Akileraartarnermut Aqutsisoqarfik Ilanngaaserisumik aataatsimik marlunnilluunniit sulisussarsiorpoq

Kalaallit nunaanni innuttaasut sullinneqarluarnissaannik peqataarusuppit?

Taamaappat, Nuummi ilanngaaserisutut atorfik inuttassarsiugaq ilinnut soqutiginarsinnaavoq?

Akileraartarnermut Aqutsisoqarfik, nunatsinni akileraartarnermut qullersaqarfiusoq akileraartarnerutinut-, akitsuutinut- akiliisitsiniarnermullu sulianik ingerlatsisoq, sulisussariorpoq (akileraartarnermut- akitsuuserinermullu siunnersortsimik) ataatsimik marlunnilluunniit siunissami qimmeqartinneqarsinnaasumik Nuumi inuttassarsiuussivoq 1. juli 2025-imi sulilersinnaasumik imaluunniit immikkut isumaqatigiinnikkut.

Nuummi ilanngaaserisutut siunissami sulinermi qimmeqartinneqarsinnaasutut, nunatsinni ilanngaaserisut allat peqatigalugit suleqataassuutit. Taamanna pillugu pingaaruteqarpoq suleqatiginnilluarsinnaanissat, sulianik naammassisaqarsinnaassasutit ilaatigut ullormut ulapinnarsinnaasunut, sulilluarsinnaaneq sullissilluarnissarlu annertuumik pingaaruteqarmat.

Sulinermi aaqqissuussaanermik inissisisimaneq suliassallu:

Atorfiit Nioqqutissanik Akitsuutinillu Nakkutilliisoqarfimmi, Akileraartarnermut Aqutsisoqarfiup Akileraaruserinermut Misissuinermullu Immikkoortortaqarfiata ataani Nuummi inissisimapput.

Immikkoortortaqarfiup suliarai akileraarutinut tunngasut tamaasa, matumani ilanngullugit innuttaasut, suliffeqarfinnut, sulisitsisunik misissuineq, ingerlatitsiveqatigiiffiit suliffeqarfiillu akileraarutaannik kukkunersiuinerit il.il. kiisalu ilanngaaserisoqarneq.

Ilanngaaserisutut siunissami sulinermi ikiaroornartunik ujaasisinnaasumik qimmeqartinneqarsin-naasutut, makku suliarissavatit:

• Timmisartunut ilaasunik misissuineq

• Timmisartukkut, allakkatigut umiarsuakkullu nassiussanik misissuinerit

• Timmisartunut umiarsuarnut il.il. ikilluni misissuinerit

• Sinerissami ilanngaaserisut suliaannik nakkutilliineq ilinniartitsinerlu

• Ilanngaaserinermi sulinermi allaffissornermi suliassanik suliaqarneq, misissugassanik paa-siniaaqqissaarneq, nioqqutissat eqqussukkat annissassallu uppernarsaataannik misissuineq il.il.

Akileraartarnermut Aqutsisoqarfimmi allanilu suleriutsinik makkuninnga ilinniartinneqassuutit:

• Nioqqutissanik eqqussuinermi annissuinermilu tikittunillu misissuinermi sulinermi inatsisinik tunngaviusunik

• Sulinermi qarasaasiat atortorissaarutit nammineq- allallu suleqatigisat pigisaat seqersaatillu

• Qimmilerinermi ilinniartitaaneq pikkorissarnerillu nunatsinni qallunaat nunaannilu

• Misissuinermi suliat anguniakkat pillugit eqqartuineq suliallu pillugit isumasioqatigiinnerit

• Immikkut ittumik umiarsuarni inini matoqqalluinnartuni misissuinermi ilinniarneq Qallunaat Nunaanni aammalu Kalaallit nunatsinni

Taamaattumik naatsorsuutigineqassaaq sulininnut atatillugu ukiup ingerlanerani arlaleriarlutit anga-lasarnissat.

Piginnaasat:

Illit qinnuteqartutut naatsorsuutigaarput ilisimaarinnittutut uppernassusilittullu pissuseqassasutit, attaviginnillaqqittuullutit aammalu allanik oqaloqatiginnillaqqissuullutit, eqimattani kiisalu nam-mineersinnaassallutit, suleqatikkuminarlutit, oqimaatsulerisinnaallutit, inussiarnersuullutit aammalu kalaallisut qallunaatut tuluttullu oqaatsinik atuilluarsinnaasuussallutit.

Qimmilerilluarsinnaaneq kiisalu siusinnerusukkut sulinermi qimmeqarsimaneq iluaqutaasooq.

Suliffik pillugu saaffissaq

Tikilluaqqusaavutit atorfik pillugu annerusumik paasiniaassallutit saaffiginninnikkut uunga, allaf-fimmi pisortaq Uvdloriánguaĸ Hansen, tlf. (+299) 34 65 83, e-mail uvh@nanoq.gl

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Qinnuteqaat nassiuguk