Suialaa Arts Kulturfestivalimut suliniutinut suleqataasussamik pissarsiorneq

Kommuneqarfik Sermersooq Suialaa Arts Festivalertitsinissamut suliniutinut suleqataasussanik pikkorissunik marlunnik pissarsiorpoq, atorfininneq pissalluni 01.05.2025. Atorfiit oktobarip 31-annut aamma novembarip 30-annut 2025 atuutissapput.

Suialaa Arts Festival (siornatigut Nuuk Nordisk kulturfestivalisut taaneqartartoq) Nuummi nuannersumik misigisaqartitsisarpoq aamma pisuumik kulturikkut inuuneqarnermut akisussaaffimmik tiguserusulluni. Kalaallit eqqumiitsuliaasa eqqumiitsuliortullu nittarsaanneqarnissaat siuarsaaffiginissaallu qamanngavik kissaatigalugu festivali isaaffimmik Issittormiut Nunanilu Avannarlerni eqqumiitsuliortut tusarnaariallu/isiginnaariallu naapiffigisinnaasaannik, isumassarsianik avitseqatigiiffigisinnaasaannik aamma imminnut isummersorfeqatigiiffigisinnaasaannik pilersitserusulluni suliaqarpoq. Eqqumiitsuliortut, nammineq kajumissutsiminnik suleqataasartut ornittartullu oqaloqatigisarpavut aamma ataatsimoorfiusunullu peqataanissaannik neqeroorfigisarlugit, tassuunalu pisussaaffilertarpugut eqqumiitsuliornermut kulturimullu tunngasunik periutsinik attanneqarsinnaasunik siuarsaanissamut.

Suliniummi peqataaffigiligassanni, festivalimi kajumissutsiminnik sulisussarsiorneq suliassaannillu aaqqissuussineq ilaatigut akisussaaffigissavat. Festivalimi ataqatigiissagassat piareersarnissai immikkoortiternissaallu akisussaaffigissavat; qaqugu eqqumiitsuliortut / suleqatissat sorliit tikissanersut, sumi unnuissanersut, paasissutissat suut pissaneraat, pilersaarummut suut ilanngussassarineraat il. il. Aamma attaveqarnermut sulianut peqataanissat naatsorsuutigineqarpoq.

Festivalimi aqutsisoq ulluinnarni suleqatigissavat suliniummilu aqutsisuusoq Kommuneqarfik Sermersuumilu Kultureqarnermut Aaqqissuussanullu Immikkoortortaqarfimmiittoq qullersarissallugu.

Suleqatigiit uku peqataaffigilissavatit, suliniummi aqutsisoq, immikkoortortami aqutsisoq, suliniummi sulisut allat, attaveqaqatigiinnermut / nittarsaassinermut aamma teknikkikkut ataqatigiissaarisut. Festivalip illoqarfimmi suliffeqarfippassuit kulturimut attuumassusillit kalaallit nunaannilu inuussutissarsiutilerisorpassuit suleqatigisarpai, taamaammat attaveqatigiinnermut piginnaasaqarluarnissat, aporfilersornermiillu periarfissarsiullaqqissuseqarnerunissat naatsorsuutigaarput.

Paasissutissat uagutsinnut tunngasut amerlanerusut uani pissarsiarisinnaavatit: www.suialaa.gl

Atorfiup imaa:

 Suliniummi sulisumik - ajornanngippat misilittagalimmik - ujaasivugut, festivalimut atatillugu sulisussamik, suliassallu ilaatigut ukuussallutik:

·Festivalip piviusunngortinnissaanut kajumissutsiminnik sulisussanik katersineq

·Festivalimi kajumissutsiminnik sulisut suliassaannik ataqatigiissaarineq

·Piareersaaterpassuit, peqataasussanut takkuttussanullu nuannersumik festivalimik misigisaqartitsisussat

·Festivalimi ataqatigiissagassanik ataqatigiissaarineq, tassunga ilaapput angalaneq, ineqarneq, nerisaqarneq

