Meeqqanut- Ilaqutariinnulllu immikkoortortaqarfik allaffimmiussarsiorpoq

Meeqqanut- Ilaqutariinnullu immikkoortortaqarfik Nuummi inissisimasoq, Siunnersuinermut Ilaqutariinnermik Katsorsaanermut Sullissivimmi allaffimmiussarsiorpoq.

Suliffik: Kommuneqarfik Sermersooq Meeqqanut Ilaqutariinnullu Sullissivik – Inuusuttunik sullissivik.

Meeqqanut- Ilaqutariinnullu Immikkoortortaqarfimmi Nuummiittumi tunniusimasumik peqqissaartumillu allaffimmiumik ujaasivugut.

Atorfik ullup ilaannaatigut imaluunniit piffissaq tamakkerlugu suliffiuvoq qaammammusialik, piffissat suliffiusussat sulilernermi isumaqatigiissutigineqassapput.

Suliffiup allaatigineqarnera:

Allaffimmiutut sulilernerni allaffissornerit assigiinngitsut suleqatigiit iluanni pingaarutillit akisussaaffigilissavatit. Akisussaaffiik naliginnaanerusut ukuupput:

∙Orniguttoqartillugu oqarasuaatikkullu saaffiginnittoqartillugu ilassinninnissaq.

∙Allakkanik tigusassanik apuussassanillu isumaginninnerit.

∙Ullorsiutinik ataatsimiiffissanillu aaqqissuussinerit.

∙Naatsorsuuserineq.

∙Aningaasanik naatsorsuuserinerit.

∙Allaffimmi naliginnaasunik suliaqarneq soorlu toqqorsinerit, scannerinerit kopeerinerillu.

∙Pisussanik pilersaarusiornerit ingerlatsinernilu inaarinninnernut ikiutaaneq.

∙Nalunaarsuutit qarasaasianut immiunnissai nalunaarsornissaalu.

∙Immikkoortortaqarfinnut skema sananissai.

∙Kisitsisit atorlugit nassuiaasiorneq.

∙Nutserinerit.

Qinnuteqartumut piumasaqaatit:

Suliffimmi ulapaarfiusumi suliassanilu siammasissuni namminersorluni sulisinnaasumik aammalu suleqatigiit iluani suliaqarsinnaasumik ujaasivugut. Piginnaasat pingaarnerit ukuupput:

∙Allaffissornermi suliassat ilisimanissai taamatullu allaffimmi softwareprogrammit ilisimanissai.

∙Attaveqallaqqissuunissaq, allakkatigut oqaloqateqarnikkullu.

∙Tamaviaarluni suligaluarluni suliassat kusanartumik ingerlanneqartarnissaannut sapinngitsoq, sulisorpalaartumillu pissuseqaannarsinnaasoq.

∙Aningaasaqarnermut naatsorsuuserinerit bogførinngilu ilisimasaqarfigigaanni pitsaassaaq.

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.

Neqeroorutigaarput:

∙ Atorfik unammilligassaqartitsisoq, imarisaannillu nammineq ilusilersuinissamut periarfissaqartoq aammalu ineriartortitsinermi aaqqissuussami akisussaaqataasinnaavutit.

∙ Atorfimmut suliffeqarfimmullu pitsaasumik aallartitsinissaq pingaartipparput. Suleqatigiinnermik pitsaasumik qulakkeerinissaq anguniarparput, qanimut aqutsisullu avitseqatigiissinnaanermik aammalu suliniuteqarnissamut pilersitsisinnaanermullu inissaqaqartitsisumik.

∙Pingaartitaraarput sulisut ilinniakkanut attuumassuteqartunut peqataanermikkut ilinniakkaminnik ingerlaqqinnissaminnut periarfissaqartut.

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortaqarfimmi aqutsisoq Anna Hansen, oqarasuaat +299 36 71 83 imaluunniit e-mail: ahan@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 283-25 -mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: apriilip 12.-at, 2025

Atorfik una qinnuteqarfigiuk