Isumaginninnermi Aqutsisoqarfik isumaginninnermi siunnersortinik 3-nik, meeqqanut inuusuttunullu suleqatigiittartunut, januari 2026 naanissaata tungaanut killimmik, inuttassarsiorpoq

Meeqqanut inuusuttunullu susassaqarfinni pissagaqartumi sulianik suliarinnittarnermi suliaqarusuppit, tamatuma avataatigut aamma meeqqanut suliassat suliarisarnerani periarfissaqarlutit sulianik suliarinnittartut allat, suliaqartarnernut tunngatillugu tapersersorsinnaallugit?

Meeqqat, Inuusuttut pillugit suliniartartut Isumaginninnermi Aqutsisoqarfimmi Sullissisunik Siunnersuinermut Immikkoortortaqarfiup ataaniittuupput, taakku nuna tamakkerlugu kommuninut suliani suliaqartarnermi tapersersuisartuupput, ilaatigut siunnersuinermi, ilitsersuinermi aamma suliami suliarinnittarnermi ilitsersuutinik suliaqartarnikkut, sakkunillu sullissinermi ineriartortitsinikkut, kiisalu pikkorissartitsinerit aamma issiaqatigiilluni ilinniartitsinerit aamma toqqaannartumik isiginnaarutikkut saqqummiinerit. 

Naalakkersuisut kommunip ingerlatsinera isumaginninnermi aaqqissuussaanikkut tunngaviit ilaannakortumik atorunnaarsinneqarnerallarneranut atatillugu, tamatuma ataani Meeqqat tapersersorneqarnissaanut inatstk, piffissami qanittumi aamma suleqatigiit Kommune Kujallermi meeqqat aamma inuusuttuaqqallu susassaqarfianni suliami suliarinnittarnermi suliassaqarfinni peqataasariaqalersimapput.

Taamaattumik Meeqqanut inuusuttuaqqanullu susassaqarfimmi, piffissami januarip 2026 naanissaata tungaanut killilimmik isumaginninnermi siunnersortinik atorfinnut 3-nik sulisussarsiorpugut, sivittorneqarnissaanut periarfissalik.

Atorfinni naatsorsuutigineqarsinnaavoq arlaleriarluni angalasarnissaq, angalanerni nammineq aalianngersinnaavat, suminngaaniit iluarinerugit - sulerusunnerlutit.

Atorfiit pillugit:

Suleqatissagut 3-t Kommune Kujallermi sulinermi, piffissaq ilivitsoq imaluunniit piffissani aaliagersimasuni, suleqataasassapput.

Kommune Kujallermut suleqatigiit suliniuteqartut allanik suliassaqanngillat, suliassallu tamarmik Kommune Kujallermi sulinermi akuussallutik. Aallaaviusumik sulineq ilaannakortumik Kommune Kujallermi ingerlasarpoq, Kommune Kujallermiittoqartarpoq sap. ak. 3-kaarlugit taavalu angerlartarlutik sap ak. 2-kaarlugit tassanilu avasissumiik suliassat ingerlaterujoorneqartarlutik.

Nuummi Isumaginninnermi Aqutsisoqarfik allaffeqarput, kisianni atorfinnut killilimmik qinnuteqartussanut piumasaqaataanngilaq, kommune kujallermi sulineq nuummukartarnermik ilaqassasoq, taamaattumik sumi najugaqaraluaraanniluunniit qinnuteqarusuttut tikilluaqqusaapput.

Suleqatit Kommune Kujallermi ilaannakortumik suleqataasut, piffissami suleqatit kommune kujallermi ullu tamaat sulisartut assigalugit sulisassapput, soorlu assersuutigalugu feriani.

Suleqatissarput Kommune Kujallermut suleqatigiinnut peqataalernissaanut ullut naallugu imaluunniit piffissani aaliagersimasuni sulillernissaat eqqarsaatigalugu, apeqqutaapput qinnuteqartup piginnaasai aamma misilittagai, soorlu aamma piumanerusat. 

Suliassatit:

• Ingammik, soorlu isumaginninnermi sulianik misissuinerit aamma iliuusissatut pilersaarusiornerit, imaluunniit angerlarsimaffiup avataanut inissiisarnerit immikkut ukkinneqassapput, Meeqqat aamma inuusuttuaqqat susassaqarfiini suliani suliaqarnerni.
• Suliat pillugit ataatsimiinnerni akuullutillu, tapeeqataasarneq.
• Nalunaarsuiffinnut nalunaarusiornissamut assigisaannillu suliani akisussaaffinni allatuisarneq.
• Meeqqanik aamma angajoqqaanik oqaloqateqartarneq ingerlattarnissaat.
• Akimortumik suleqatigiinnermut peqataaneq.
• Angerlarsimaffiup avataanut inissinneqarnikunut inummik aaliagersimasumik nakkutiginninneq
• Malittarisassanik ingerlatseriaatsinillu ineriartortitsinermi suliaqarnermilu peqataaneq

Sullissisunut Siunnersuisarfimmi piffissani sulisaleruit, sullissisunut siornersuisutut, taava aamma suliassatit uku ilaassapput:

• Mail-kut aamma oqarasuaatikkut nakkutiginnittuunermik aaqqissuussinermi peqataaneq
• Sullissisunut aamma meeqqanut inuussuttunullu suliarpianut tunngasuni aqutsisunullu siunnersuinerit ilitsersuinerillu.
• Onlinikkut saqqummiinissani piareersaaneq aamma ingerlatsineq
• Allaffissorneq, suliassallu takkussuuttut isumaginissaat.
• Assersuutigalugu pikkorissaasarneq, saniani ingilluni pikkorissaanissap/-neq ingerlattarnissaat, assigisaallu
• Suliniutinut aamma ineriartortitsinermut suliassani assersuutigalugu ataqatigiissaarisoq, soorlu ilitsersuutinik suliaqarneq imaluuniit meeqqani inuusuttuaqqanilu suliassaqarfimmi suliani suliarinnittartunut suliaqarnermi sakkussanik suliaqarneq.

Ilinnut tunngasut

Meeqqani aamma inussuttuaqqat susassaqarfiini suliamikkut inuit nukittuut pingasut sulisinnaasut misilittagallit ujartorpagut, aamma nammineq ilinniagaqarsinnaanermut misilittagaqaruit iluaqutaassaaq.

Taakkua saniatigut atuisutut IT-imik atuilluarsinnaanerit pingaartinneqassaaq.

Takorloorparput tassaasutit inuk ammasoq, eqinnaatsumik suliassanik assigiinngiiaartorpassuarnik suliarinnissinnaasoq, namminersorluni sulisinnaasoq, suliat immikkuualuttortaannut tappissoq, aammattaaq pingaartipparput suleqatinnut avitseqatigissinnaanissat, aamma suliffimmi pinasuartumik ikiorneqarnissamik pisariaqartitsiffiulertartumi sulisinnaanissat.

Naatsorsuutigaarput illit:

• Isumaginninnermut Siunnersortitut ilinniarsimasuunissaq
• Meeqqanik inuusuttunillu sulissinermik misilittagalik; matumani isumaginninnermi sulianik misissuinermik aamma iliuusissatut pilersaarusiornermik misilittagalik.
• Meeqqat inuusuttuaqqallu suliassaqarfiup iluani pikkorissoq, meeqqat pillugit suliatigut periutsinik sakkutigullu ilisimasalik.
• Qarasaasiamik atuinermi ilisimasalik ajungilaq Get Organized ilisimasaqarfigigukku, soorunami aamma taanna ilinniartinneqarfigineqarsinnaavoq.
• Meeqqat tapersersorneqarnissaannut Inatsisartut inatsisaanik ilisimasaqarluartoq.
• Suliassaqarfiit assigiinngitsut suleqatigiinneriniit misilittagaqarluartoq.
• Ataqatigiissaarinermi aamma pilersaarusiornermut pikkorissoq. 
• Suleqatigiinnermut pikkorissusilik, inoqatinnut akuersaartumik nukissallu qitiutillugit isummersuisinnaasoq.
• Attuumassuteqarfinnik pilersitsinissamut allanngutsaaliuinermullu pikkorissoq.
• Aaqqissuulluakkamik ilusilersugaasumillu sulisartoq aaqqiissutissarsiortartorlu.
• Suliassat naammassillugit suliarineqarnissaanni akisussaaneq.
• Ilinniartitsillaqqissoq.
• Kalaallisut dankisullu tamakkiisumik oqaasilik.

Uagut neqeroorutigaavut:

Suliaq isumalerujussuaq, kommunimi meeqqat inuusuttuaqqat susassaqarfiini suleqataanikkut kivitseqataanermi peqataalerfigisinnaasat, siornatigut suliniutip ilaattut Kalaallit Nunanni taamatut ingerlanneqanngisaannarnikoq, kiisalu meeqqat aamma inuusuttuaqqat susassaqarfiini sutigut tamatigut peqataaffigisinnaallugu suliani suliaqarnermi nukittorsarnissaanut. 

Suliami suliaqatigiittartuni atorfik tamatigoortoq assigiinngitsunik pissanganartunik suliassaqarfiusoq, suleqatit susassaqarfitsinni misilittagalerujussuit, suleqatit pikkorissut suliaminni annertuumik misilittagallit immikkoortortaqarfimmi illaqatigiinnermik inissalik.

