Namminersorlutik Oqartussat Nutserisoqarfiat nutserisunik marlunnik sulisussarsiorpoq
Atorfimmi ulloq sulilerfissaq 1. marts 2025 isumaqatigiissuteqarnikkulluunniit
Atorfik pillugu
Kalaallit Nunaanni Namminersorlutik Oqartussat nutserisoqarfiata oqaluttaasarnermi nutserisarnermilu suliassat suliarisarpai, taakku ilagalugit Namminersorlutik Oqartussat qitiusumik allattoqarfiani toqqaannartumik oqaluttaasarnerit. Amerlanertigut danskisuumiit kalaallisuumut illuatungaanullu nutserisarnerit ingerlanneqartarput assersuutigalugu inatsisissatut siunnersuutit, naalakkersuisut isummernissaannut tunngavissiat, nalunaarusiat annertunerusut, inatsisartut ataatsimiinnerini atortussat kiisalu naalakkersuisoqarfin-nit/aqutsisoqarfinnit allakkat isaasut aniasullu nutserneqartarlutik.
Tamatuma saniatigut suliffiup iluani suliassanut annerusunut kukkunersiuinerit suliarineqartarput. Nutserisup piginnaasaai apeqqutaallutik tuluttuumiit kalaallisuumut nutsigassaqartarsinnaavoq, aammalu ataatsimiinnerni, isumasioqatigiittarnernilu assigisannilu kalaallisuumiit kalaallisuumullu toqqaannartumik oqaluttaasarnerit.
Nutserisoqarfiup sulinermut tunngatillugu periuseq nutaaq kiisalu nutserinermut atortussiaq elektronikkiusoq periuseq/nutseriik-kanik eqqaamannilluni atueqqissinnaasoq atulerpaa, taannalu nutarterlugu aaqqissuussimallugu, taamaasilluni nutserisut suliaqartarnerannik nutaamik aaqqissuussisoqarluni. Teknikkikkut pitsaassutsimillu isumannaarinninnissamut suleqatigiinnik aammalu nutserisoqatigiinnik/ toqqaannartumik oqaluttaaqatigiinnik pilersitsisoqassaaq suleqatigiinnullu kingulliullugit eqqaaneqartunut inuttassarsiusisoqarluni.
Naatsorsuutigaarput
Nutserisutut ilinniagaqarsimanissat suleqatikkimunartuusasutillu aamma ulapiffiup nalaanni.
Akissarsianut – atorfinitsitaanermilu atugassarititaasut
Aallaavittut isumaqatigiissutit naapertorlugit atorfinitsitsisoqassaaq, qinnuteqartunut Kalaallit Nunaanni pisortani atorfinni tjenestemanditut atorfeqareertunut atorfinitsitsineq tjenestemanditut pisinnaassaaq.
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarneranut Kalaallit Nunanaanni Namminersorlutik Oqartussat kattuffiullu isumaqatiginninniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Suliffiup sivisussuserivaa 40 tiimit sap. akunneranut.
Ineqarneq
Atorfinnut atatillugu inissaqartitsisoqanngilaq.
Paasissutissat allat
Atorfik pillugu annertunerusumik paasisaqarusukkuit attavigissallugu tikilluaqquneqarputit Allaffimmi pisortaq Ole Birch, 345801 imaluunniit mailikkut:olbi@nanoq.gl
Kalaallit Nunaat Namminersorlutilli Oqartussat pillugit annertunerusumik paasisaqarusukkuit, annertunerusumik atuarsinnaavatit ugguuna www.nanoq.gl, suliffiit ataanni.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job