Sermersooq Business-mi SoMe Manageri, internettikkut attaveqatigiittarfinnik akisussaasoq

Sermersooq Business SoMe Manager (internettikkut attaveqatigiittarfinnik akisussaasoq) / Visual Storyteller Visit Nuuk (Visit Nuuk-mi Takusassiat atorlugit oqaluttuartoq)Oqaluttuallaqqissuuiit, nuannersunut tappissoq aamma internettikkut attaveqatigiittarfinni imarisanik ilaliuffigerusunnartunik pilersitsillaqqissuullutit? Assilisanik, video-lianik allanngortiterinermik aamma Kalaallit Nunaanni pisunik oqaluttuarusussuseqarlutit suliaqalernissat eqqarsaatersuutigisarpiuk?

Visit Nuuk pillugu:

Visit Nuuk najukkamut sammilluinnartumik aamma Nuummi takornariaqarnermik ineriartortitsinermik akisussaassuseqarluni suliaqarpoq, taamalu internettikkut attaveqatigiittarfinni akisussaasutut / Takusassiat atorlugit oqaluttuartartutut najukkap oqaluttuassartaanik tunngaveqarlutit aammalu najukkamut attuumassuteqarluartumik Nuuk pilerisaarutigissallugu akisussaasuussaatit. Illit naatsunik aamma takinerusunik ilusilinnik oqaluttuarinnikkusuttuusutit Visit Nuup takusassaaterpassuinik takunissinnaassuseqarlutit isigiuminartunut tappiffeqarlutit aningaasarsiutaaneranut paasinnittuusutit ujartorpatsigit.

Suliffik pillugu:

Atorfimmi tamatumani Visit Nuup attaveqaqatigiinnermut kanal-iisigut Nuuk pillugu oqaluttuap ineriartortinnissaa aamma siaruarternissaa akisussaaffigissavat. Takusassianik pilersiortuissaatit oqaluttuanik sanaartussallutit najukkamilu inunnik tikeraanillu ilaatitaqartassallutit taavalu aamma ingerlaavartumik Visit Nuup internettikkut attaveqatigiittarfii nittartagaalu ingerlataralugulu ineriartortinnissaa akisussaaffigissavat. Visit Nuummi marlunnik suleqateqarlutit suleqatigiiarannguanut ilaalissaatit. Ataaseq attaveqaqatigiinnernik akisussaaffilik aappaalu, Nuummi takornariaqarnermik ineriartortitsinermut nalinginnaasumik akisussaaffilik ilinnik qanittumik suleqatiginnittussaq.

Illit suliassatit ilaatigut makkuninnga ilaqassapput:

∙Visit Nuup internettikkut attaveqatigiittarfiinut nittartagaanullu ikkutassanik oqaluttuanik sanaartorneq

∙Visit Nuup internettikkut attaveqatigiittarfiinik nittartagaanillu ingerlaavartumik aserfallatsaaliuineq, ineriartortitsineq aamma paasissutissanik katersuineq

∙Nuummi takornarialerisunut pilerisaarusianik sanaartorneq

∙Assilisanik- aamma video-nik katersaasivimmik ingerlaavartumik ineriartortitsineq aamma sanarfineq∙Sermersuup ilaani angalanissanik saqqummiussinernik aaqqissuussineq

∙Paamiunik aamma Tunumik ilaqartunik Sermersuup ilaani allani ornitassanik sumiiffinnut suleqatigiinneq aamma sanaartorneq.

Kinaavit:

Inummik pilersitsiortuiumatuumik aamma nammineerussillaqqissumik ujaasivugut, taanna:

∙Oqaluttuarnernik aamma internettikkut attaveqatigiittarfiinik sammisaqarumatuujussaatit

∙Peqataalersitsisumik– naatsulianik aamma takisuulianik imalinnik pilersitsinissamut misilittagaqassaatit

∙Pilerisaarusiornermut aamma piffissami atukkatsinni qarasaasiami nuannarineqartunut paasinnilluartuussaatit

∙Ulluinnarni ataatsikkut amerlasinnaasunik suliassaqarfiusumi aaqqissuulluagaasumik iluarisimaarinnillutillu sulisinnaassaatit

∙Takornarialerisunik innuttaasunillu suleqateqarluarsinnaassaatit aamma attaveqaqateqarluarsinnaassallutit

∙Kalaallit Nunaannik ilisimasaqassaatit aammalu takornariaqarnermut soqutiginnittuussallutit

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.

Uagut neqeroorutigaagut:

∙Visit Nuummi pingaarutilimmik katillugu attaveqaqatigiinnermik suliassamik kivitsinissamik akisussaaffik annertooq∙Pilersitsiortornermik pikialanermut aamma angalanermi suliassanik pissanganartunut periarfissaq∙Angalanermi naatsorsoruminaassinnaasumik ulluinnalik

∙llit ilinniakkannik inuttullu piginnaasannik ineriartornissamut periarfissat pitsaasut∙Akisussaassuseqarluni annertuumik kiffaanngissuseqarsinnaaffiusoq suliffik∙Eqaatsumik piffissalersuiffiusinnaasumik suliffiusoq

Suliffik pillugu paasissutissat:

Atorfik piffissaq tamaat suliffiuvoq (sap. ak. 40 tiimit) Nuummi inissisimaffeqarluni. Visit Nuuk Kommuneqarfik Sermersuup inuussutissarsiornermik immikkoortortaqarfianut ilaavoq taamaalillutillu Inuussutissarsiornermut Pisortamut Mads-Daniel Skifte-mut nalunaartassallutit.

Sermersooq Business pillugu:

Sermersooq Business tassaavoq Kommuneqarfik Sermersuup inuussutissarsiornermut immikkoortortaqarfia. Uagut suliniutitsinnik Piorsaanermik annertusaaneq namminersortunillu suliffissanik amerlanerusunik pilersitsinissap ikorfartornissaa siunertaralugu, Kommuneqarfik Sermersuumi inuussutissarsiornermut sinaakkutitut atugassarititaasunik pitsaanerusunik pilersitsinissaq ukkataraarput. Immikkoortortaqarfimmi, Kommuneqarfik Sermersuumi inuussutissarsiornermut periusissiaq malillugu takornariaqarnerup, imarsiornermik inuussutissarsiornerup, inuussutissalerinerup aamma suliffissuaqarnermi pilersaarutit iluanni piorsaaffiusinnaasut ukkataralugit, sullittoqarpoq.

Piujuartitsinermik ineriartortitsinermut FN’ip silarsuarmut anguniagai anguniarlugit sulissutigaarput. Periusissianik suliaqarnitsigut tamakkuninngalu atuutilersitsinernik qulakkeerinikkut kiisalu suliffeqarfinni, pisortat ingerlatsiviini aammalu innuttaasuni ingerlatatigut taamaaliorpugut. Kommuneqarfik Sermersuumi ineriartortitsinissamut, piujuartitsinissamut, nutaaliornissamut aammalu aallarnisaanissamut periarfissanik pilersitsisarpugut.

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Inuussutissarsiornermut pisortaq Mads-Daniel Skifte, oqarasuaat +299 55 82 78 imaluunniit e-mail: mdsk@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 203-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: marsip 19.-at, 2025

Atorfik una qinnuteqarfigiuk