Najugaqatigiiffik Pakkutaq aqutsisussarsiorpoq

Suliffeqarnermut Isumaginninnermullu Ingerlatsivimmi Innarluutilinnut aamma Tarnikkut nappaatilinnut immikkoortortaqarfik Najugaqatigiiffik Pakkutaq aqutsisussarsiorpoq

Inunnut annertuumik innarluutilinnut allanngueqataarusuppit? Najugaqatigiiffik Pakkutamut pimoorussisumik tunniusimasumillu aqutsisussarsiorpugut. Aqutsisutut misilittagaqarpit imaluunniit sulinerni qaffasinnersumik sulilernissat takorluugaraajuk, taamaappat illiusinnaavoq amigaaterput.

Najugaqatigiiffik Pakkutami aqutsisunngoruit najugaqatigiiffik najugaqartunik annertuumik timimikkut tarnimikkullu nappaatillit akisussaaffigilissavatit. Pakkutaq tunniusimalluartunik 12-nik sulisoqarpoq ataaniillutik perorsaasut, social og sundhedsassistentit, social og sundhedshjælperit ilinniarsimanngitsullu. Najugaqartut 18-66 akornanni ukioqartuullutik.

Pakkutami najugaqartut timikkut tarnikkullu piginnaasatik attatiinnarnissaanut, pitsanngorsarnissaanut ineriartortinnissaanullu annertuumik tapersersugassaapput, paarisassaallutik tungiuigassaallutillu. Aqutsisutut sulisunut pimoorussisunut ilisimasaqarluartunullu kajungissaarinikkut tamanna anguniartussaavat.

Ulluinnarni sulisoqarniarneq, illorsuup ingerlanissaa aammalu najugaqatigiiffiup ineriartortinnissaa akisussaaffigissavat. Atorfik pissanganarluinnartunik imaqarpoq kisianni aamma periarfissaalluni sulisut peqatigalugit allannguiniarneq ilisimasanillu ineriartortitsisineq. Massakkuugallartoq sulisorisagut piginnaasaqartuupput, pimoorussisuullutik ersarissumik, nutaaliortumik, takorluuisinnaasumik aqutissiusinnaasumillu ujartuillutik.

Uagut upperaarput ilisimatussuseq, assigiinngisuuseq ataatsimoornerlu siunissaq ungasinnerusoq isigalugu sulinitsinnit qulaani taaneqartut atornerini iluatsilluarsinnaalluta. Taamaammat nutaaliornerit qaqilertarnissai ingerlappagut taakkummata suliatsinnut tunngatillugu qaninnerulersitsisussat. Uagullu isumaqarluinnarpugut pikkorissorsuarnik aqutsisoqassagullu aqutsisuuneq ullormut oqaluuserisassanngorlugu qaqinneqartarnissaa!

Suliassatit:

·Najugaqatigiiffik Pakkutami ulluinnarni ingerlatsineq ineriartortitsinerlu tullersorti qanimut suleqatigalugu qulakkeernissaa

·Aqutsisoq qanilaartoq sulisunut tapersersuillunilu ineriartortitserusuttoq

·Perorsaanikkut peqqinnikkullu suliat najugaqartup qanoq issusaanut ukkartarinnittoq nukittornisarnissaa

·Illorsuup iluani avataanilu suleqatigisanut suleqatiginnissinnaasoq

·Immikkoortortatta iluani aqutsisoqatigiinnut peqataalluni tunniussaqarsinnaasoq

Naatsorsuutigivarput illit:

·Sundhedsassistentitut peqqissaasutulluunniit ilinniarsimasuutit

·Aqutsinermi misilittagaqartutit piumasaqaataanngilarli

·Pimoorussisuutitut allanngueqataanissamullu soqutiginnillutit akisussaaffeqartutillu

·Pitsaasumik attaveqariaaseqartutit akuersaartumillu aqutseriaaseqartutit

·Nukittuujusutit, alapernaattuusutit oqaloqatiginninnissamullu ammasuusutit

·Kalaallit inuiaqatiinnut piorsarsimassutsinullu ilisimasaqartuusutit

·Kalaallisut qallunaatullu oqaaseqartuusutit piumasaqaataanngilarli

Uagut tunniussinnaasagut:

·Aqutsisutut atorfik imartooq ilinniarsimassutsikkut inuttullu ineriartortitsisinnaasoq

·Annertuumik ataatsimoorfiusoq suleqatigiinnermut ilisimasanullu avitseqatigiissinnaanermut periarfissalik

·Aqutsinermut peqqissaartumik ilisarititsineq

·Ataavartumik piginnaasanik ineriartortitsinissamut periarfissiisoq

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami aqutsisoq Signe Petersen, oqarasuaat +299 58 16 67 imaluunniit e-mail: spet@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 154-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: marsip 5.-at, 2025

Atorfik una qinnuteqarfigiuk