FAKTA
Atorfiup suussusaa: Suliffimmik misiliisussamik aamma/imaluunniit ilinniartoq ikiorti
Suliffeqarfik: Kommuneqarfik Sermersooq
Qinnuteqarfissamut killigititaq: 16. apriili 2025
Attavissaq: Runa Sværd, tlf. +299 36 74 38 imaluunniit e-mail: ruma@sermersooq.gl
Kommuneqarfik Sermersuumi ineriartortitsinermik suliniutit assigiinngitsut ulapputigisarpagut, taamaammat pilersaarusiornermut immikkoortortaqarfimmi suliffimmik misiliisussamik aamma/imaluunniit ilinniartumik ikiuussinnaasumik pissarsiorpugut.
Pilersaarusiornermut immikkoortortaqarfik ilaatigut ukuninnga suliaqartarpoq:
·Kommunimi pilersaarutit aamma kommunimut pilersaarummut tapiliussanik suliaqarneq
·Pilersaarutit aamma tamakkiisumik pilersaarutit
·Ineriartortitsilluni suliniutit
·Pilersaarusiornermut inatsit malillugu suliaqarneq
Piginnaasatit:
Ukuninnga naatsorsuuteqarfigaatsigit:
·Arkitektitut, ingeniøritut, landskabsarkitektitut, illoqarfimmi pilersaarusiornermut tunngasumik assigisaanilluunniit ilinniagaqarnissat
·Titartaallutit, allallutit aamma oqalullutit erseqqissumik takorluuisinnaanissat
·Ukuninnga atuisinnaanissat: AutoCad, Adobe, GIS aamma Sketch-up
·Aaqqissuulluakkamik aamma piffissat killiliussat ataqqillugit sulisinnaaneq
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli
Uku neqeroorutigaagut:
Suliffimmi pisoqarfiusumi suleqatit qiimasut, sorpassuarnik inissaqartitsineq nutaanillu misiliinissamut inissaqartitsineq.
Illoqarfiit nunaqarfiillu innuttaasunit najugariuminartuunissaat anguniarlugu pilersaarusiornermut immikkoortortaqarfimmi sulisarpugut, ilaannilu allanngorartumik suleriuseqarsinnaasarpugut.
Sulilernissami atugassarititaasut illit ilinniarninnut tulluarsariaannaavagut.
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Plan og Myndighedschef Runa Sværd, oqarasuaat +299 36 74 38 imaluunniit e-mail: ruma@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 292-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: apriilip 16.-at, 2025
Atorfik una qinnuteqarfigiuk
