Meeqqanut Ilaqutariinnullu Ingerlatsivik marlunnik Ledendesocialrådgiverissarsiorpoq

Meeqqanut Ilaqutariinnullu Ingerlatsivik marlunnik Ledendesocialrådgiverissarsiorpoq atorfinittussanik piaartumik imal. Isumaqatingiissuteqarnikkut 2025

Ledendesocialrådgiveritut atorfik piffissaq tamaat suliffiuvoq meeqqanut inuusuttunullu oqartussaqarfiup iluani.

Piffissaq suliffiusoq ataasinngornermiit tallimanngornermut (sapaatip akunneranut nalunaaquttap akunnerinik 40-t).

Sulininni pingaarnertut suliassatit makkuussapput:

·Kommune tamakkerlugu nalunaarutinut tunngatillugu immikkut ilisimasaqalernissamut ineriartortitsineq attassinissarlu

·Sulianik agguataarineq

·Pitsaassusissamik qulakkeerineq aamma meeqqanik ikiorsiisarnermut inatsit suliffimmilu suleriutsit naapertorlugit suliamik ingerlatsinermik piffissaliussanillu aqutsineq

·Ulluinnarni sulianullu tunngasunik aqutsineq

·Suliamik suliaqarnermi pitsaassusissamik nakkutilliineq

·Suliamut tunngasumik periutsinik atuinissamut sulisunik ilinniartitsineq kiisalu isumaginninnikkut misissuineq

·Sulianut ataasiakkaanut tunngasunik siunersioqatigiinneq

·Allaffissornermi tunngaviusunik eqqortitsinissamik qulakkeerineq

·Suliffiup iluani piffissaliussat eqqortinneqarnissaannik qulakkeerineq

·Piginnaanerit innersuussinissamullu pilersaarutit nakkutiginerat atuutsinnerallu

·Suliassanik allanik aqutsisullu isumaqatigiinnikkut suliaqarneq

Ilinnut tunngasut

Matuma ataani allassimasut amerlanersaat ilinnit naatsorsuutigaavut:

·Isumaginninnermut siunnersortitut ilinniagaqarputit immikkoortumilu annertuumik inuussutissarsiutigalugu misilittagaqarputit

·Aqutsinissamut sapiissuseqartutit ajornanngippallu aqutsinermut tunngasunik misilittagaqartutit

·Suliassanik ilisimasaqarluartuuvutit

·Inuttut innarligassaanngitsutit sunniuteqarsinnaassuseqarluarlutillu aamma suliamut tunngasunik aalajangiussaareersunik aalajangiussisimasinnaasutit, aamma misigissutsinut sunniuteqartunik annertuumik akerlilersorneqaraluarlutit

·Tatituujusutit, sulerusussuseqartutit timitaleerusussuseqartutillu

·Unneqqarissumik, tunniusimasumik anguniagalimmillu sulerusussuseqartuullutillu sulisinnaassuseqartutit

·Aqutsinermut suleqatigiinnullu tunngasunik piumassuseqarlutillu siuarsaasinnaassuseqartutit kiisalu ingerlatsivimmi aqutsisoqatigiinnut aqutseriaatsimullu tunngasunik peqataasinnassuseqartutit

·Allanut ataqqinnissuseqartutit, akuersaartuusutit pisunullu malinnaasinnaassuseqartutit (sulisunut, suleqatinut, suleqatigisartakkanut il.il.)

·Suliffeqarfimmi ineriartorfiujuartumi sulinissamut soqutiginnittutit

·Kalaallit Nunaanni pissutsinik ilisimasalik aamma kalaallisut oqalussinnaaneq iluaqutaassaaq

 Neqeroorutigisinnaavavut:

·Atorfik pissanganartoq tamatigoortorlu assigiinngitsorpassuarnik unammillernartulik annertuumillu sunniuteqarfiusinnaasoq

·Siunnersorneqarneq

·Suliatigut inuttullu ineriartornissamut periarfissat pitsaasut

Meeqqanut llaqutarflnnullu lngerlatsivik

Meeqqanut Ilaqutariinnullu Ingerlatsiviup oqartussaaffeqarfik ingerlataa, suleqatigiinniippullu meeqqanut ilaqutariinullu suliassanik suliaqartartut. Sullissisunik tamanit suliassat suliarineqassapput, ilaatigut makkuusut isumaginninnikkut misissuinerit, periusissiatut iliuusissanik suliaqarnerit, pitsaaliuinerit, sulianik suliaqarnerit, meeqqanik inuusuttunillu ilaqutariinnik paarsisartunut imaluunniit meeqqat angerlarsimaffiinut inissinneqarsimasunik tunngasunik suliaqarnerit kiisalu malitseqartitsineq.

Nalunaarutiginninnermut tunngasunik suliaqartut aamma pinartoqartillugu sulisup Kommuneqarfik Sermersooq tamakkerlugu nalunaarutiginninnernik tigooraasarput, suliarisarlugillu. Taassuma saniatigut suliat aallartiffeqartarput, tassani suliniutinik aallartitsisoqartarluni. Innarluutilinnut tunngasunik suliallit meeqqanik inuusuttunillu innarluutillit pillugit peqqussut naapertorlugu sullinneqartussanik suliaqartarput.

Illup iluani suleqatigisarpagut (Meeqqanut Ilaqutariinnullu Sullissivik, Kuserneq, Ivaaq, Inuusuttunik Sullissivik, Meeqqat angerlarsimaffiat Tupaarnaq aamma angajoqqaarsianut siunnersortit) aamma illup avataaneersut (Politiit, peqqissaavik, atuarfiit, meeqqeriviit, ulloq unnuarlu paaqqinniffiit, angajoqqaarsiat il.il.) 

Pineqaatissinneqarsimannginnermut aamma meeqqanik pinerliisimannginnermut uppernarsaatit:

Atorfik taanna meeqqanik pinerliisimannginnermut aammalu pineqaatissinneqarsimannginnermut uppernarsaammik peqartussaatitaaneq pillugu inatsit naapertorlugu piumasaqaatitaqarpoq. Inatsit naapertorlugu pinerluuteqarsimannginnermut uppernarsaat kommunimit tiguneqareerpat, aatsaat atorfinittoqarsinnaavoq. Taamaattumik malugeqqussavarput Kommunip uppernarsaatit naammaginartutut isigineqartut,meeqqanik pinerliisimannginnermut uppernarsaat Rigspolitiinit,aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit piniarneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussat aamma AK akornanni isumaqatigiissut atuuttoq, imaluunniit Kalaallit Nunaannilu kattuffiup allap isumaqatigiinniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinitsitsineq qaammatini pingasuni misiligutitaqassaaq.

Inissaq:

Atorfimmut atatillugu inigisassamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortorta Aqutsisoq Ina Mosgaard, oqarasuaat +299 36 72 08 imaluunniit e-mail: inma@sermersooq.gl imaluunniit uunga: Immikkoortortami Aqutsisoq Eva Kristiansen, oqarasuaat +299 36 73 29 imaluunniit e-mail: vakr@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 202-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: marsip 18.-at, 2025

Atorfik una qinnuteqarfigiuk