Fakta
Atorfiup suussusaa: AC-fuldmægtig imaluunniit immikkut ilisimasalittut siunnersorti
Suliffeqarfik: Socialstyrelsen
Qinnuteqarfissamut killigititaq: februaarip 21.-at, 2025 12:00
Attavissaq: Ellen Bækgård oqarasuaat +299 520319 imaluunniit e-mail elba@nanoq.gl
Kalaallit Nunaanni tamani Meeqqanut ilaqutariinnullu sullissivinni aamma Ilaqutariinnut Illuni tapersersueqataarusuppit? Piginnaasatigut nukittuujuit, sulianik sulinermut misilittagaqarpit aamma ilisimasanik siammarterillaqqippit? Taava imaassinnaavoq illit ujaritsigit!
Sullissisunik Siunnersuisarfiup Immikkoortortaqarfia piginnaasatigut assigiinngitsuti-gut suleqatigiiupput, taakkualu kommuunit Meeqqanut aamma Inuusuttuaqqanut, Innarluutilinnut aammalu Ilaqutariit paarsisartunut suliani tapersersuisarput. Taassumap avataatigut tapersersortarpagut Meeqqanut Ilaqutariinnullu sullissiviit, Ilaqutariinnullu Illut, aamma Ilaqutariinnut Aqqutissiueqatigiinnerit, kiisalu angajoqqaarsianngorniartunik pikkorissaasarnerit. Immikkoortortaqarfiup aaqqissuuteqqinneqarneranut atatillugu Upalungaarsimanermut sillimasutut tunngatillugu aammattaaq ataqatigiissaarisutut suliaqartassalluta.
Suliagut annerusumik kommuuninut attuumassuteqarput, taakkuullutillu annerusumik suleqatigisartakkagut, aamma taamatut ittarluni Meeqqanut Ilaqutariinnullu sullissivinnut aamma Ilaqutariinnut illunut tunngatillugu.
Illit suliassat:
Atorfik pineqartoq nutaajuvoq matumani Isumaginninnermut Aqutsisoqarfiup tapersersuinera aamma siunnersuisarnera nukittorsarniarlugu, taakkualu Meeqqanut aamma Ilaqutariinnut sullissiviit aammalu Ilaqutariinnut illunik neqerooruteqar-tarnitsinnut nukittorsaalluta.
Nalunaarutip sulinermi sinaakkutissat aaliangersaqqavaai, aamma kommuunit suliassaannik ingerlatsinerat pillugu malinnaavigissavatit nalunaarutip sulinermi atuutitinneqarneranut siunertat, kiisalu suut amigaataanersut nalunaarummi kommuninik tapersersuinissaut amigaataanersut qulaajassallugu.
Isumaginninnermi Aqutsisoqarfik ukiumoortumik workshop-imik ingerlatsisarpoq Meeqqanut Ilaqutariinnut sullissivinnut aammalu Ilaqutariinnut Illunut, tassanilu aamma illit pingaarutilimmik qitiusutut inissisimassallutit.
Taassumap saniatigut nuna tamakkerlugu suliatigut avitseqatigiinnermik aamma siunnersuinermik sulisunut aqutsisunullu ingerlatsisinnaavutit, annermik nalunaarut pillugu, taannalu atuutitilerneqartoq januar 2024-mi. Taassumap avataatigut suliassat (AD-HOC) aammalu allaffissornikkut suliassanik suliaqartassallutit.
Ujarparput
Atorfinittussatut naleqquttoq unaavoq, ilinniakkatigut naleqquttumik tunuliaqutalik isumaginninnermut suliani, kiisalu ineriartortitsinermut- aammalu suliniutinik suliaqarnermut misilittagaqarneq.
Takorloorparput ukunani imminut ilisarisinnaasutit:
- Suliniutinik aqutsinermik misilittagaqarneq, ilaatigut suliniutitigut arlariinnik aningaasaliisimasunik aammalu allanik suleqateqarnernik misilittagaqarneq.
- Suliniutini sutigut tamatigut suliaqarsinnaaneq, ineriartortitsinermiit aammalu nalilersuutinik allaaserinninnermi.
- Isumaginnittoqarfimmut sulianik misilittagaqarneq aammalu susassaqarfiit arlaariit akimorlugit suleqateqarsinnaaneq.
- Nalilersuisinnaaneq, sullerinneq aammalu sulinermini periusissiaqareersinnaaneq.
