Uummannami ikummatissaasiviup pisortaanut ikiorti

KNI A/S Uummannami ikummatissanik immikkoortortaqarfia, ikummatissaasiviup pisortaanut ikiortimik pissarsiorpoq piaartumik imaluunniit isumaqatigiissuteqarnikkut sulilersussamik.

Ikummatissaasiviup pisortaanut ikiortip ikummatissaasiviup pisortaa qaninnertut pisortarissavaa.

Ikummatissaasiviup pisortaanut ikiortip pingaarnertut suliassai makkuussapput:

• Qaqugukkulluunniit ikummatissaasiviup pisortaa taarsertassallugu, taamaattumillu taassuma suliai aamma ingerlassinnaasariaqarlugit

• Ikummatissaasiviup pisortaata peqqussusiai naapertorlugit, ikummatissaasivimmi sulisut allat ullu-innarni suliakkersorlugillu sulinerat aqussinnaasariaqarlugit

• Pisinianik sullissisinnaaneq (fakturaliornerit il.il)

• Ikummatissaasivimmi aserfallatsaaliineq, inoqarfinni ikummatissaasiviit aqqusinermilu atortut ilan-ngullugit

• Ikummatissanik assartuummik tikittoqartillugu isumaginnissinnaaneq, tamatumalu saniatigut pit-saassutsimik isumannaallisaanermillu nakkutilliisinnaaneq

• Maleruagassat ikummatissaasivimmik ingerlatsineq mappersakkami allassimasunik inatsisinillu atuuttunik ilisimasaqarnissaq, kiisalu Uummannami ikummatissaasiviup pisortaata aammalu ikum-matissaqarfiup Sisimiuni kiffartuussivimmi allaffianiit peqqussutigalugit maleruaqqusat malittassal-lugit

• Biilinut angisuunut allagartaqarnissaq, piumasaqaataavoq

• Oqaatsinik – kalaallisut, qallunaatullu atuisinnaaneq

Atorfik imaattumik inuttalerusupparput:

• Ammasoq, sullisserusussusilik eqaatsumillu suleriaasilik

• Ulapiffiup nalaani paatsiveerunnani malinnaasinnaassusilik

• Akissussaassusilik

Atorfinittussamut neqeroorutigaagut:

• Piginnaasat naapertorlugit isumaqatigiissuteqarnikkut akissaateqartitaaneq

• Atorfimmut atatillugu inissaqartitsisoqanngilaq

• Piginnaanngorsaqqinnissamut periarfissat pitsaasut

• Suliffik ulluni tamani assigiinngissitaarfiusoq, pissanganartoq unamminartorlu

Atorfik pillugu paasisaqarnerorusukkuit ikummatissaasiviup pisortaa Arne Karl Johansen attavigineqarsin-naavoq oqarasuaammut: 86 83 99 mobil: 24 65 43 imaluunniit ingerlatsinermut pisortaq Gerth Jack Storer oqarasuaatikkut: 48 51 77.

Qinnuteqaat

Qinnuteqaat sukumiisoq tunngavilersugaq pineqaatissiisarneq pillugu allagartaq, ilinniarsimanermut siusin-nerusukkullu sulisimanermut allattukkanik imalik (CV), oqaaseqaatit aammalu sulisitsisorisimasavit attave-qarfiginissaanut paasissutissaq, tigoreersimassavarput kingusinnerpaamik ulloq 17. april 2025.

Qinnuteqaat uunga nassiunneqassaaq:

KNI A/S

Sulisoqarnermut immikkoortortaqarfik

Postboks 319

3911 Sisimiut

E-mail: jobs@kni.gl

Kalaallit Nunaanni inuiaqatigiinni sukkasoorujussuarmik ineriartorneqarpoq, aammalumi KNI-mi taamaap-poq. Tassanimi inuuniarnermi pinngitsoorneqarsinnaanngitsunik pilersuineq aqqutigalugu nuna siammasis-sorujussuaq ataatsimoortinneqarpoq.

Kiffartuussivik Sisimiuniippoq, Kalaallit Nunaanni illoqarfiit annersaata tulliani, Qaasuitsup Killeqarfianut qa-nittumi inissisimasumi. Kalaallillu Nunaat tamakkerlugu 900-it eqqaasiorlugit amerlassusilinnik sulisoqarpu-gut, ukiumullu 2,5 mia. kr.-it pallillugit kaaviiaartittarlutigit.

Suliffeqarfissuarmik paasisimanninneq aamma tassaavoq Kalaallit Nunaata oqaluttuassartaanik, inuiaqati-giit aaqqissuussaanerannik ineriartornerannillu paasisimasaqarneq. Silarsuarmut akisussaaffilimmut unam-milligassanillu qaangerniagassalimmut tikilluarit. KNI-p silarsuaanut tikilluarit.