Allagarsiuteqqitaq, Isumaginninnermut Aqutsisoqarfik, atorfinnut jannuaarip naalerneranut 2026-mut killilimmut inunnik isumaginninnermut siunnersortinik marlunnik Meeqqanut- Inuusuttunullu sullisseqatigiinni sulisussanik pissarsiorpoq

Meeqqanut inuusuttunullu isumaginninnikkut sullissinerup iluani pissanganartumik sulerusuppit? Meeqqanik isumaginninnikkut sullissinerup saniatigut aamma isumaginninnerup iluani suleqatit peqatigalugit illit piginnaasannut ikorfartoqatigiiffiusumik? 

Meeqqanut- Inuusuttunullu sullisseqatigiit, Sullissisunik Siunnersuisarfimmi Immikkoortoqarfimmut atapput, nunalu tamakkerlugu kommuneni isumaginninnikkut sullissinermi ikorfartuisuupput, soorlu:

Siunnersuillunilu ilitsersuinikkut, isumaginninnermilu sakkussanik tunioraanerit, pikkorissartitsinerit online-ikkullu oqaluussilluni sulianik ilitsersuinerit.

Kommune Kujallermi isumaginninnerup iluani ingerlatsinerup atorunnaarsinneqarnissaa pillugu Naalakkersuisut aalajangernerisa kingorna, matumani Meeqqat tapersersorneqarnissaannut inatsisartut inatsisaat naapertorlugu, sullisseqatigiit piffissami aggersumi Kommune Kujallermi Meeqqanut Inuusuttunullu sullissinermut tunngatillugu suliaqassapput.

Kommune Kujallermi suliassaq naammassilluarumallugu inunnik isumaginninnermut siunnersortinik marlunnik Meeqqanut- Inuusuttunullu sullisseqatigiinni sulisussanik piffissami killilikkami 2026-mi jannuaarip naalernerata tungaanut sulisussamik sivitsorneqarsinnaasumilli pissarsiorpugut.

Atorfiillu pineqartut angalangaatsiarnernik imaqarnissaat naatsorsuutigineqassaaq, namminerli aalajangersinnaavat Kalaallit Nunaata suatungaaniit sulisarusunnerlutit.

Atorfiit pillugit

Suleqatissagut marluk piffissaq tamakkerlugu sulisassapput imaluunniit piffissani aalajangersimasukkaartuni Kommune Kujallermi sulisassallutik.

Suleqatigiikkuutaat Kommune Kujallermut sullissisut allanik suliaqartassanngillat, suliallu tamarmik Kommune Kujallermut tunngasuussaapput. Sulinerit ilaatigut Kommune Kujallermi ingerlanneqartassapput, apeqqutaalluni suleqatigiikkuutaat piffissami pineqartumi Kommune Kujallermiinnersut tassa sapaatip-akunnerini pingasuni illoqarfimmi najuunnersut, tamatumami saniatigut sapaatip-akunneri marlukkaarlugit angerlartarput ungasianiillu sullissisarlutik.

Isumaginninnermut Aqutsisoqarfik Nuummi allaffeqarpoq, killilikkamilli atorfinnut tunngatillugu piumasaqaataanngilaq Kommune Kujallermut sulianut tunngatillugu Nuumminngaanniit ingerlanneqartariaqassasut, taamaattumik Kalaallit Nunaanni sumiluunniit najugaqaraluaraanni qinnuteqarnissamut kinaluunniit tikilluaqqusaavoq.

Sulisut ilaatigut Kommune Kujallermut suliartortartut, piffissat ilaani Kommune Kujallermi tamakkiisumik allat tamakkiisumik sulisut naligilluinnarlugit suliassanik tigusisinnaassapput, assersuutigalugu feeriartoqartillugu.

Kommune Kujallermut tunngatillugu suleqatigiikkuutaani suleqatitaassagut piffissaq tamakkerlugu piffissalluunniit ilaannaatigut sulisussat pineqaraluarpata qinnuteqartup pisinnaasai misilittagaalu apeqqutaalluinnassapput, taakkulu salliutinneqassallutik.

Suliassarissavatit:

• Meeqqanut Inuusuttunullu tunngasunik isumaginninnikkut suliassat aallaavittut pingaarnerussasut, assersuutigalugu nalunaarutiginninnernut naliliinerit, isumaginninnermut tunngasunik misissuinerit, angerlarsimaffiulluunniit avataanut inissiinerit.
• Isumaginninnermi sulianut peqataallunilu tunniussaqarsinnaaneq
• Suliat akisussaaffigisatit pillugit journalinik allanneq
• Meeqqanik angajoqqaanillu oqaloqateqarnerit
• Sammisamut attuumassutilinnik avataaniittunik suleqateqarneq
• Soorlu; Inatsisitigut inuinnaat meeqqanik angerlarsimaffiup avataanut inissinneqarsimasunut tunngassutillit illersorneqarnissaannik nakkutilliinerit
• Ineriartornermut sunniuteqaqataanerit aammalu malittarisassanik ingerlatseriaatsimillu suliaqarnerit

Sullissisunik Siunnersuisarfimmi Immikkoortoqarfimmi piffissap ilaani sulisassaguit suliassat makku ilaatinneqassapput:

• Mailikkut oqarasuaatikkullu saaffiginnissutit pillugit piareersimasussanik aaqqiinerit
• Isumaginninnermut sulialinnut aammalu Meeqqanut Inuusuttunullu sullissisut aqutsisuinut Isumaginninnikkut suliassavinnut tunngatillugu siunnersuillunilu ilitsersuinerit
• Pilersaarusiornerit aammalu onlinekkut saqqumiinerit
• Allaffissornikkut ad-hoc-kkullu sulinerit
• Soorlu: Pilersaarusiornerit aammalu misilittakkanik ingerlatitseqqiinerit, pikkorissarnerit il.il.
• Soorlu; Akunnermuliulluni ataqatigiissaarinerit aammalu suliniutinut kivitseqataanerit aammalu ineriartortitsinermut tunngasunik suliaqarnerit, soorlu siunnersuinernut atortussanik imaluunniit Meeqqanut Inuusuttunullu isumaginninnikkut sulinermi sakkussanik isumaginninnerit.

Ilinnut tunngasut

Isumaginninnermut siunnersortitut ilinniarluarsimasunik marlunnik pissarsiorpugut Meeqqanik Inuusuttunillu sullissinermi misilittagaqarluartunik, misilittagaqarnermigullu ilikkagaqarsimasumik.

Tamatuma saniatigut aamma pingaarpoq IT-mut piginnaasaqarnissat tamatumunngalu atuisinnaassuseqarnikkut naammaginartumiinnissat.

Naatsorsuutigaarput inuttut ammasuussasutit, suliassanullu assigiinngitsunut periataarsinnaassuseqassasutit, nammineq sulisinnaassuseqassasutit mikisualunnullu tappissuseqassasutit, suleqatinnullu siunersiuerusussuseqassasutit, suliffimmilu pinasuartumik suligasuarfiusinnaasumi sulisinnaassasutit

Ilinnut naatsorsuutigaagut:

• Isumaginninnermi siunnersortitut ilinniagaqarnissat
• Ukiuni arlalinni Meeqqanut Inuusuttunullu isumaginninnikkut sullissinermi misilittagaqarsimanissat, soorlu isumaginninnikkut misissuinernut aammalu iliuusissamik pilersaarusiornernut tunngatillugu.
• Meeqqanut Inuusuttunullu tunngatillugu ilinniarluarsimasuunissat, tamatumunngalu periutsinut sakkussanullu ilisimasaqarluartuunissat.
• IT-mut tunngatillugu ilisimasaqarnissat soorluttaaq Get Organizedimut, soorunami tamatumunnga ilinniartilluarneqassaatit
• Meeqqat tapersersorneqarnissaannut inatsisartut inatsisaat pillugu ilisimasaqarnissat
• Isumaginnittoqarfimmi assigiinngitsutigut misilittagaqarnissat
• Ataqatigiissaarillaqqissoq aammalu pilersaarusiullaqqissoq
• Suleqatikkuminartoq, nukissaqarluartoq inunnillu allanik suleqateqarsinnaasoq
• Atassuteqarfissanut pilersitsillaqqissuussaatit aamma taakkununnga attassisinnaassuseqassallutit
• Aaqqissuussinermut ataqatigiissaarisinnaassuseqassaatit, suleriutsimut aaqqiisinnaanermullu pulasinnaassuseqassaatit ineriartorusussuseqarlutillu.
• Suliamik aallarniisinnaassuseqartuussaatit
• Ilikkalertorsinnaassaatit
• Kalaallisut qallunaatullu oqalussinnaassaatit

Neqeroorutigaarput:

Suliami pingaarutilimmi kommune suleqatigalugu suliaq naqqaniit nutaatut nunatsinnilu suli misilittagarineqanngitsumik aallartittoq Meeqqanik Inuusuttunillu sullissinermi kivitseqataaffiusussaq sunniuteqaqataaffigalugulu nukittorsaaqataaffigissagit.

Suleqatigiikkuutaat pikkorissut suleqatigissavatit immikkoortortamilu sullissinermut tamatumunnga misilittagaqarluartut illarumatuullu suleqatigissavatit.

Tamatuma saniatigut aamma misigissavat:

•  Ilinniakkamut paasisimasaqarluassuseq, siunersiueqatigiinnermik pitsanngortitsiartuinnarnerlu pillugu ikioqatigiiffiusoq najussavat.
• Aqutsisoq ilinniarluarsimassutsinnut tatiginnittoq, piumasaqarsinnaasoq aammalu illit ineriartornissannut salliutitsisoq
• Suleqatit suleqatikkuminartut, najoruminartuunissamik pingaartitsisut naak aamma ulapiffiusumi
• Torersumik pissuserissaartumillu periusillit, suliallu sinaakkutaanut sunniuteqarsinnaasut

Uagut pilluta

Sullissisunik Siunnersuisarfimmi Immikkoortoqarfimmi siunnersuinermik suliallit suleqatigiikkuutaat arlaqarput, taakkulu Meeqqanik, Inuusuttunik, Innarluutilinnik aammalu angajoqqaarsiaqartitsinermik suliaqartuupput.

Tamatuma saniatigut Meeqqanut Ilaqutariinnullu qitiusoqarfik ilaqutariinnullu illut aamma sullitaraagut. Aaqqissuussaanerlu siunissami allanngorpat aamma Upalungaarsimanermi qitiusoqarfimmi akunnermuliuttutut ataqatigiissaarisuusassalluta. Tamakkulu saniatigut aamma nuna tamakkerlugu innarluutilinnut sullissivik Pissassarfik immikkoortortap ataaniippoq.

Isumaginninnermut Aqutsisoqarfik Meeqqanut Inuusuttunullu Naalakkersuisoqarfiup ataaniippoq.

Isumaginninnermut aqutsisoqarfik arfineq-marlunnik immikkoortortaqarfeqarpoq: Pitsaaliuinermut immikkoortortaqarfik Paarisa, Aningaasaqarnermut immikkoortortaqarfik, Ulloq Unnuarlu Inissitsiterinermullu Immikkoortortaqarfik, Meeqqanut Inuusuttunullu Immikkoortortaqarfik, Sullissisunik Siunnersuisarfimmi Immikkoortortaqarfik, Inulerinermut Immikkoortortaqarfik aammalu Allattoqarfik.

Atorfiillu taakkua Sullissisunik Siunnersuisarfimmi Immikkoortortaqarfimmut atapput. Tassanilu immikkoortortaqarfimmi suleqatigiikkuutaat sisamaasut Meeqqanut, Inuusuttunut, innarluutilinnut, angajoqqaarsiaqartitsinermut, ilaqutariinnillu siunnersuisartuupput, marlunnik aqutsisoqarlutik ataatsimillu pisortaqarlutik.

Ulloq atorfiniffissaq

1. Maj 2025 isumaqatigiissuteqarnikkulluunniit

Qinnuteqarfissamut ulloq killigititaq Aprilip 11-at 2025 nal.12 (nunatta nalunaaqutaa malillugu)

Atorfimmut qinnuteqartut tulleriiaarlugit oqaloqatigineqassapput

Nuummi Isumaginninnermut Aqutsisoqarfiup allaffeqarfiani sulerusukkaanni angalangaatsiartoqartassaaq.

Atorfiit pineqartut tamarmik periarfissaqarput nunatta iluani aalajangersimasumik inissisimaffeqanngikkaluarluni sulisinnaassallutik.

Sapaatip-akunneranullu akunnerit 40-t suliffigineqartassapput.

Angalangaatsiartarnissaq naatsorsuutigineqassaaq.

Sullissisunik Siunnersuisarfimmi Immikkoortortaqarfimmi Isumaginninnermi suliassanut nalinginnaasunut tunngatillugu piffissap ilaani aamma ataasiakkaat sulisinneqartassanersut qinnuteqaatip ingerlanerani aalajangerneqassasoq naatsorsuutigineqassaaq, matumani soorlu ilaatigut atorfinitsitsinermi atuuffimmut aalajangersimasumut tunngatinneqassanersoq aalajangerneqassalluni.

Qinnuteqaatinni soorlu allassinnaavat Kommune Kujallermi suleqatigiikkuutaani sulinissannut tamakkiisumik soqutiginnilluarlutit imaluunniit piffissap ilaannaani soqutiginnillutit.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq.

Paasissutissat annertunerusut

Atorfik pillugu annertunerusunik paasisaqarusukkuit, immikkoortortaqarfimmi pisortaq Ellen Bækgård attaveqarfigisinnaavat oqarasuaammut +299 34 67 63 imaluunniit e-mail elba@nanoq.gl

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk