Piginnaanngorsarnermut qitiusoqarfik aqutsisussarsiorpoq
Inunnut innarluutilinnut tarnimikkullu nappaatilinnut immikkoortortaqarfik pikkorissumik tunniusimasumillu piginnaanngorsarnermut qitiusoqarfiup aallartisarnissaanut ingerlannissaanullu aqutsisussarsiorpoq. Aqutsisutut sulineq misilittagaqarfigaajuk aamma najugaqartut pillugit allanngueqataanissat uummateqarfigiviuk, taava illerpiaq aqutsisussatut amigaatigaatsigit.
Nuummi piginnaanngorsarnermut qitiusoqarfimmi aqutsisutut atorfik piffissaq tamakkerlugu sapaatip akunneranut 40 tiimit atorfiuvoq. Annerusumik ulluunerani sulineq pisassaaq. Aqutsisutut suliassat suliassaqarfimmi siunnersortit, aqutsisut aamma fagchefi qanimut suleqatigalugit suliarisassavatit.
Sumiiffimmi innuttaasut piginnaasakillisimasut nalinginnaasumik ilinniartitaanikkut ingerlataqarsinnaanngitsut imaluunniit imaaliallaannaq suliffeqarnerup iluani sulilersinnaanngitsut piginnaanngorsarnissaannut neqeroorutinik pilersitsiviginissaat piginnaanngorsarnermut qitiusoqarfiup siunertaraa. Ukiumoortumik ingerlatsinissamut innuttaasut piginnaasaasa annertusarneritigut nammineersinnaallutik inuuneqalernissaannut periarfissat suliffeqalernissaannullu imaluunniit ilinniagaqalernissaannut periarfissat annertusarlugit neqerooruteqarnissaq takorluugaavoq.
Piginnaanngorsarnermut qitiusoqarfimmi immikkoortut pingaaruteqarluinnartinneqartut makkuupput:
Inuit namminneq inuunerminni atugarisaminnut tunngasumik tarnimikkut pissutsinik ilinniarnermik ingerlatsiffigineqassapput, inuttut piginnaasanik atuartinneqarlutik aamma sammisanik suliffissaqarnermut tunngasunik ingerlatsillutik.
Innuttaasut piginnaanngorsarnikkut naleqquttumik ineriartornissaat neqeroorfigisinnaaniassagassigit peqataanillu suliffeqalernissaannut, ilinniagaqalernissaannut allatigulluunniit suliaqarnissaannut pingaaruteqarluinnartuunissinni suleqatitit peqatigalugit piginnaanngorsarnermut qitiusoqarfik aallartisarlugulu ineriartortitassat. Sulisut sisamat missaaniittut akuuffigilissavatit, perorsaanermut imaluunniit peqqinnissamut tunngasunik ilinniagallit imaluunniit ilinniagaqanngitsut.
Qanilaartumik aqutsisuussaatit, pisariaqartinneqarfiani siuttuunissamut qunusuitsoq. Najugaqarfiit akornanni aqutsisoqatigiit ataatsimoorfiannut patajaatsumut aamma peqataassaatit, tassani aqutsisoqatitit aamma fagchefi peqatigalugit suliassaqarfiup ineriartortinneqarnera siunnerfilissavarsi.
Suliatigut piginnaasat, assigiinngissuseq, ataatsimoornerlu suleriaatsimik siunissaq ungasinnerusoq eqqarsaatigalugu kivitsinissamut pingaaruteqartut upperivarput. Taamaattumik suliniutinik siunnerfeqarluarluta suliatigut uatsinnut qaninnerulersitsisussanik suliaqalereerpugut. Pikkorissunik aqutsisoqassagaanni aqutsisuuneq oqaluuserineqarsinnaasariaqartoq upperaarput!
Naatsorsuutigaarput:
∙Aqutsisutut misilittagartuujusutit, inuit imminnut atorluarsinnaanerinik eqqumaffiginnittoq
∙Suliatigut patajaatsumik toqqammaveqartutit, peqatigalutalu ineriartortinnissaanut soqutiginnittutit
∙Oqaloqatiginniffiusumik sulisunillu peqataatitsillutit aqutseriaaseqartutit
∙Attaveqaqateqarnermut piginnaaneqarluartutit, immikkoortortamilu suliffeqarfiup iluani avataanilu suleqatigiinnerup patajaallisarnissaata pingaaruteqassusaa takusinnaagit
∙Kalaallit inuiaqatigiit kulturilu pillugit ilisimasaqarluartutit
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.
Inuttut:
∙Tunngaviusumik allaanerussuseqarneq ataatsimoornerlu nukittut isigissagitit
∙Tatituujusutit oqaloqatiginnissamullu kaammattuisartutit
∙Paasisaqarusussuseqarnissat, alapernaatsuunissat allallu isiginnittaasiinut akuerinnittuunissat
Uagut pilluta:
Atorfimmi pineqartumi ataatsimooqatigiinnermi annertuumi peqataalissaatit: Immikkoortoqarfiuvugut arfineq-pingasunik najugaqatigiiffeqartoq, tallimanik ataatsimut najugaqatigiiffeqartoq, marlunnik sammisassaqartitsinermut ataatsimooqateqartitsinissamullu neqeroorutilik, oqilisaassinermut neqeroorutilik, tapersersorteqarfinnut pingasunut Nuummi, Tasiilami Paamiunilu agguataarsimasut kiisalu ataqatigiissaarisumik inunnut innarluutilinnut immikkoortortalik.
Immikkoortoqarfimmi annertuumik ineriartortitsiffiusumi pissanganartumilu atorfimmik neqeroorfigaatsigit. Ineriartortitsineq pineqartoq ilaatigut aqutsisunngorlaatut illit sukumiisumik ilitsersuunneqarnissannik, ingerlaavartumik siunersiueqatigiittarnissamik kiisalu suliatigut ataatsimooqatigiiffeqarnissamik imaqarpoq.
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Atorfinitsitsinissamut oqaloqatiginninnerit sapaatip akunnerani 07-mi ingerlannissaat naatsorsuutigaarput.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Fagchefi Mathias K. Bruusgaard, oqarasuaat: +299 52 27 61 imaluunniit e-mail: mtbr@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 104-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: februaarip 9.-at, 2025