Meeqqanut Atuarfeqarnermullu Ingerlatsivik Ineriartortitsinermut pisortassarsiorpoq

Kommuneqarfik Sermersooq Meeqqanut Atuarfeqarnermullu Ingerlatsivimmi Ineriartortitsinermut pisortamik pikkorissumik kajumissuseqarluartumillu ulloq 1. apriili 2025-mi isumaqatigiissuteqarnikkulluunniit atorfinittussamik pissarsiorpoq.

Aqutsisumik misilittagalimmik pissarsiorpugut, ulluunerani neqeroorutinik, atuarfinnik aamma kultureqarnermut sammisassaqartitsinermullu suliassaqarfimmik kiisalu peqqinnermik siuarsaanermut pitsaaliuinermillu ineriartortitsinermut periusissiugaasumik akisussaaffeqarsinnaasumik. Suliassaqarfiit taakku akornanni ataqatigiinnermik takunnissinnaassaatit aamma kommunimi tamakkiisumik isiginnittaaseqarluni ineriartortitsinermik qulakkeerinnissaatit.

Periusissiorsinnaassuseqarluarpit, ineriartornermik ingerlatsisinnaallutit aamma suliniutinik ajornakusoortunik aallartinneranniit naammassinissaannut siuariartortitsinermik qulakkeerinnissinnaavit? Aqutsisuuit suleqatiginnilluarsinnaasoq, qaffasissutsini arlalinni assigiinngitsunik suleqateqarnermik kajumilersinneqartartoq? Taamaassappat immaqa illiuvoq atorfissaqartitarput!

Atorfik pillugu

Meeqqanut Atuarfeqarnermullu Ingerlatsivimmi immikkoortortat tassaapput Atuarfeqarneq & MISI, Ulluunerani neqeroorutit, Sammisassaqartitsivik & Kulturi, Ineriartortitsineq, Peqinnermik Siuarsaaneq Pitsaaliuinerlu kiisali Stabi. Atorfik Ineriartortitsinermut, Peqqinnermik Siuarsaanermut Pitsaaliuinermullu Immikkoortortami inissisimavoq qaninnertullu pisortarisaq tassaalluni ingerlatsivimmi pisortaq.

Ineriartortitsinermut immikkoortortap akisussaaffigaa, kommunip peqqinnermik siuarsaanermik pitsaaliuinermillu suliaqarnera, atuarfeqarnermut ulluuneranilu neqeroorutinut suliassaqarfimmi sanaartornermut pilersaarutit kiisalu periusissiugaasumik ineriartortitsinermut suliniutit ilaatigut tassunga ilanngullugit immikkut atuartitsinermut suliassaqarfimmik ineriartortitsineq, siunissami sunngiffimmi klubbinut pilersaarut aamma inuussutissarsiutit tunngavigalugit atuaqatigiinnik pilersitsineq.

Immikkoortortami sulisut tassaapput Ineriartortitsinermut pisortaq, suliatigut aqutsisoq ataqatigiissaarisoq aamma peqqinnermi pitsaaliuinermilu siunnersortit pingasut. Immikkoortortami suliffimmik misiliisoqarsinnaavoq. Atorfik ullormut suliffiusussaq naallugu suliffiuvoq Nuummiillunilu.

Illit suliassatit

Ineriartortitsinermut pisortatut suliassatit pingaarnerit tassaassapput:

∙Periusissiugaasumik ineriartortitsinermik aamma ingerlatsiviup suliassaqarfiini assigiinngitsuni ataqatigiilersitsinermik qulakkeerinninneq

∙Kommunip Peqqinnermik Siuarsaanermut Pitsaaliuinermillu periusissiaanut naapertuuttumik Peqqinnermik siuarsaanermik Pitsaaliuinermillu suliaqarnermik ingerlatsineq

∙Aqutsisoqatigiit aamma Stabimi AC-Fuldmægtigit suleqatigalugit ineriartortitsinermi suliniutinik pilersaarusiorneq, aqutsineq malinnaaviginninnerlu

∙Fagchefi aamma suliniutinut pisortaq qanimut suleqatigalugit paaqqinnittarfinnik aamma atuarfinnik atuutsitsilernermik qulakkeerinninneq

∙Suliniutini ajornakusoornerusuni siuariartortitsineq aamma anguniakkat angunissaannut akisussaaffeqarneq

∙Fagchefinik allanik qanimut suleqateqarneq aamma aaqqissuussaanermi assigiinngitsunik avataaniillu suleqatigisartakkanik suleqatigiinnermi patajaatsumik attaveqalerneq

Piginnaasatit:

∙Naleqquttunik ingerlaqqiffiusumik ilinniagaqarsimasutit

∙Aqutsinermik misilittagaqarputit, ajornanngippat pisortat aaqqissuussaanerinit

∙Suliatigut anguniakkat, pitsaassuseq aamma pitsaasumik suliffimmi avatangiiseqarneq qaffasissumik atugarissaarfiusoq oqimaaqatigiissaarsinnaavatit

∙Periusissiukkamik eqqarsartarputit aamma tamakkiisumik isiginnissinnaalluarputit

∙Aaqqissuussaasumik misissueqqissaartumillu sulisarputit

∙Allattariarsornikkut oqaatsitigullu attaveqaqatigiittarnikkut piginnaasaqarluarputit

∙Siammasissumik suleqatigiinnermik kajumissuseqalertarputit aamma qaffasissutsini suliatigullu suliassaqarfinni assigiinngitsuni sulisinnaallutit

∙Ulluunerani neqeroorutit, atuarfiit, kulturi sammisassaqartitsinerlu kiisalu peqqinnermik siuarsaaneq pitsaaliuinerlu ilisimasaqarfigigukkit iluaqutaassaaq kisianni tamalaanik ilisimasaqarnissat aamma nutaanik ilisimasaqalernissannut piumassuseqarnerit pingaarnerpaavoq

Neqeroorutigaavut:

∙Suliffik unammillernartoq pissanganartorlu, kommunimi ineriartortitsinermi sunniuteqarnissamut periarfissaqarfigisassat

∙Aqutsisut qanimut attaveqatigalugit politikkikkut aaqqissuussaanermi qitiusumik atuuffeqarneq

∙Ineriartornissamut periarfissat aamma suliatigut siunersioqatigiinneq pitsaasoq

∙Suliffik isumaqarluartoq, Kommuneqarfik Sermersuumi meeqqanut inuusuttunullu iluaqutaasussamik atuarfinnik paaqqinnittarfinnillu ineriartortitsinissamut periarfissaqarfigisassat

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq. Kommuneqarfik Sermersooq aqqutigalugu suliffinnut atatillugu ineqareersimaguit paariinnarneqarsinnaavoq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Direktør Lone Nukaaraq Møller, oqarasuaat +299 36 73 01 imaluunniit e-mail: lnm@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 193-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: marsip 14.-at, 2025

Atorfik una qinnuteqarfigiuk