Isumaginninnermut Aqutsisoqarfik Paarisami siunnersortimik /AC-fuldmægtigimik sulisussarsiorpoq

Peqqissutsimik siuarsaanerup, pitsaaliuinerup eqqarsartaatsikkullu peqqissutsip suliarinissaat kissalaarfigaajuk, aammalu nuna tamakkerlugu meeqqat ilaqutaasalu inuuneranni allannguerusuppit?

Isumaginninnermut Aqutsisoqarfimmi pitsaaliuinermut immikkoortortaqarfimmi Paarisami isumaginninnermut peqqinnissamullu suliassaqarfiit iluanni peqqinnerulersitsinissamut suliniutinik suliaqartarpugut. Suliaqarnerput inuit peqqissuunissaannut pilersaarummit Inuuneritta III-mit aallaaveqarpoq, aamma peqqinnerulersitsinissamut suliniutit pinaveersaartitsinermillu suliaqarneq, najukkami kissaatigineqartut, pingaarutillit aallartinneqarsinnaasullu aallaavigalugit, najukkani innuttaasut oqaloqatiginerisigut inerisarneqarput.

Paarisami Siunnersortitut/ AC-fuldmægtigitut immikkoortortaqarfimmi, immikkoortortaqarfimmut pisortaqarlunilu 12-nik sulisoqartumi, suleqataalissaatit.

Paarisami suliniutinik suliassaqarfiit akimorlugit suleqateqarluta aammalu najukkani innuttaasunik oqaloqateqarnertigut najukkanilu kissaatigineqartunik, pingaartinneqartunik aallartinneqarsinnaasunillu, inerisaavugut.

Atorfimmi ukkatarineqartussaq tassaavoq, suliaqartuusunik naleqquttunik suleqateqalernissamut ingerlatsinissamullu Paarisap suliaqarnerani suleqataanissaq. Suliassat pingaarnertut suleqatigiinni suliniutinik kinguaassiutitigut innarliinnginnissamut illersuinermut tunngassutilinnik suliaqartuniissapput. Ullut suliffigisatit allanngorartuussapput. Ullut ilaanni suleqatigisartakkanik avataaneersunik attaveqaatinut ataatsimiigiarsimasinnaavutit, ullorlu alla video-nik suliarineqartussanik ataqatigiissaarisuusinnaallutit. Inussiarnersuuguit naapinniaasaruillu amerlasuunik attaveqarfeqalissaatit.

Naatsorsuutigaarput, illit makkuninnga piukkunnassuseqarlutillu piginnaasaqartutit:

• Naleqquttumik ilinniagaqarsimasutit, masteritut imaluunniit ilinniagartuutut.

• Allallutit paasititsillaqqissuusutit.

• Atuutilersitsiniarluni suliaqarnermik misilittagaqartutit.

• Suliassaqarfimmi suliaqartut suliassaqarfiillu akimorlugit oqaloqatigiilersitsisinnaaneq aqqutissiuussisinnaanerlu.

• Suliniutinik ineriartortitsinermillu suliaqarnermik misilittagaqaruit pitsaassaaq.

• Inussiarnersuusutit, alapernaatsuullutit ammasuullutillu.

• Inuiaqatigiinnik kalaallinik aamma kalaallit kulturiannik ilisimasaqarluartutit.

• Ajornanngippat kalaallisut aamma danskisut oqaatsinik marluinnik atuisinnaassasutit 

Illit suliassatit ilaatigut makkuussapput:

• Killiliisap suliassaqarfiisa iluanni suliniutissani suliniummut aqutsisoq

• Suliaqarfimmi suliniutit nutaat inerisarneqarnerini innuttaasunik peqataatitsinissap qulakkeernera. 

• Suliaqarfimmi suliniutit pilersinneqareersut aallartinneqareersullu ingerlaannarlutik malinnaavigineri, pisariaqartitsisoqarneranilu taakku naleqqussarneri.

• Suliassaqarfimmi kommunit, peqqinnissaqarfik, politiit, ilinniarfeqarfiit aamma oqartussat allat oqaloqatigiilernerit suleqatigiilernerillu.

• Suliaqarfimmi suliamut attuumassutilimmik ilisimasanik pissarsiorneq katersinerlu.

Ilinnut makkua neqeroorutigisinnaavavut:

• Immikkoortortaqarfimmi ineriartortuartumi suleqataalissaatit

• Suleqatigiit tunniusimasut aamma suliaminnut pikkorilluartut isumasioqatigisinnaasatillu suleqatigilissavatit

• Suliffeqarfik kiffaanngissuseqarfiuvoq sulisullu pitsaasunik atugaqarnissaannik pingaartitsisuuvoq

• Atorfik suliatigut inuttullu ineriartornissamut periarfissagissaartoq

• Aqutsisoq sulilerlaanut aallartilluartitsinissamik, iliuutsinut uterfiginnilluarnissamik suliffimmilu atugarissaarnissamik ukkatarinnittoq

Isumaginninnermut Aqutsisoqarfik pillugu

Isumaginninnermut Aqutsisoqarfik Naalakkersuisut ataanni aqutsisoqarfiuvoq arfinilinnik immikkoortortaqartoq: Pitsaaliuinermut immikkoortortaqarfik Paarisa, Aningaasaqarnermut immikkoortortaqarfik, Ulloq unnuarlu inissitsiterinermullu immikkoortortaqarfik, Suliassanik suliarinnittartunut siunnersuinermut immikkoortortaqarfik, Oqartussaaffinnut immikkoortortaqarfik, Meeqqat ineriartornerannut immikkoortortaqarfik aamma Allattoqarfik. Immikkoortortaqarfiit qanimut suleqatigiittarput aamma suliffeqarfiuvoq suliatigut unammillernartorpassualik.

Aningaasarsiat aamma atorfeqarnermi atugassarititaasut

Atorfik piffissaq tamakkerlugu atorfiuvoq.

Ulloq atorfiniffissaq:

Atorfik 1. apriili 2025-mi imaluunniit isumaqatigiissuteqarnikkut inuttalerneqassasoq kissaatigineqarpoq.

Qinnuteqarnissamut killigititaq:

19. martsi 2025

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Paasissutissat annertunerusut

Atorfik pillugu paasissutissat sukumiinerusut pissarsiarerusukkikkit, Paarisami immikkoortortaqarfimmi pisortap Helena Lynge Møller, email-kut attavigisinnaavat: helm@nanoq.gl

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Qinnuteqaat nassiuguk