Majoriaq Nuuk piffissami killilimmik Siunnersortissarsiorpoq

Kommuneqarfik Sermersuumi Suliffeqarnermut Isumaginninnermullu Ingerlatsivik siunnersortimik pikkorissumik tunniusimasumillu pissarsiorpoq, taanna pingaartumik suliffissarsiuussinermik, suliffeqalernissap qanoq ingerlanneqarsinnaaneranik kiisalu piginnaanngorsaqqiinermik Nuummi Majoriami suliaqarusussuseqassaaq, tassani malittarisassat atuuttut malillugit suliat ineriartupiloorput taakkulusiunnersortip imatut peqataaffigisinnaassavai suliassaqarfimmi ineriartortitsinermik suliat ingerlanneqartut peqataaffigisinnaallugit.

Majoriaq sulisitsisut suliffissarsiortullu akornanni attaveqarnermik ingerlatsisuuvoq, taamaalilluni suliffissat maani najugaqavissunit inuttalerneqartarlutik. Inuussutissarsiutini sorlerni ujartuisoqarnersoq suliffissarsiortullu piginnaasaannut naapertuuttumik nassaarnissaq Majoriap tamakkiisumik isigisinnaasariaqarpaa. Suliffissarsiortut piginnaasaat amigarpata, sapinngisamik piginnaanngorsarneqassapput, piginnaasat inuussutissarsiuteqartuni pisariaqartinneqartunut naapertuuttunngorlugit.

Atorfik piffissaligaavoq 2025-p naanissaata tungaanut, piffissaq tamakkerlugu imaluunniit piffissap ilaannaa suliffiulluni, taannalu Kommuneqarfik Sermersuumi Suliffeqarnermut Isumaginninnermullu Ingerlatsivimmi, Majoriaq Nuuk, inissisimavoq, suleqatigiinnik aqutsisoq tassani qaninnertut aqutsisorineqarpoq.

Majoriami sulisut tamarmik tunngavinnik pingaartitanik tunngaveqarlutik sulipput, taamaattumillu atorfimmut qinnuteqartut pingaartinneqartunik malinnikkusuttuussapput.

Tunngaviit pingaartitat:

·Suliamik paasisimasaqassuseq – suliarisamik inissisimaffimmi sapersannginneq

·Inuiaqatigiinnik isiginninneq - suliap suliarinerani sumiiffimmi inuiaqatigiinnik paasinnissinnaaneq

·Naammassinninneq – pingaarnertut suliassap naammassilluarneqarnissaa

·Ataatsimoortumik isiginnissinnaaneq - Majoriaq ataatsimoortutut isigalugu

·Periusissiaq – Majoriaq pillugu sammiviliineq sinaakkusiinerlu 

·Attaveqatigiinneq - suliffiup iluani avammullu oqaloqatiginninneq

·Ineriartortitsineq - inunnik, suleriutsinik suliffeqarfimmilu aaqqissuussaanermik nukittorsaaneq

·Aqqutissiuussineq - suliassamik pingaarutilimmik pikkorissuseqarluni suliaqarneq.

Majoriami siunnersortitut suliassarivat sulinikkut inuusuttut inersimasullu sulilernissaminnut ilinniagaqalernissaminnullu kajumissuseqalersillugit.

Atorfiup imaa:

·JSY-nik qinnuteqaatinik sullissineq

·Napparsimanerup nalaani ikiorsiissutinik qinnuteqaatinik sullissineq

·GetOrganized-imi JSY-nik qinnuteqaatinik aqutsineq

·Suliffissarsiortunik, ilinniagaqalerusuttunik aamma pikkorissarnissamut qinnuteqaatinik suliaqarneq/ nalunaarsuineq 

·Suliffissanik innersuussinerit

·Innuttaasoq qitiutillugu suliffissarsiornermik aamma cv, siunnersuineq, ajornartorsiummik aaqqiissuteqarneq, kajumilersitsineq isumassarsiornerlu pillugit suliaqarneq

·Atorfik innuttaasoq qitiutillugu nammineerluni aaqqissuullugu atorfiuvoq

·Sulianik ingerlasunik suliaqarlunilu malinnaatitsineq

·Kommunimi ingerlatsiviit allat suleqatigissallugit

·Suliassat takkuttartut assigiinngitsut suleqataaffigisassallugit.

Naatsorsuutigineqartut:

·Suliassaqarfiup iluani ilinniagaqartutit

·Isumaginninnerup-, ilinniarnerup- aamma suliffeqarnerup iluani inatsisinik ilisimasaqassasutit

·Innuttaasunik oqaloqateqarninni akuersaartumik, ataqqinnittumik aamma suliannik tunuliaqutaqarnerit malillugu pissuseqassasutit

·Suliassaqarfitsinni suliffeqarfiit akornanni attaveqatigiinnermik siammasissumik assigiinngiiaartumillu pilersitsisinnaassuseqartutit

·Illit aamma immikkoortoqarfiup suliai pillugit iluatsittumik anguniagassanik ersarissunik paasissutissanillu takuneqarsinnaasunik suliaqarusussuseqartutit

·Tatituujusutit arlalinnillu suliaqarsinnaasutit

·Suliniuteqarsinnaasutit allanullu isumassarsisitsisinnaasutit

·Suliffissaqartitsinermik suliassaqarfimmi kissaatinik pisariaqartitsinermillu paasiniaanermut peqataasinnaasutit

·Majoriap suliassaanik ineriartortitsinermut peqataasinnaasutit

·Oqaatsinik kalaallisut qallunaatullu atuisinnaasutit

·Akuersaartuullutillu inussiarnersuusutit

Neqeroorutigaavut:

Suliffik unammillernartoq, imarisaanut sunniuteqarnissaq periarfissaqarpoq suliffeqarfimmilu ineriartortumi allanngoriartorfiusumilu immikkut akisussaaffik angisooq pineqassaaq. Pingaartilluinnarparput pitsaasumik suliassanut suliffimmullu pulatikkiartuaartitsineq, suleqatigiinnermilu atugassat pitsaasuunissaat qanimut siunnersuinikkut qulakkeerneqassasoq anguniagaraarput kiisalu suliniuteqarnissaq nutaaliornerlu inissaqartillugit.

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Suleqatigiinni aqutsisoq Ivalo Heilmann oqarasuaat +299 36 81 40 imaluunniit e-mail: iohn@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 161-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: marsip 1.-at, 2025

Atorfik una qinnuteqarfigiuk