FAKTA
Atorfiup suussusaa: Nunatta Isiginnaartitsinermik Ilinniarfiani allaffissornermi aqutsisoq
Suliffeqarfik: Nunatta Isiginnaartitsisarfia
Qinnuteqarfissamut killigititaq: 1. april
Attavissaq: Vivi Sørensenimut saaffiginnittoqarsinnaavoq, sianerluni uunga: 38 13 70 imalt. E-mailikkut allagaqarluni uunga: vivi@nuis.gl
Aaqqissuillaqqippit/ataqatigiissaarillaqqippit,
aaqqiissutissanillu nassaassarsiullaqqippit? Pinngorartitsisut akornanni, ullup
suliffiusup ingerlanerani, illit sulisunut ilinniartunullu qitiulluinnarlutit,
sullisserusuppit? Taava immaqa ILLIT tassaavoq ujagarput!
Nunatta Isiginnaartitsinermik Ilinniarfiani allaffissornermi
aqutsisoq tassaavoq, ulluinnarni ilinniarfiup ammanerani sullissisoq
qitiulluinnartoq. Illit suliassarissavatit ulluinnarni allaffissornermi
suliassat, ilinniarfiup pisassaanik aqutsilluni agguataarisoq, tapersersuisorlu
ilinniartunut ilinniartitsisunullu. Inummik sulisussamik ujarlerpugut,
akisussaaffimmik qununani tigummiarsinnaasumik aammalu suliassanik
assigiinngitsunik ataatsikkut ingerlasunik suliaqarsinnaasumik suliffiup iluani
avataanilu.
Siullertut suliassatit ukuninnga imaqarsinnaapput:
- Ulluinnarni atuarfimmi allaffissorneq ingerlatsinerlu
- Ilinniartut skemassaannik piareersaasiorluni ataqatigiissaarisoq, taakkua saniatigut ininik pisussanillu aamma piareersaallunilu ataqatigiissaarisoq
- Ilinniartunik, ilinniartitsisunik suleqatigisartakkanillu attaveqarneq
- Ilinniartut aggertarsimanerannik agginngitsoorsimanerannik nalunaarsuinerit, inaarutaasunik misilitsinnermut tunngasunik suliaqarneq
- Ilinniarfiup digitalimik atortuinik nutarsaasarneq
- Aningaasatigut aqutsineq, sulisussanik isumaqatigiissutiliornerit, taakkualu iluanni akiligassanik sananeq ukiumullu aningaasatigut naatsorsuuserinermi malinnaatitsineq
- Allaffissornerup iluani suliaqanermi misilittagalik, ajornanngippat ilinniarfiit arlaanni misilittagalimmik imalt. Suliffimmi pinngorartitsiffiusumi misilittagalik
- IT-lerilluarsinnaasoq, soorlu ilisimaarilluarlugu excel-i atussallugu nalorninngitsumik, allallu allaffissornermi systeminik ilisimasalik
- Aaqqissuilluarsinnaasoq, nammineq sulisinnaasoq suliassarpassuarnillu assigiinngitsunik ataatsikkut suliaqarsinnaasoq
- Ilakkuminartoq inunnillu assigiinngitsorujussuarnik anguniarfigineqartartunik oqaloqatiginnissinnaasoq attaveqallaqqissorlu
- Isiginnaartitsivimmi eqqumiitsuliornernik ilinniarfinnillu pinngorartitsinerup iluani ingerlasunik soqutiginnittoq
- Kisitsisit qanoq atorneqarsinnaanerinik ilisimasaqarluartoq, kalaallisut oqaatsigut atorluarsinnaallugit aammalu qallunaatut tuluttullu oqalullunilu paasisinnaasoq
Ukua
neqeroorutigivagut:
- Ulloq suliffiusoq pissanganartoq allanngorartorlu
- Nunatta Isiginnaartitsinermik Ilinniarfiup aqutsisuata, ilinniartitsisut piumassuseqarluartut ilinniartullu tunniusimalluartut qanimut suleqatigineqassavai
- Ilinniarfiup allaffissornertaata ingerlariaasianut ineriartortitsinissaanullu sunniuteqarnissamut periarfissaqarpoq
- Suliffiuvoq, pinngorartitsineq ilusilersuinerlu imminnut tasiortutut illutik ingiaqatigiiffiusoq
Atorfik tassaavoq sapaatip akunneranut akunnernik 40-nik
suliffiusoq.
Atorfininnermi atugassarititassat
Akissarsiassat atorfininnermilu atugassarititassat
atorfinititsisup atorfinittussallu akunnerminni
isumaqatigiissusiussavaat.
Atorfik pillugu
paasisaqarluarusukkaanni Nunatta Isiginnaartitsisarfiata aqutsisuanut Vivi
Sørensenimut saaffiginnittoqarsinnaavoq, sianerluni uunga: 38 13 70 imalt.
E-mailikkut allagaqarluni uunga: vivi@nuis.gl
Qinnuteqarfissaq ulloq kingulleq: 1. april 2025
Ulloq atorfinitsinneqarnissaq 1. maj 2025
Qinnuteqaat uunga nassiunneqassaaq Nunatta
Isiginnaartitsisarfiata aqutsisuanut Vivi Sørensenimut vivi@nuis.gl aamma
allaffissornermi aqutsisumut Karl Villiam Jerimiassenimut karl@nuis.gl
