Kontorfuldmægtig Debitorbogholderimut – Qitiusumik Naatsorsuuserivimmi (DcR)

Namminersorlutik Oqartussat naatsorsuuserivianni ingerlatsivimmi pikkorissumik naatsorsuuserisoq pisariaqartipparput

Naatsorsuuserivimmi Qitiusumik (DcR) ataatsimoorluta sulianut kajumissuseqarluartumik piginnaasalimmillu naatsorsuuserisumik pissarsiorpugut. Suliffeqarfiup debitorbogholderiani suleqataassaatit, tassani assigiinngitsorpassuarnik naatsorsuuserinermi suliassanik suliaqassallutit, ilaatigut akiligassanik aqutsineq, akiligassalinnik allattuineq, akilersuinerillu isumagissallugit.

Suliffeqarfik

Qitiusumik Naatsorsuuserivik (DcR) Namminersorlutik Oqartussat ukiumoortumik naatsorsuusiorneranut, naatsorsuutinik malinnaaviginninnernut, fakturanik akiligassanillu aqutsinermut akisussaaffeqarpoq. Tamatuma saniatigut akissarsialersuineq, kommuninut bloktilskud-it isumagalugillu, ineqarnermut inuussutissarsiornermullu tapiissutit naatsorsorneqartarput. Naatsorsuuserinermut ineriartortitsinermut immikkoortortaqarfik digitalimik ingerlatsinermut suliniutinik ingerlataqarpoq, naatsorsuuserinermut nakkutiginninneq aningaasaqarnikkullu malinnaaviginninneq pillugu immikkoortortaqarfik Webtas-imi piffissamik nalunaarsuinermi kukkunersiuinermut aqutsisuulluni.

Debitorbogholderimut suliassat pingaarnerit:

• Naatsorsuuserinermut ilitsersuut malillugu suliassanik ingerlatsineq, soorlu akiligassalinnik aqutsineq angalanermullu akiliinermut naatsorsuutinik isumaginninneq.
• Pisariaqartitsineq tunngavigalugu akiligassanik nassiussineq, akiligassanik akiliinermut killiliussanik malinnaaneq, akiligassanik akiliinngitsoortunik malersuinissaq.
• Akiligassanik IRIS aqqutigalugu, e-Boks imaluunniit Nets atorlugit nassiussisarneq, suliffeqarfiup immikkoortuini suleqatigalugit.
• Suliffeqarfiup IT-systemii atorlugit akiligassanik nalunaarsuineq, naatsorsuuserinerlu.
• Akiligassanik akiliinerit debitorinut nalunaarsorneqarnissaat, naatsorsuutit assigiinnissaanik qulakkeerinninneq sullitanik suleqateqarluni.
• Akiliisitsiniartarfimmut akiligassanik akilerneqanngitsunik nalunaarsuineq, debitorinut attuumassuteqartunik malinnaaneq.
• Angalanermi akiliinermut Acubiz-mut aammalu debitorinut tunngatillugu immikkoortunut ikiuunneq.
• Naatsorsuuserivimmi akiligassanik naatsorsuusiorneq naligiissaarinerlu.

Piginnaasat:

• Naatsorsuuserinermi attuumassutilimmik ilinniagaqarneq.
• Naatsorsuuserinermi misilittagaqarneq.
• Suliffiup iluani assigiinngitsunik tunuliaqutaqartunik suleqateqarnissamut siunnersuinissamullu piumassuseqarneq.
• Naatsorsuuserinermut IT-systeminullu soqutigisaqarneq piginnaasaqarnerlu.
• Naatsorsuuserinermut systeminik ilisimasaqarneq iluaqutaassaaq – piumasaqataanngilarli, ilinniartitsisoqassaaq.

Neqeroorutigaavut:

• Suliffik pissanganartoq unammillernartorlu.
• Piginnaasanik inuttullu ineriartornissamut periarfissalik.
• Suliassanik assigiinngisitaartunik annertuumik sunniuteqarfigisinnaasatit.
• Suleqatit pikkorissut piumassusillillu.

Qinnuteqaat:

Atorfimmut soqutiginnikkuit, qinnuteqaatit CV-lu uunga nassiutikkit. Tusarfiginissat qilanaaraapput!

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk