Sermersuumi Inuussutissarsiornermut Immikkoortortaqarfimmi Inuussutissarsiornermut siunnersorti

Sermersuumi Inuussutissarsiornermut Immikkoortortaqarfik (Sermersooq Business) inuussutissarsiornermik siunnersortimik aamma suliniutinik ingerlatsisinnaasumik pissarsiorpoq.

Siunnersortip sulirissavai inuussutissarsiornerup iluani siunnersuineq, ukkatarinerussallugillu aallarnisartut kiisalu suliniummik immikuullarissumik aqutsineq. Sulilersussap inuussutissarsiornermut pisortaq suleqatillu suleqatigissavai taamaalilluni Kommuneqarfik Sermersuumi inuussutissarsiornikkut ineriartorneq suleqataaffigissallugu. Suliffik Nuummiippoq.

Sermersuumi inuussutissarsiornermut immikkoortortaqarfiup suliassa ilagivaat aallanisaasut siunnertarlugit, takornariaqarneq nerisassaatigullu atorneqarneri siuarsarlugit.

Akisussaaffitit:

·Kommunimi illoqarfinni nunaqarfinnilu tamani suliffeqarfimmik aallarnisaasut, sulifeeqarfimminnik allisaasut siunnersorlugit.

·Inuussutissarsiornermi periarfissat atorlugit takornariaqarnerup inerisarneqarneranut peqataallutit

·Paamiuni Tasiilamilu erhvervsrådenut allataasarlutit, taassumalu iluaniipput ataatsimiinnissat ataqatigiissaarlugu, oqaluuserisassiorneq, imaqarniliorneq kiisalu suliat ingerlaavartinnissaat qulakkeertarlugu.

·Ukiuni tulliuttuni pingasuni Nuup eqqaani timaanilu oqqittarfissat 12-it piviusunngortikkiartuaarnissaat aqutsisuuffigalugu

·Inuussutissarsiornermi periarfissat assigiinngitsut atorluarlugit sumiiffimmi inuussutissarsiortut pisortat kiisalu inuussutissarsiornermi inerisaasut akornanni suleqatigiinneq siuarsarlugu taamaasilluni pisut imminnut iluaqutsertillugit.

·Suliassat assigiinngitsut takkuteriataartut

Piginnaasatit:

·Aaqqissuussaasumik misissueqqissaartarlunilu suleriaaseqarneq

·Suliniutinik aqutsillaqqissoq

·Ilisimatitsillaqqinneq

·Sulinermi namminersorsinnaaneq, angusaqarusussuseqarneq kiisalu piffissaliussanik malinnikkusussuseqarneq

·Oqaatsinut tunngatillugu piginnaasaqarluarneq, soorlu kalaallisut tuluttullu

Inuttut tunuliaqutitit:

·Inuussutissarsiornermik ineriartortitsinissamut periarfissanik alapernaatsuuneq

·Ilisimasat periarfissanngortinneqarnissaannut pikkoriffeqarneq

·Siunersiueqatigiinneq nalinginnaasutut atortarpat

·Kisitsisilerillaqqinneq, kiisalu aaqqissuussaalluartumik misissueqqissaartarlunilu suleriaaseqarneq

·Misissueqqissaarnermik suliaqarneq misilittagaqarfigaat

·Ilaatigut inuussutissarsiornermut tunngasunik misilittagaqarputit, taamalu inuussutissarsiortut atugaannik ilisimasaqarluarlutit

Ilinniakkatigut tunuliaqut:

Naleqquttumik ingerlariaqqiffiusumik aningaasaqarnermut, inuiaqatigiilerinermut assigisaannilluunniit ilinniagaqarsimavutit

Neqeroorutigaagut:

·Suliffik namminersorfiusoq, inuussutissarsiornermut ineriartortitsinermik anguniagaqarlutit suliaqassaatit

·Suleqatit pikkorissut piginnaasaqarluartullu

·Suliatigut avatangiisit pissanganartut

Sermersooq Business pillugu:

Sermersooq Business Kommuneqarfik Sermersuumi inuussutissarsiornermut immikkoortortaavoq. Kommuneqarfik Sermersuumi inuussutissarsiuteqartunut namminersortunik amerlanernik suliffissaqartitsiniarnerup annertusarneratigut pilersitsinissamullu tapersersuineq aqqutigalugu atugassarititaasut pitsaanerulersinnissaat sulissutigaarput. Kommuneqarfik Sermersuup Inuussutissarsiornermut periusissiaa tunngavigalugu immikkoortortaq sulisarpoq, periusissiami takornariaqarnermi, imarsiornermik inuussutissarsiuteqarnermi, inuussutissanik tunngasuni aamma suliffissuaqarnermi pilersaarutinik ineriartortitsiffiusinnaasut pingaartinneqarput.

Naalagaaffiit Peqatigiit nunarsuaq tamakkerlugu piujuartitsinissaq tunngavigalugu ineriartortitsinissamut anguniagai 17-it sulissutigaavut. Tamanna periusissianik taakkuninngalu atuutsitsilernikkut kiisalu suliffeqarfinni, paaqqinniffinni innuttaasunullu sammisassaqartitsinikkut pissaaq. Sermersuumi Inuussutissarsiornermut Immikkoortortami Kommuneqarfik Sermersuumi ineriartornissamut, piujuartitsinissamut, nutaaliornissamut aallartisarnissamullu periarfissaqartitsivugut.

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Erhvervschef Mads-Daniel Skifte, oqarasuaat +299 36 73 72 imaluunniit e-mail: mdsk@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 281-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: apriilip 14.-at, 2025

Atorfik una qinnuteqarfigiuk