FAKTA
Atorfiup suussusaa: Peqqinnissaqarfimmi aningaasaqarnermut immikkoortortami akissarsialerinermi nakkutilliisoq
Suliffeqarfik: Kalaallit Nunaanni Peqqinnissaqarfik
Qinnuteqarfissamut killigititaq:
Attavissaq: Jeanette Bjørnestad, oqarasuaatikkut: (+299) 55 31 01 imal. mailikkut: jelb@peqqik.gl
Akissarsialerinikkut nakkutilliinerup pitsaanerpaatinniarnissaanut piareersimavit piginnaasatillu nunatsinni suliffeqarfiit annersaasa ilaanni misilikkusuppigit? Taamaassappat tassaavutit pissarsiarerusutarput!
Qullersanut siunnersuisarfimmi aningaasaqarnermut pisiniarnermullu immikkoortumi, pimoorussisunik 18-inik sulisulimmi, suleqataalissaatit, Peqqinnissaqarfimmilu sulisoqarnermut immikkoortumik Namminersorlutillu Oqartussat akissarsialeriviannik qanimut suleqateqassallutit. Akissarsianut – taakkununngalu tunngatillugu nalinginnaasumik malitseqartitsinernut peqqinnissakkut sullissisunut pingaarnertut attaviussaatit.
Atorfik:
· Akissarsianut, akissarsiassanut innersuussutinut il.il. tunngatillugu akissarsialerivimmut nalunaaruteqartarneq
· Akissarsiassanik kukkunilinnik nalunaarsorneqarsimasunik malitseqartitsineq
· Akissarsianut tunngatillugu peqqinnissakkut sullissisunut pingaarnertut attaviuneq
· Akissarsiat pillugit nalunaarusiorneq
· Akissarsianik nakkutilliineq
· Erninermut atatillugu sulinngiffeqarnermi piffissallu suliffiusup nikerartissinnaaneranut akiliutinik utertitassanik isumaginninneq
· Mailimut ataatsimoorussamut akisussaaqataaneq
· Pisariaqartitsinermi suliassat allat.
Illit:
· Akissarsialerinermut- imal. naatsorsuuserinermik misilittagaqartutit pissarsiariniarpatsigit
· Excel-imik atuisinnaanissat qarasaasiarsornermullu pikkoriffeqarnissat piumasaqaataapput
· Suliassatit misissueqqissaarnissamik ilaqarmata, tamatumunnga piginnaaneqarluarnissat kisitsisinullu kakkattuunissat pingaaruteqarpoq
· Attaveqateqarsinnaanissat ersarissumillu allakkatigut oqaatsitigullu ingerlatitseqqiissinnaanissat pingaaruteqarpoq
· Illugiinnik oqaaseqaruit iluaqutaassaaq.
Sulininni ataatsimut isiginnilluarsinnaanissat, ataqatigiissaarisinnaanissat, eqikkaasinnaanissat, nunami-, ilinniagaqassutsikkut- politikkikkullu killissat akimorlugit ingerlatitseqqiisinnaanissat kissaatigaarput. Sulianik ingerlatsinermut suleqatigisatullu attavigisanut tunngatillugu piumassuseqassaatit akisussaassuseqarlutillu.
Iluarisatsinnik immitsinnut attavigiippugut annertuunillu angusaqarusussuseqarluta
Suliffeqarfimmi uummaarissumi ineriartortuartumilu suliffik pissanganartoq- pimoorussisunik sulisulik- neqeroorutigaarput. Kiffartuussinermut ilinniagaqassutsimullu tunngatillugu anguniakkagut annertummata, ineriartortuarnissamut periarfissaqassaaq.
Ajornartorsiutit suliassallu pillugit ulluinnarni siunersioqatigiittuarpugut.
Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq
Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut arfineq pingasunut, Kigutileriveqarfimmut, Kalaallit Peqqissartut Illuannut Ingerlatsinermullu qitiusumik immikkoortumut agguagaalluni.
Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nunatsinni Peqqinnissaqarfimmi sulinissaq ilinnut naleqquttuuvoq. Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.
Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit.
Innuttaassuseq
Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.
Akissarsiat atorfininnerlu
Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.
Ineqarneq
Atorfininnermut atatillugu maleruagassat atuuttut naapertorlugit inissamik innersuussisoqarsinnaassaaq.
Ineqarneq
Inissamik innersuussisoqanngilaq.
Sulilerfissaq 1. maj 2025 immikkulluunniit isumaqatigiissuteqarnikkut
Qinnuteqarfissaq kingulleq: 23. marts 2025.
Qinnuteqartunik oqaloqateqarnerit ataavartumik ingerlanneqassapput
Attavissaq
Atorfik pillugu paasissutissat, siunnersortaaneq Jeanette Bjørnestad, oqarasuaatikkut: (+299) 55 31 01 imal. mailikkut: jelb@peqqik.gl attavigalugu pissarsiarineqarsinnaapput
Atorfik una qinnuteqarfigiuk