- Illugiilluni avitseqatigiissitsilluarsinnaasoq, ilisimasaminillu agguaassisinnaasoq
- Ataqatigiissaarinermik misilittagaqarluni aammalu suleriaatsinik ineriartortitsinermik suliaqarsinnaalluni
- Misilittakkanik katersinermik misilittagaqarneq, nalilersuinernik, atuutilersitsinermik aammalu data-nik katersinermut misilittagaqarneq
- Soqutigisallit arlariinnut aaqqissuussanut suliaqarnermik misilittagaqarneq
- Namminerisamik sulisinnaalluni, akisussaaffimmik tigusisinnaalluni aammalu suliniutinik ingerlatsisinnaalluni
- Politikkikkut aaqqissuussami ingerlatsinermik misilittagaqarneq
- Allaffissornikkut nukittuujuneq aammalu oqaasissiullaqqittuuneq, sulianut mikisunut aammalu annertuunut.
- Qaffasissumik ilinniagaqartuuneq, ass.cand.soc., cand.mag., cand.pæd. assigisaannilluunniit. Susassaqarfimmili annertuumik ilisimasaqarfigigukku aammalu misilittagaqarfigillugu, tamannali piumasaqaataanngilaq.
Neqeroorutigaarput
Suliffik pingaaruteqarluartoq, tassanilu illit qitiussallutit Meeqqanut Ilaqutariinnullu sullissivinnut aamma Ilaqutariit Illuanni aammalu suliaq tamanna ilaqutariinnut eqqorneqarsimasunut nuna tamakkerlugu suliaqarfigissallugu. Atorfik nutaatut inuttassarsiussaavoq aammalu suleriutsini sunniuteqaqataasinnaanerit periarfissaalluassalluni.
Suleqatit pikkorissut, misilittagaqarluartut sulinikkut susassaqarfinni assigiinngitsuni immikkoortortaqarfinnilu, kiisalu illaqatigiilluarsinnaasarluta.
Suleqatigiit sisamaasut Meeqqanut aamma Inuusuttuaqqanut, Innarluutilinnut, Ilaqutariit paarsisartut tungaatigut kiisalu Ilaqutariinnik siunnersuinermik suliaqartut avataatigut taava projektledereqarpoq ataatsimik, inatsisileritooq aammalu immikkoortortami pisortamik atorfeqartoqarpoq.
Ilaqutariinni aqqutissioqatigiinnernik sulialinni suleqataassaatit, taakkualu Meeqqanut Ilaqutariinnik sullissivinnik aamma Ilaqutariinni illunik ilisimaarinnittuullutik aammalu misilittagaqarfigilluarlugit susassaqarfik taanna.
Immikkoortortaqarfimmi annerusumik kalaallisut oqaaseqartuuvugut, taamaattumillu kalaallisut paasisinnaaguit iluaqutaassalluni, taamaattorli pitsaasumik misilittagaqarfigaarput oqaatsinik marluinnik atuisinnaaneq aammalu immitsinnut ataqqilluta pisarluta, taamaattumillu piumasaqaataanani.
Isumaginninnermut Aqutsisoqarfik
Isumaginninnermut Aqutsisoqarfik immikkoortunut arfineq marlunnut aggulunneqarsimavoq: Pinaveersaartitsinermik immikkoortortaqarfik Paarisa, Aningaasaqarnermut immikkoortortaqarfik, Ulloq Unnuarlu Inissitsiterinermullu Immikkoortoqarfik, Meeqqat ineriartornerannut immikkoortortaqarfik, Sullissisunik siunnersuisarfiup immikkoortortaqarfia, Innuttaasunut sullissinermi immikkoortortaqarfik aammalu allattoqarfik.
Atorfik Sullissisunik Siunnersuisarfiup immikkoortortaqarfianiippoq. Isumaginninnermik Aqutsisoqarfik - Meeqqanut Inuusuttuaqqanullu Naalakkersuisoqarfiup ataaniippoq.
Atorfiniffissap ullua
April-ip aallaqqaataa 2025 imaluunniit isumaqatigiissuteqarnikkut.
Qinnuteqarnissamut killissarititaq tassaavoq ulloq 21. februar 2025 nal. 1200.
Atorfinitsitsinissamut ataavartumik oqaloqatiginnittarpugut.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Paasissutissat annerusut
Atorfimmut tunngatillugu annerusumik paasisaqarusukkuit, taava attavigisinnaavat immikkoortortami pisortaagallartoq, Ellen Bækgård oqarasuaat +299 520319 imaluunniit e-mail elba@nanoq.gl atorlugu.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job
Qinnuteqaat nassiuguk
