Sermersooq Business inuussutissarsiornermut aamma takornariaqarnermut siunnersortimik pissarsiorpoq

Sermersooq Business, inuussutissarsiornermut- aammatakornariaqarnermut siunnersortimik – Assigiinngisitaartunik ilisimasalimmik imaluunniit inuussutissarsiornermik siunnersuinerup, takornariaqarnerup aammalu pilersaarusiornermik siulersuinerup iluani misilittagalimmik 15.04.2025-mi imaluunniit isumaqatigiissuteqarnikkut atorfinittussamik pissarsiorpoq.

Atorfik Tasiilami, suliaqarfiulluni inissisimaffeqarpoq, taamaattoq inuussutissarsiornermut suleqatigiissitap kattusimaneranut ilaassallutit.

Inuussutissarsiornermut siunnersuineq, aallarnisaaneq, takornariaqarneq aammalu pilersaarusianik siulersuineq pingaarnerutillugit, Tasiilami inuussutissarsiornerup piujuartitsisumik ineriartortinnissaanut kivitseqataarusuppit?

Sermersooq Business – aallarnisaanermik, takornariaqarnermik inerisaanermik aammalu pilersaarusianik siulersuinermik immikkut akkataqartussamik, inuussutissarsiornermut ilitsersuinermik aamma takornariaqarnermut ineriartortitsinermik akisussaaffeqartussamik – siunnersortimik pissarsiorpoq. Atorfinittussap, inuussutissarsiornermut pisortaq suleqatillu qanittumik suleqatigalugit Kommuneqarfik Sermersuumi, inuussutissarsiornermut ineriartornermik ikorfartuinissaq peqataaffigissavaa.

Sermersooq Business-i aallarnisaanerup, takornariaqarnermik ineriartortitsinerup aammalu inuussutissat iluanni suliniutinik arlalinnik, tamakkuni pitsanngorsaavigisariaqartunik sulissuteqarpoq.

Susassaqarfiit akisussaaffigisassatit:

·Aallarnisaanernik ikorfartuineq: inuussutissarsiutinik assigiinngitsunik akimuisumik ilaatillugit aallartitsineq, piorsaaneq aamma piujuartitsisumik ineriartorneq pillugit ilitsersuinikkut, aallarnisaasunik ikorfartuissalluni

·Aammattaaq inuussutissarsiutitut periarfissatigut takornariaqarnermik ineriartortitsinermut ikorfartuissalluni

·Inuussutissarsiornermik siunnersuisoqatigiinnut allatsi: Inuussutissarsiornermik siunnersuisoqatigiinnut allatsitut suliassat, ilaatillugit ataatsimiinnernik, ullormut oqaluuserisassanik aamma imaqarnilianik suliaqarnissamik ataqatigiissaarineq kiisalu inuussutissarsiutinut tunngasut suliniutit siuariartornerannik qulakkeerinissaq, isumagissallugit

·Ammassallup eqqaani ineriartortitsiffiusinnaasut pillugit ilitsersuineq: Ammassallup eqqaani, inuussutissarsiornermut- aamma takornariaqarnermut periarfissat pillugit aammalu tapiissutaasinnaasut suussusersinissaannik, ingerlatalinnik ilitsersuineq

·Attaveqaasersuutinik ineriartortitsineq: Ineriartornermik ukkataqarneq attaveqaasersuutillu ilaatillugit assartuinissamut periarfissat soorlu timmisartut, umiatsiat, helikopterit aamma RAL kiisalu ineriartortitsinissamut pilersaarutit attuumassutillit pitsaanerpaaffissiuullugit

·Inuussutissarsiortut akornanni suleqatigiinnernik periarfissiussineq: suleqatigiilluarnermik pilersitsiniarluni aamma inuussutissarsiorneq eqqarsaatigalugu periarfissanik atorluaaniarluni najukkami inuussutissarsiortut, pisortani suleqataasut aamma ineriartortitseqatit akornanni suleqatigiinnermik siuarsaaneq

·Visit East Greenland-imik suleqateqarneq: nunap immikkoortortaani takornariaqarneq aamma inuussutissarsiorneq siuarsarniarlugu attaveqaasersuutinut, ornitassanik ineriartortitsinermut aammalu suliniutinut aalajangersimasunut tunngatillugu pilersaarusianut atatillugu Visit East Greenland-imik suleqateqarneq

·Suliassat takkussuuttut suliarisassallugit

Illit piginnaasatit:

·Aaqqissuussaasumik aamma misissuisumik pissuseqassaatit

·Suleqatinut suliamik atassusiillaqqissuussaatit

·Nammineersinnaassuseqarlutit, inerniliinissamik eqqarsaateqartuullutit piffissallu aalajangeriikkap iluani sulisinnaassuseqassaatit

·Oqaatsitigut, tassa kalaallisut aamma tuluttut, piginnaasaqarluassaatit

Illit inuttut pissutsitit:

·Inuussutissarsiornermik ineriartortitsinermut periarfissanut alapernaatsuussaatit soqutiginnittuullutillu

·Ilisimasanik periarfissanut piviusunngortitsillaqqissuussaatit

·Siunersiueqatigiuminartuussaatit

·Kisitsisilerillaqqissuussaatit, aaqqissuulluagaasumillu misissuisumik suleriaaseqassallutit

·Misissugassatut suliassanut misilittagaqassaatit

·Inuussutissarsiornermiit misilittagaqartuusinnaavutit taamaalillutillu inuussutissarsiornermi atugassarititaasunut ilisimasaqarluarlutit

Ilinniakkatigut tunulequttat:Aningaasaqarnerup, inuiaqatigiit pillugit ilisimatusarnerup imaluunniit assingusut iluanni attuumassutilimmik ilinniaqqissimasuussaatit

Uagut neqeroorutigaagut

·Inuussutissarsiornermik inerisaanermik anguniagaqarluni suliaqarfiusoq suliffik nammineerfiusoq

·Suleqatit pitsaasut aamma piginnaasallit

·Ilinniakkatigut avatangiisit pissanganartut

Sermersooq Business pillugu:

Sermersooq Business tassaavoq Kommuneqarfik Sermersuup inuussutissarsiornermut immikkoortortaqarfia. Uagut suliniutitsinnik Piorsaanermik annertusaaneq namminersortunillu suliffissanik amerlanerusunik pilersitsinissap ikorfartornissaa siunertaralugu, Kommuneqarfik Sermersuumi inuussutissarsiornermut sinaakkutitut atugassarititaasunik pitsaanerusunik pilersitsinissaq ukkataraarput. Immikkoortortaqarfimmi, Kommuneqarfik Sermersuumi inuussutissarsiornermut periusissiaq malillugu takornariaqarnerup, imarsiornermik inuussutissarsiornerup, inuussutissalerinerup aamma suliffissuaqarnermi pilersaarutit iluanni piorsaaffiusinnaasut ukkataralugit, sullittoqarpoq.

Piujuartitsinermik ineriartortitsinermut FN’ip silarsuarmut anguniagai anguniarlugit sulissutigaarput. Periusissianik suliaqarnitsigut tamakkuninngalu atuutilersitsinernik qulakkeerinikkut kiisalu suliffeqarfinni, pisortat ingerlatsiviini aammalu innuttaasuni ingerlatatigut taamaaliorpugut. Kommuneqarfik Sermersuumi ineriartortitsinissamut, piujuartitsinissamut, nutaaliornissamut aammalu aallarnisaanissamut periarfissanik pilersitsisarpugut.

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasissutissat makkunuunatigut pineqarsinnaapput:

Atorfimmut soqutiginnillutit, atorfik suliassallu attuumassutillit, pillugit paasissutissanik sukumiinerusunik perusukkuit Inuussutissarsiornermut pisortamut Mads-Daniel Skifte oqarasuaatikkut +299 558278 imaluunniit e-mail-ikkut: mdsk@sermersooq.gl attaveqarnissannut tikilluaqqusaavutit

Qinnuteqaat:

Qinnuteqaat qulequtserlugu Atorfiup ilisarnaataa 204-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: marsip 28.-at, 2025

Atorfik una qinnuteqarfigiuk