·Attaveqateqarnermut peqataaneq, attaveqatigiittarfitsigut, timitalinnik digitalinillu attaveqarnerit

·Festivalip suleqatigisartagai akisussaaffeqarfinniittut oqaloqatigisarneri

·Festivalimik piviusunngortitsineq, piffissaq pikkunarsinnaasoq peqataaffigalugu

·Suliassat takkussuuttut nalinginnaasut

Suliassat festivalimi sulisut, illoqarfimmilu suliffeqarfippassuit kulturimut attuumassutillit, qanimut suleqatigalugit suliarineqartassapput.

Qinnuteqartunut naatsorsuutigisat:

·Kulturilerinermut, eqqumiitsuliornermut imaluunniit suliassaqarfimmut attuumassutilimmik ilinniagaqartutit.

·Kalaallit Nunaanni Nunani issittuni Nunanilu avannarlerni kulturimik eqqumiitsuliornermilu ingerlatsinermik ilisimasalik.

·Festivalertitsisarnermik misilittagalik

·Suliassavit akisussaassusilimmik tigumminissai suleqatigiinnullu akisussaaqatigiinnertalimmut peqataaneq. Suliassap naammassinissaanut suleqatigiinnissaq suliffimmilu iluarisimaarinninnissaq pillugu.

·Kultureqarnerup iluani suliniutinik ataqatigiissaarinermik aamma ineriartortitsinermik misilittagaqarputit.

·Festivalip tungaanut nalaanilu sinnilimmik tunniussaqarsinnaanissaq piareersimaffigisinnaagit

·Kajumissutsiminnik suleqataasunut piumassuseqalersitsinissaq paasisimasaqarfigalugu, piumassuseqartitsisinnaallutillu.

Tamatuma saniatigut pingaartipparput, illit:

·Aalajaatsoq, pitsaassutsimik ilisimasaqarluartoq immikkuualuttunillu maluginiaasinnaasoq

·Tamakkiisumik takunnissinnaalluni ataatsikkut arlalinnik suliaqarsinnaasoq

·Allattariarsornikkut oqaluttariarsornikkullu ersarissumik paatsuugassaanngitsumillu attaveqarsinnaasoq

·Suliassat agguataarneqarnerisa ingerlaavartumik allanngortiterneqarneranni eqaatsumik periaasilik

·Ulloq ulapaarfiugaluarpalluunniit ukkatarinnillutit aaqqissuulluakkamillu suliaqarsinnaasoq

·Tatitooq, pilersitsisinnaasoq, nukissaqarluartoq piumassuseqarluartorlu

·Illit allallu suliaannik pilersaarusiullaqqillutillu aaqqissuussillaqqissuseqarputit

·Suleqatigisinnaasat assigiinngitsut ilanngutsinnissaat sungiusimavat

·Ikiorneqarnissat pisariaqartikkaangakku suleqatinnut aqutsisunnullu saaffiginnissinnaassuseqarputit

·Ajornanngippat allattariarsornikkut oqaatsitigullu kalaallisut qallunaatullu piginnaasaqarlutit.

Neqeroorutigaavut:

Suliffik unammillernartoq, imarisassaanik nammineq sunniuteqarfigisinnaasaq, suliffeqarfimmilu ineriartortinneqartuartumi allanngorartuartumilu annertuumik akisussaassuseqarfiusoq. Pingaartilluinnarparput patajaatsumik suliassanut suliffimmullu pulatikkiartuaarneqarnissaq, pimoorulluinnarparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartittuarpavut.

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Festivalimut aqutsisoq Pauliina Oinonen, oqarasuaat +299 36 75 11 imaluunniit e-mail: pauliina@suialaa.gl imaluunniit Immikkoortortami aqutsisoq Jonas Nilsson, tlf. +299 36 75 23 imaluunniit e-mail: jonl@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 280-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: apriilip 7.-at, 2025

Atorfik una qinnuteqarfigiuk