarsinnaassuseqarluartuussaatit, naleqqussarsinnaassaatit aamma aaqqissaasuusumi ineriartortumi suleqataasinnaassaatit. Tamatuma saniatigut immikkoortortami sulisut piginnaasaat, nukissat ineriartornissamullu periarfissat.

Inuttut piginnaasat pikkoriffiillu

Immikkoortortami aqutsisutut, naatsorsuutigaarput:

·Ammasoq aamma saaffigiuminartoq attaveqallaqissoq

·Ataqatigiissaarisoq, suliassanik amerlasuunik aqutsisinnaasoq agguataarinnissinnaasorlu

·Aqutsisoq kajumissaarisoq, sulinermik nuannarinnilersitsisoq sullivimmilu avatangiisinik pitsaasunik pilersitsisoq

·Siumut isigisoq iliuuseqarusussusilillu, ineriartornermut malinnaaginnaavissoq

·Eqqarsaatiginneqqissaartoq aamma tunngavilersuisinnaasoq, utertitsiffigitinnermini utertitsinerminilu

·Aaqqiissuteqarusussusilik, unammilligassanut iliuuseqarsinnaassusilik pitsaanerpaanillu aaqqiissutinik nassaarsinnaasoq

Qulakkiissavat, atuarfeqarnermut immikkoortortaq suleqatigiiffiummat, tamarmik ataatsimut anguniakkap piviusunngortinnissaanut suleqataaffigisaat.

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Fagchefi Riikki Grønvold, oqarasuaat +299 36 73 03 imaluunniit e-mail: rigr@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 347-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: apriilip 29.-at, 2025

Atorfik una qinnuteqarfigiuk