Naalakkersuisoqarfiup pisortaanerata atorfilittaanut siunnersortit pisortaat - Namminersorlutik Oqartussat

Naalakkersuisoqarfiup pisortaanerata atorfilittaanut siunnersortit pisortaat

Naalagaaffinngornissamut Nunanullu Allanut Naalakkersuisoqarfimmi misilittagartuumik aaqqissuussinikkut eqqarsaatersorluarsinnaasumik ingerlatserusussuseqartumillu politikkikkullu anguniakkanik ingerlatsinermi suleqataasinnaasumik pisortaqatigiinnillu kiffartuussinissaminut pimoorussisumik atorfilittassarsiorpoq.

Naalagaaffinngornissamut Nunanullu Allanut Naalakkersusoqarfimmi atorfimmik pissanganartumik unammillernartumillu maanna neqerooruteqarpugut, suleqatit pikkorissut aallussisullu suleqatigilissallugit. Ulluinnarni ingerlatsinermut sunniuteqaqataalluarnissannut periarfissaqassaatit, kissaatigisatit piginnaanerillu aallaavigalugit nammineq suliassannik sunniuteqaqataassallutit.

Siunnersortit pisortaattut naalakkersuisoqarfimmi atorfilittanut ilaassaatit, ulluinnarni naalakkersuisoqarfiup pisortaanera pisortallu allat qanimut suleqatigissavatit. Suliassanik naammassinninniaanermi Nunanut Allanut immikkoortirtaqarfimmi sulisut allat qanimut suleqatigisassavatit. Piffissap ilaanni suliffeqarfik nunanut allanut tunngasuni ukkatarinniffiulluni ulapaarfiungaatsiartoq nalaattassavat, piffissallu ilaanni sulineq sivisusinnaasassaaq angalaffiusarlunilu.

Atorfiup nassuiarnera:

Suliaqarfiit akimorlugit suliassat:

• Naalakkersuisoqarfik sinnerlugu Aningaasanut Inatsisissamut pisortaqatigiit siunnersuusioqatigineri.

• Suliassanik malitseqartitsineq:

• Naalakkersuisut nunanut allanut, sillimaniarnermut illersornissamullu periusissiaata ingerlaavarnissaata nakkutiginera qulakkeernera

• Killiffimmik aporfiusinnaasunillu naalakkersuisoqarfiup pisortaaneranut nalunaarusiorneq.

• Pisariaqartillugu sullissinermik suliaqarneq

• Pisortanik avitseqateqarneq:

• Naalakkersuisoqarfiup pisortaaneranut paasiniaqqissaagassanik, aalajangernissamut tunngavissanik periusissiatigullu siunnersuinikkut ikorfartuineq.

• Nunanut Allanut Immikkoortortaqarfimmi pisortaqatigiinnik siunnersuineq.

• Naalakkersuisoqarfiup ineriartortinneranut pisortaqatigiinni oqaloqatigiinnermi ilapituuineq.

• Suliffeqarfimmik inerisaaneq:

• Suliffeqarfiup ingerlannerani pisariillisaataasinnaasut ineriartuutaasinnaasullu periarfissaannik ujartuineq.

• Aaqqissuussaanikkut allannguiniarnermi piviusunngortitsiniarnermi peqataaneq.

Piginnaasat:

• Ilisimatusarnermik tunngaveqartumik tulluartumik ilinniagaqarneq.

• Suliaqarfimmi pineqartumi qaffasissumik, imaluunnit aqutsinertut qaffasissusilimmi sivikinnerpaamik ukiuni arfinilinni misilittagaqarsimanissaq.

• Suliaqarfiit akimorllugit suleqatigiinneq suliassanillu malitseqartitsineq.

• Misissueqqissaanermik aaqqissuussaanermullu tunngasunik eqqarsartaaseqarneq.

• Kalaallit Nunaanni inuiaqatigiit ingerlanerannut qanimut ilisimasaqarneq

• Oqaatsit – kalaallisut danskisut tuluttullu oqalussinnaaneq/paasisinnaaneq

• Attaveqateqallaqqissoq siumoortumillu iliuuseqarsinnaasoq.

• Suliassat allat takkussinnaasut

Nunanut Allanut Immikkoortoq pillugu

Nunanut Allanut immikkoortortaqarfik aaqqissuussaanikkut Naalagaaffinngornissamut Nunanullu Allanut Naalakkersuisup ataani inissisimavoq. Nunanut Allanut immikkoortortaqarfimmi sulisut 20-t missaanniittut aorfeqartinneqarput. Allaffeqafik Nuummi Nunanut allanut immikkoortortaqarfimmi aammalu Bruxellesimi, Washington D.C.-mi, Reykjavikimi Beijingimilu aallaaveqarpoq.

Kalaallit Nunaata nunanut allanut soqutigisaasa suliarinissaat, naalakkersuisoqafiillu assigiinngitsut nunarsuarmioqatgiinni suliaqarneranni ataqatigiissarnissaanut aaqqissuussiffiginissaannullu nunanut laanut immikkoortortaq qitiusumik inissisimasuuvoq. Suliavut tassaapput nunanut allanut attaveqarneq aammalu nunat sumiiffiini nunarsuarmioqatigiinnilu suleqateqarneq, tassunga ilaallutik Nunat Avannaliit Siunnersuisooqatigiivi, Issittumi Siunnersuisooqatigiit taamatullu FN-ip inuit pisinnaatitaaffiinu siunnrsuisooqatigiit aammalu FN-ip Nunap Inoqqaavisa Ataavartumik Oqallittarfiat. Aammattaaq Namminersorlutik Oqartussat illersornissamut isumannaallisaanikkullu Kalaallit Nunaannut tunngasuni Danmarkimik suleqateqarneranni peqataavoq. Paasissutissat annertunerusut uani atuarsinnaavatit www.naalakkersuisut.gl

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk