Qatserisartut upalungaarsimanermik pilersaarusioqataasussamik suleqatissarsiorput
Kommuneqarfik Sermersooq/Qatserisartut Sermersooq
Qatserisartut upalungaarsimanermik pilersaarusioqataasussamik suleqatissarsiorput, atorfik nr. 106-25
Kommuneqarfik Sermersooq ineriartupiloorfiuvoq, upalungaarsimasunilu malinnaavugut.
Takorluugarput tassaavoq Kommuneqarfik Sermersooq "Najugarissallugu suliffigissallugu isumannaatsuussaaq". Taamaattumik kommunimi inatsisit malillugit suliassanik naammassinnittussaanerput pingaarnerpaatipparput, upalungaarsimanermullu pilersaarusiortumik aalajangersimasumik atorfeqartussamik pissarsiorluta.
Kommunitut illoqarfittut pingaarnersaqarfiunerup saniatigut aamma Nunatsinni kommunini annersaavugut, nunami annertoorujussuarmiilluta. Nuummut nutsertut amerligaluttuinnarnerat, umiarsuit takornariartaatsit tikittartut amerligaluttuinnarnerat nutaamillu mittarfittaarnissaq soorunami upalungaarsimasunut sillimaniarnerulersitsinermik kinguneqarpoq aamma kommunimi ajunaarnersuarmi ”ingerlatsinerup ingerlaannarnissaanut” pilersaarusiorneq eqqarsaatigalugu.
Upalungaarsimasunit qitiutinneqarpoq, siunertarineqanngitsumik pisoqartillugu kommunimi aaqqiissuussaanermi ingerlatsinerup ingerlaannarnissaanut najoqqutassaliornissaq.
Kommunimi illoqarfiit pingaarnersaqarfilimmi upalungaarsimasutut nuna tamakkerlugu oqartussanik kiisalu naalagaaffeqatigiinnermi oqartussaasunut suleqatigiinni pingaarutilittut inissisimavugut. Taamaattumik aaqqissuussaanerit assigiinngitsut akornanni annertuumik kalluaaveqartassaatit.
Suliffeqarfimmi sukangasuujunngitsumik aqutsineq, nammineq akisussaaffeqarneq ulluinnarnilu annertuumik sunniuteqarsinnaanissamik neqeroorfigisinnaavatsigit. Qangatut aqutseriaaseqarneq orniginngilarput, namminerli aqutsisinnaaneq iluarinerullugu.
Suliassatit makkuupput:
·Suliniutinik aqutsineq
·Suleqatigiinnut sullissineq
·Oqariartuutigineqartussanik saqqummiussisarneq
·Upalungaarsimanermut pilersaarusiortoq/Ingerlatsinerup attatiinnarneqarnissaanut pilersaarut
·Actioncardinik suliaqarneq
·GIS-imik suliaqarneq
·Ilinniartitsineq sungiusaanerlu
Naatsorsuutigaarputtaaq, illit:
·Misissueqqissaarlutit sulisinnaasutit
·Ataatsimoorussamik ineriartortitsinitsinnut peqataarusuttutit
·Suleqatitsinnut annertuumik kiffartuusserusussuseqartuusoq
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.
Ajunaarnersuaqarnissamut aarlerinartunillu aqutsinissamik ilinniagaqarsinnaavutit, annaassiniarnissamik upalungaarsimanermi ilinniagaqartutit imaluunniit suliassaqarfimmik soqutiginnittuullutit.
Suliassaqarfimmut tunngasunik piginnaasaqaruit, upalungaarsimasuni suliaqarnissamut akuusinnaassaatit.
Isumannaallisaanermi akuerineqarsimaneq:
Atorfimmut atasumik HEM-imut atasumik isumannaallisaanermi akuerineqarsimaneq piumasaqaataavoq.
Akunnerit suliffiit:
Sapaatip-akunneranut akunnerit 40-t aalajangersimasumik suliffik. Ilaanni suliffiup piumasarippagu piffissat suliffiusut nikingasinnaasarput aamma sivisunerusumik sulisoqarsinnaasarpoq.
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.
Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Upalungaarsimanermi pisortaq Jes D. Andersen, mobil +299 54 09 66 imaluunniit e-mail: jdan@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 106-25 -mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: februaarip 21.-at, 2025