Naalagaaffiup Kalaallit Nunaanni sinniisoqarfia sammivinnut aaliangersimasunut tunngasunik Kalaallit Nunaanni politikkikkut ineriartornermik soqutigisaqartumik qaffasissumik ilinniarsimasumik siunnersortaanerusussamik pissarsiorpoq

Kalaallit Nunaanni inuiaqatigiinnut, politikkikkut pissutsinut, qallunaat nunaannullu attaveqarnermut tunngasunik ilisimasaqarluaruit, pisortallu allaffissornikkut suleriaasiinut sammisunik misilittagaqarlutit, taava imaassinnaavoq tassaasutit sulisussatut pissarsiarerusutarput.

Qaffasissumik ilinniarsimasutut ilaatigut makku isumagisassarissavatit:

· inuiaqatigiinni politikkikkullu pisut pillugit Naalagaaffiup Sinniisaanut ingerlaavartumik paasissutissiisarneq

· Kunngikkormiunik, ministerinik, Folketingimi ataatsimititalianik, naalagaaffimmit aallartitatut il.il tikeraartoqartillugu suliassanik assigiinngitsunik isumaginninnerit

· Tikeraartoqarnernut atatillugu piareersaataasumik paasissutissiissuteqarnissanik piareersaassior-lunilu peqataanerit

· Danmarkimi Kalaallillu Nunaanni Kalaallit Nunaannut atatillugu politikkikkut pisunut inuiaqatigiinnullu tunngasunik apeqqutinik oqartussaaffeqarfinnut ingerlaavartumik attaveqar-tarneq

· Kalaallit qallunaallu oqartussaaffeqarfiisa akornanni attaveqartarnernut ikiuunnerit aammalu siunnersuillunilu paasissutissiisarnerit

· Aningaasaateqarfik Den Grønlandske Fond allaffissornikkut akisuussaaffigalugu

Pissarsiariniarparput sulisussaq:

· Pineqartunut sammisunik kanditatitut ilinniarsimasoq, saniatigullu pisortat allaffissornikkut ingerlatsisarnerinut atatillugu soqutigisaqarluartoq qanorlu politikkikkut allaffissornikkullu ingerlatseriaatsinik ilisimaarinnilluarlunilu soqutigisaqarluartuusoq

· Kalaallit Nunaata Danmarkillu akornanni ingerlanneqartunik soqutiginnittuusoq

· Qallunaat, tuluit ajornanngippallu kalaallit oqaasiinik oqalussinnaanikkut allassinnaanikkulu piginnaaneqarluartoq

· Suliffeqarfimmi anginngitsumi suliaqartut assigiinngitsut akornanni akimut suleqatiginnil-luarsinnaasoq

· Suliffigisaq sinnerlugu suliassanik ingerlataqarsinnaanermut piareersimasoq

· Suliassanut atatillugu piginnaaneqarluartoq, tunniusimasoq soqutiginnilluartorlu

· Pisariaqartillugu sammineqartunut assigiinngitsunut paasinnillaqqissuullunilu pulatersinnaassuseqartoq

Uagut neqeroorutigaagut:

· suliffik soqutiginartoq allanngorartunik suliassaqarfiusoq siammasissunik attaveqarfeqartoq kalaallit qallunaallu oqartussaaffeqarfiinut, suliffeqarfigisaannut ingerlatsivigisaannullu

· suliffeqarfik anginngitsoq ingerlalluartoq qanilaartumik suleqatigiiffiusoq, erseqqissunik naleqartitanik tunngaveqartoq inuppalaartumik ulluinnarpalaartumik ingerlatsiviusoq

· namminersorluni sulianik naammassinninniartarnissamik imaqartoq, atorfik ineriartornissamut periarfissaqarfiusoq, tamatuma ataani pikkorissartarnissanut il.il

· Atorfik sulianut atatillugu inuttullu ineriartornissamut periarfissaqartitsilluartoq.

Atorfimmut tunngasut

Kalaallit Nunaanni Naalagaffiup sinniisoqarfiani atorfeqalissaatit isumaqatigiissutillu atuttuut tunngavigalugit aningaasarsiatigut inissinneqassallutit. Atorfinitsinneqarnissannili isumannaatsuunissamik piumasaqaatit misissuiffigineqaqqaassapput.

Malittarisassat qaqugukkulluunniit atuuttut naapertorlugit atorfimmut atatillugu inissamik innersuussisoqarsinnaavoq. Atorfininnermi uninnermilu angalanerit suliffigilikkamit isumagineqassapput pequtinillu atorfinittumut ilaqutaasaanullu atorfininnermut atatillugu assartuinerit aaliangersakkat naapertorlugit aaqqiivigineqassallutik.

Atorfininneq

Siunnerfiuvoq atorfiup 1. maj 2025-imit aallartittumik inuttalerneqarnissaa.

Qinnuteqarnissamut killiliussaasut

Qinnuteqaat Kalaallit Nunaata nalunaaqutaa malillugu kingusinnerpaamik tiguneqassaaq ataasinngorneq ulloq 17. marts 2025 kl. 12.00, ilanngullugit suliarisimasanut/atorfisimasanut takussutissiissutit peqarpallu sulititsisorisimasanit oqaaseqaatit, taakkulu uunga mailitut nassiunneqassapput: RO@gl.stm.dk.

Siammasissuseqarneq nukittorsaatitut isigivarput atorfimmullu qinnuteqarnissamut kikkulluunniit kaammattorumallugit aporfiginagillu apeqqutaatinnagit, suiaassutsimut, ukioqqortussutsimut, upperisaqarnermut, sumiuussutsimullu tunngasut.

Paasissutissat allat

Atorfik pillugu annertunerusumik paasissutissat pissarsiarineqarsinnaapput Naalagaaffiup Siunniisaanut Julie Præst Wilchemut saaffiginninnikkut una aqqutigalugu: oqarasuaat normu (+ 299) 32 10 01. (Maluginiaruk Kalaallit Nunaata Qallunaat Nunaatalu nalunaaqutaat akunnernik 3-nik nikingammata).

Naatsorsuutigineqarpoq atorfinitsitsinissamut atatillugu oqaloqatiginninnerit naalagaaffiup sinniisoqarfiani ingerlanneqassasut, imaluunniit skype-ikkut.

Uagut kikkuunerput

Kalaallit Nunaanni Naalagaaffiup Sinniisoqarfia Statsministeriap ataani suliffeqarfiuvoq. Naalagaaffiup Sinniisaa tassaavoq Nalagaaffiup Kalaallit Nunaanni sinniisumisut qullersarititaa tassaavorlu namminersorlutik oqartussat naalagaaffiullu ataanni oqartussaaffiusut akornanni attaveqarfiusoq. Qarasaasiakkut una iserfigalugu annertunerusunik paasiniaagit: www.rigsombudsmanden.gl.