Allagarsiuteqqitaq: Maniitsumi Akiliisitsiniartarfiup allaffissornermi immikkoortutaani kontorfuldmægtig-mik sulisussarsiorpoq

Akileraartarnermut Aqutsisoqarfimmi akiliisitsiniartarfiup allaffisornermi immikkoortortaani (administrationskontor) kontorfuldmægtig-itut atorfik ulloq 1. maj 2025-imiit imaluunniit isuma-qatigiissuteqarnikkut inuttassarsiuunneqarpoq.

Aaqqissuussaanikkut atorfik akiliisitsiniartarnermut immikkoortortaqarfimmi Maniitsumi inissi-simavoq.

Suliassat:

Akiliisitsiniartarnermut immikkoortortaqarfimmi pisortanut akiitsunik tamanik akiliisitsiniaaneq ingerlanneqartarpoq.

Pingaarnertut suliassaallutik innuttaasunut suliffeqarfinnullu pinngitsaaliilluni akiliisitsiniaaneq. Taamaattumillu nammineerluni suliassanik suliarinnissinnaanissamut piginnaasaqarnissaq naat-sorsuutigineqarluni, aammalu ajornanngippat akiliisitsiniartarnermi inatsisinut attuumassutilinnut ilisimasaqarnissaq, naatsorsuusiornermullu paasinnissinnaaneq, kiisalu pitsaasumik akiitsulinnut oqaasiliorsinnaanermut – isumaqatigiissuteqarniarsinnaanermullu piginnaasaqarnissaq.

Immikkoortortami ulluinnarni suliassat pinngaarnerit administration-imi, soorlu toqunerup kingorna kingornussisussanut suliassat suliarineqartarneri, saaffiginnissutinik akisariaannarnik suliaqarnerit, allakkanik ingerlatitseqqinnerit, nunani avannarlerni akiitsut suliarineri kiisalu suliasssat allat takkussuuttut.

Taamatuttaaq akiliisitsiniartarnermi suliassanut tamanut peqataasassaatit aammalu akileraar-tarnermut Aqutsisoqarfimmi immikkoortortaqarfiit allat suleqatigalugit.

Akiliisitsiniartarnermi immikkoortortaqarfik katillugit 28-inik sulisoqarpoq. Illoqarfinnilu ukunani inissisimallutik: Nuuk, Qaqortoq, Maniitsoq, Sisimiut aammalu Ilulissat. Taakkunanngalu sulisut arfinillit allaffisornermi immikkoortortaani Maniitsumi suliaqartuullutik.

Akiliisitsiniartarfiup allaffissornermi immikkoortortaani seniorkonsulent-eq qaninnertut aqutsi-sorissavat.

Piginnaasat:

Naatsorsuutigineqarpoq allaffimmiutut assigisaanilluunniit ilinniagaqarsimanissat, assingusumillu misilittagaqareersimanissaq, kiisalu qarasaasiamik atuisinnaanissat, namminersorlutillu sulisinnaa-nissat, peqataalluartuunissat, aalajaallutillu akisussaaffeqarluartumik sulisinnaanissat.

Kalaallisut/qallunaatut piginnaasaqartuunissaq iluaqutaassaaq aamma tuluttut ilisimasaqarnissaq.

Kalaallit kulturiannik inuiaqatigiinnilu pissutsinik ilisimasaqarnissaq piumasarineqarpoq.

Atorfimmut ilisimasaqareerneq, inatsisitigut naatsorsuuserinermut paasinnilluarsinnaaneq.

Atorfik pillugu saaffiginniffissaq:

Atorfik pillugu apeqquteqartoqarsinnaavoq uunga allaffimmi seniorkonsulent Marie Sommer oqarasuaat toqqaannartoq +299 34 55 44 / mail: maso@nanoq.gl

Qinnuteqaat ilinniarsimanermut paasissutissat, sisusinnerusukkut suliffigisimasat soraarummeer-simanermullu uppernarsaatit nuutinneri ilanngullugit nassiunneqassapput, toorlugu ”qinnuteqaat nassiuguk”

www.naalakkersuisut.gl aqqutigalugu

Qinnuteqaat mail-ikkut nassiunneqarsinnaanngilaq.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk