PAASISSUTISSAT
Atorfiup suussusaa: Censor
Suliffeqarfik: Perorsaanermik Ilinniarfik / Socialpædagogisk Seminarium
Qinnuteqarfissamut killigititaq: 17. apriili 2025 08:00
Attavissaq: Laila Thorsen +299 383550 imaluunniit mailikkut laila@pi.sps.gl
Piffissami misilitsinnerni nalileeqataasartussatut atuuffimmi 2025 – 2029-imi nalileeqataasussanngortitsinissamut qinnuteqaat.
PI/SPS ilinniakkanut ingerlaqqiffiusunut misilitsinnerni nalileeqataasartussatut qinnuteqaqqusivoq
Qaffasinnerusumik ilinniartitaanerit pillugit Inatsisartut inatsisaat nr. 14, 12. juni 2019-imeersoq naapertorlugu Perorsaanermik Ilinniarfik piffissami 2025 – 2029-mi nutaanik misilitsinninnerni nalileeqataasartussanngortitsisussaavoq
Taamaattumik Perorsaanermik Ilinniarfik fagimi ataatsimi arlalinniluunniit ataani taaneqartuni nalileeqataasartussatut ikkunneqarnissamut piukkunnaatilinnik qinnuteqaqqusivoq.
- Perorsaanermi suliassaqarfik pingaarneq
- Isumaginninnermi suliassaqarfik pingaarneq
- Inaarutaasumik misilitsinnerit
- Bachelorinngorniarluni allaaserisassaq
Ilinniakkat pillugit annerusumik paasisaqarniaraanni nittartaakkami https://pi.sps.gl/ -mi takuneqarsinnaapput.
Ilinniakkanut ingerlaqqiffiusunut nalileeqataasartunngussagaanni piginnaasaqarfiit piumasarineqartut tassaapput faginut nalileeqataasarfissatut qinnutigineqartunut tunngatillugu attuumassutilimmik ilinniagaqarsimanissaq atorfeqarsimanissarlu.
Piumasaqaataavoq ilinniagaqassuseq qinnuteqarfigisamik fagimi misilitsinnerni naliliisartussatut atuuttussatut qaffasinnerusoq. Taamaattumik bacheloritut ilinniakkami naliliisartussatut atuuttussatut atorfinissinnaajumallugu, masteritut imaluunniit kandidatitut ilinniagaqarsimaneq pisariaqartinneqarpoq.
Taamatuttaaq aamma ujaarivagut naliliisartussat ilinniakkanut Socialassistentitut (SAU) aamma Pædagogassistentitut (PAU)-mut piginnaasaqartut.
Tamanna minnerpaamik isumaginninnermut tunngatillugu bacheloritut ilinniagaqartuunissamik piumasaqaataavoq.
Perorsaanermik Ilinniarfiup kissaatigineruaa qinnuteqartut marloqiusamik oqalussinnaassasut, kalaallisut danskisullu, Kalaallillu Nunaanni pissutsinik ilisimasaqassasut.
Kajumissuseqarluni qinnuteqaatit atorfeqarnermut ilinniagaqarnermullu uppernarsaatitallit uangutsinnut nassiunneqassapput kingusinnerpaamik aprilip 17-ani 2025 nal. 08.00 kalaallit nalunaaqutaat malillugu.
Apeqqutissaqaruit Ilinniartitaanermi pisortaq Laila Thorsen tlf. +299 383550 imlt. e-mail laila@pi.sps.gl atorlugu attavigisinnaavat.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job
Qinnuteqaat nassiuguk
