Majoriaq Nuuk Aningaasaqarnermut siunnersortissarsiorpoq

Kommuneqarfik Sermersuumi Suliffeqarnermut Isumaginninnermullu Ingerlatsivimmit pikkorissumik aamma tunniusimasumik Aningaasaqarnermut siunnersortimik pissarsiortoqarpoq, Nuummi Majoriamut aningaasaqarnermut tunngasunik ingammik suliaqartussamik malittarisassat atuuttut naapertorlugit annertuumik ineriartorfiusumi, taamaalilluni aningaasaqarnermut siunnersorti suliassaqarfimmi ineriartortitsinermut ingerlanneqartumut nangitsinissaminut peqataasinnaavoq.

Atorfik killilimmik piffissaligaavoq 2025-p naaneranut, ulloq naallugu imaluunniit ullup ilaa suliffiulluni, Kommuneqarfik Sermersuumi Suliffeqarnermut Isumaginninnermullu Ingerlatsivimmiippoq Nuummi Majoriami, suleqatigiinnut aqutsisoq qaninnertut aqutsisoralugu.

Majoriami sulisut tamarmik naleqartitatut tunngavigisat aallaavigalugit sulipput taamaattumik atorfimmut qinnuteqartut tamarmik naleqartitanut malinninnissaat naatsorsuutigaarput.

Naleqartitat:

·Suliamik paasisimasaqassuseq - suliarisamik inissisimaffimmi sapersannginneq

·Inuiaqatigiinnut isiginninneq - suliassap suliarinerani avatangiisinik paasinninneq

·Ingerlatsineq – pingaarnertut suliassamik piviusunngortitsilluarneq

·Ataatsimut isiginnilluni paasinninneq - Majoriap aaqqissuussaaneranik ataatsimut isiginninneq

·Periusissiaq – Majoriamut siunnerfiliineq najoqqutassiinerlu

·Attaveqatigiinneq - suliffiup iluani avammullu oqaloqatiginninneq

·Ineriartorneq – inunnik, suleriutsinik suliffeqarfimmilu aaqqissuussaanermik nukittorsaaneq

·Aqqutissiuussineq – pingaarnertut suliassamik pitsaasumik sulinerinninneq.

Majoriami aningaasaqarnermut siunnersortitut sulissaatit aningaasaqarnermik, aqqutissiuussinermik suleqatigiinnermillu suliaqassallutit.

Atorfiup imaa:

·GetOrganizedimi aningaasanik tunniussinermi nalunaarsuiffinnik nutarterineq aamma naligiissitsineq

·Akissarsisitsinissat aaqqissuuttarneri naammassisarnerilu – tassunga ilanngullugit piffissaq eqqorlugu eqqortumillu akissarsititsisarnissaq

·Akissarsianut tunngatillugu tassunga ilanngullugit nikingassutit nalunaarsortarnerinut peqataasarneq.

·Kontulersuineq/naatsorsuutinut allattuineq

·Aningaasaqarnermut suliassat allat

·Oqarasuaatikkut aamma mailikkut saaffiginnissutinik isumaginninneq

·Innuttaasoq qitiutillugu atorfik nammineq aaqqissuussaq

·Kommunimi ingerlatsiviit allat suleqatigissallugit

·Allaffissornermi suliarigasuagassat assigiinngitsut Suleqatigiinnut aqutsisumit suliakkiunneqartut suleqataaffigisassallugit

Naatsorsuutigineqartut:

·Suliassaqarfiup iluani attuumassutilimmik ilinniarsimasuusutit

·Innuttaasunik oqaloqateqarninni akuersaartumik, ataqqinnittumik aamma sulianik ilisimasaqarluartumik periuseqassasutit

·Suliassaqarfitsinni suliffeqarfiit akornanni siammasissumik allanngorartumillu pilersitsisinnaassuseqareersutit

·Nammineq aamma immikkoortortami sulianut ersarissumik iluatsitsinermut uuttuutit paasissutissallu erseqqissut suliarerusukkitit

·Patajaattuusutit aamma ataatsikkut arlalinnik suliaqarsinnaassuseqartutit

·Iliuuseqarsinnaasutit aamma allanut maligassiuisutit

·Suliffissarsiuussisarfimmi kissaatinik aamma pisariaqartitanik qulaajaanermi peqataasinnaasutit

·Majoriami suliassanik ineriartortitsinermi peqataasinnaasutit

·Oqaatsit kalaallisut danskisullu atorsinnaagitit

·Nuannaartuusutit ilakkuminarlutillu

Neqeroorutigaavut:

Suliffik unamminartoq, suliat imarisaannut sunniuteqarnissamut periarfissaqartitsisoq, suliffeqarfimmi ineriartortumi allanngoriartortumilu nammineerluinnarluni annertuumik akisussaaffeqartitaaneq. Suliamut suliffimmullu patajaatsumik iseriartuaarnissaq pingaartipparput aamma suleqatigiilluartumik avatangiiseqarneq aallarniutinut isumassarsiullaqqissuunermullu inissaqartitsisut qulakkiissallugit suliniuteqartarpugut.

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Suleqatigiinnut aqutsisoq Ivalo Heilmann, oqarasuaat +299 36 81 40 imaluunniit e-mail: iohn@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 159-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: marsip 1.-at, 2025

Atorfik una qinnuteqarfigiuk