Ilinniartitaanermut Aqutsisoqarfik Dysleksimik suliaqartut projektimik suliaqartussanik marlunnik pissarsiorput

Kalaallit Nunaat tamakkerlugu meeqqanut, inuusuttunut inersimasunullu atuarnermik ajornartorsiuteqartunut allanngueqataarusuppit?

Ilinniartitaanermut Aqutsisoqarfimmi dysleksimik suliaqartut konsulentinik tunniusimalluartunik sulisussarsiorput. Suliffeqarfimmi politikkikkut ingerlatsiveqarfiusumi ineriartortitsinermut sunniuteqarnissannut immikkut ittumik periarfissaqarputit aammalu Kalaallit Nunaanni naqinnernik ilisarsisinnaanngitsunut allatigullu atuarnermik allannermillu ajornartorsiuteqartunut iliuusissatut pilersaarummik piviusunngortitseqataanissannut. 

Atorfininneq pissaaq 1. maj 2025 imaluunniit isumaqatigiissuteqarnikkut.

Uagut:

Ilinniartitaanermut Aqutsisoqarfik Naalakkersuisoqarfimmik politikkikkut suliassanik sullissisuullunilu ilinniartitaanerup iluani pilersitsiniarnernik suliniutinillu nutaanik ineriartortitsisarpoq. Dysleksimik suliaqartut ukiuni kingullerni 1.-3.klassimi atuartunut naqinnernik ilisarsisinnaannginnermik ajornartorsiuteqalersinnaasunut atortussianik, misiligutinik ikiorsiissutinillu ineriartortitsipput. Taamattaaq naqinnernik ilisarsisinnaanngitsunut allatigullu atuarnikkut allannikkullu ajornartorsiutilinnut nuna tamakkerlugu iliuusissiassamik suliaqarput. Suleqatigiiusugut angusaqarluarniartuuvugut, ilisimasaqarluarnermik suleqatigiinnermillu pingaartitsisuulluta aammalu inuit atuarnermik ajornartorsiuteqartut pitsaanerusumik periarfissaannik pilersitserusulluta ataatsimoorluta takorluugaqarpugut.

Suliassaraatit:

Dysleksimik suliaqartut peqatigalugit konsulentitut:

• Atuarnermik ajornartorsiuteqartunut aaqqiiniarnerit nutaaliorfiusut ineriartortinneqarnerat ataqatigiissaarnerallu peqataaffigissavatit.

• Immikkoortortaqarfiup nunamullu tamarmut sullissinerup ineriartortinneqarneranut peqataassaatit.

• Ilinniartitsisut, ilinniarfeqarfiit aammalu pisortat siunnersorlugillu ilitsersortassavatit.

• Suliamut attuumassuteqartut qanittumik suleqatigalugit Kalaallit Nunaanni tamarmi ineriartortitsilluni sulineq sunniuteqarfigissavat.

• Suliassani, atuartitsinerup iluani politikkikkut allaffissornikkullu sullissinermut tunngassuteqartuni, peqataassaatit.

Piginnaasaqarfigisatit:

Ujartorpatsigit ukuninnga piginnaasaqarfeqartutit:

• Atuarnermik siunnersortitut, immikkut siunnersortitut, pisariaqartitsisunut ilinniartitsisutut ilinniagaqaqqissimasoq imaluunniit oqaatsinik ilisimatusarnerup iluani akademiskiusumik ilinniagaqartuullutit.

• Ilinniakkatigut pædagogikkimilu tunngavilersuillaqqittuussaatit, isumaliutiginnissinnaasuullutit namminersorlutillu sulisinnaassallutit.

• Isumassarsisinnaasuussaatit aammalu atuarneq pillugu ineriartortitsilluni suliniutini suliaqarluartuussallutit.

• Suliffeqarfimmi politikkikkut aqunneqartumi misilittagaqassaatit imaluunniit tamatuma kingunerisaanik pissutsinik atuuttunik paasisimasaqartuussallutit.

• Suleqateqarluarsinnaassaatit namminersorlutillu sulisinnaassallutit.

Neqeroorutigaagut:

• Suliffeqarfik pissanganartoq, ilisimasaqarluarsimanermik pingaartitaqarluni suleqatigiiffiusoq suleqatigisallu suliaminnut tunniusimasut.

• Ilinniartitaanermi allannguuteqarnernut isumatuunut tunniussaqarsinnaanermut periarfissat.

• Inuiaqatigiinni suliniummut pingaaruteqartumut suleqataanikkut, iIisimasatigut inuttullu ineriartorneq.

Akissarsiat atorfeqarnermilu atukkat:

Akissarsiat atorfininnermilu atugassarititaasut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Projektimik suliaqarnermik atorfik massakkumuugallaq ukiunik pingasunik sivisussuseqarpoq.

Atorfininneq qaammatini pingasuni misiligutaasumik atorfioqqaarallassaaq.

Ineqarneq: 

Atorfimmut tunngatillugu inissaqartitsisoqanngilaq. Qinnuteqaateqartorli maannamut atorfigisimasaminut tunngatillugu Namminersorlutik Oqartussanit ineqartinneqareersimappat, atorfeqarnermi inissaqartitaanera atuutiinnassaaq. Atorfeqarnermi inigisaq atorfimmut pituttorsimavoq, atorfeqarnerullu naanerani qimanneqassalluni.

Qinnuteqarneq attaveqarnerlu: 

Allanngueqataanissamut piareersimavit? Taava qinnuteqaatit, CV allallu ilanngullugit linki qinnuteqarfissap naqqani allassimasoq aqqutigalugu nassiunneqassaaq.

Qinnuteqarfissaq kingulleq: 21.marts 2025.

Atorfik pillugu apeqqutissaqaruit teamlederi Mette Larsen Lyberth, toqq. tlf. (+299) 558875 (mailto:mell@nanoq.gl) imaluunniit immikkoortortami pisortaq Ellen Jensen Karlsen, toqq. tlf. (+299) 346212 (mailto: eljk@nanoq.gl) attaveqafigikkit.

Kalaallit Nunaat Namminersorlutillu Oqartussat pillugit annertunerusumik paasisaqarusukkuit uani taakkua pillugit atuagaqarsinnaavutit Naalakkersuisuts hjemmeside - under job.

Malugiuk:

Qinnuteqaatit pappiaranngorlugit mail-ikkulluunniit tiguneq ajorpagut, qinnuigaatsigit qinnuteqaatit elektroniskiusumik atorfiit inuttassarsiuunneqartut atorlugit nassiutissagit.

Qinnuteqaat nassiuguk