Taakkua saniatigut makkua pissarsiarissavatit:

• Sulisut suliatigut nukittuut, sulinitsinni piffik tamaat immitsinnut isumasioqatigiittarnissaq ikioqatigiittarnissarlu pingaartitaralutigit.
• Aqutsisoq suliatigut illit piginnaasannik tatiginnittoq, piviusorsiortunik piumasaqaateqartartoq illillu ineriartornissannik salliutitsisoq.
• Suleqatit pitsaasut peqatigiilluartarnissamik pingaartitsisut - aamma ulapaaraangatta.
• Persuarsiunngitsumik attaveqaqatigiinneq, namminerlu sulinermut sinaakkusersuinermut sunniuteqarsinnaaneq.

Uagut pilluta

Sullissisunik siunnersuisarfimmi assigiingitsunik isumaginninnikkut suleqatigiit, kommunit meqqanut inuusuttunullu, innarluutilinnullu isumaginninnikkut suliaqarneranni tapersersortarpaat. Meeqqanut aamma ilaqutariinnut Sullissiviit, Ilaqutariit illui, aamma ilaqutariinni aqqutissioqatigiissitsineq kommunini tamatuma sanitatigut tapersersortarpagut, kiisalu angajoqqaarsiat pikkorissartarnissaat, aaqqissuussaanikkullu allanngortoqarnerani siunissami Qitiusumik Ikiuigasuarnissamut Upalungaarsimasunut ataqatigiissaarisuussaagut.

Isumaginninnermut Aqutsisoqarfik aqutsisoqarfiuvoq Meeqqanut, Inuusuttunut Ilaqutariinnullu Naalakkersuisoqarfiup ataaniittoq. Isumaginninnermut Aqutsisoqarfik immikkoortortaqarfinnut arfineq-marlunnut agguataarneqarpoq: Pitsaaliuinermut immikkoortortaq Paarisa, Aningaasaqarnermut immikkoortortaqarfik, Ulloq Unnuarlu-, Inissitsiterinermullu immikkoortortaq, Meeqqat ineriartornerannut immikkoortortaqarfik, Sullissisunut Siunnersuisarfik, Innuttaasunik toqqaannartumik sullissivik aamma Allattoqarfik.

Atorfik Sullissisunut Siunnersuisarfimmi inissisimavoq.

Meeqqat inuusuttuaqqallu, ilaqutariit, innarluutillit aamma angajoqqaarsiat, ilaqutariinnik siunersiueqatigiitsitsisartut saniatigut immikkoortortaqarfik 4-nik suliniutini aqutsisoqarpoq, inatsisileritooq aamma immikkoortortaqarfimmi pisortaq. Tamatuma saniatigut Pississarfik immikkoortortaqarfiup ataaniippoq.

Ulloq atorfiniffissaq

1. marsip 2025 isumaqatigiissuteqarnikkulluunniit.

Qinnuteqarnissamut killigititaq 21. februari 2025 nal. 12:00 (Kalaallit Nunaata kitaani nalunaaqutaq malillugu)

Atorfinitsinneqarsinnaasunik oqaloqateqartarnerit ingerlaavartumik pisassapput

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Suleqatit Nuuminngaanniit Isumaginninnermi Aqutsisoqarfimmiit sulerusuttunut, atorfininnermi soraarnermilu angalanerup akilerneqarnissaa periarfissaavoq.

Taamaakkaluartoq atorfiit tamarmik periarfissaqarput sumiiffimmiik - suliffimmiinngikkaluarluni - sulisinnaneq.

Piffissaq suliffiusussaq aallaaviusumik tassaavoq sapaatip akunneranut akunnerit 40-t.

Piffissap ilaani arlalinnik angalasarnissat naatsorsuutigineqassapput.

Sullissisunut Siunnersuinermut Immikkoortortamut ilaannikkut ulluinnarni sulianut arlaat sulisassanersoq aaliagerneqarnera qinnuteqaatit suliarineqarnerata nalaani aalajangerneqassaaq, atorfinitsitinermullu neqeroorut atorfimmut aaliagersimasumut tungassuteqassaaq. 

Qinnuteqaaterni suna orniginartinnerungit allaguk Kommune Kujallermi team-imut sorlermut ullu naallugu imaluunniit ilaannakortumik suleqataalerusunnerullutit.

Najugaq

Nuummi atorfinni pingasuni marluk inimik neqeroorfigineqarsinnaapput.

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq.

Paasissutissat allat

Atorfik pillugu paasissutissat sukumiinerusut pisariaqartikkukkit Immikkoortortaqarfimmi pisortagallartoq Ellen Bækgård attaveqarfigisinnaavat oqarasuaammut uunga: +299 34 67 63 imaluunniit mail-imut uunga allaffigalu elba@nanoq.gl.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk