FAKTA
Atorfiup suussusaa: Qaqortup Umiarsualivianut ataqatigiissaarisussarsiorpugut
Suliffeqarfik: Royal Arctic Line
Qinnuteqarfissamut killigititaq: 12. marts
Attavissaq: Nukaaka Berthelsen +299 64 79 80-imut sianerfigalugu imaluunniit e-mailikkut nufb@ral.gl-imut allaffigalugu saaffigisinnaavat.
Royal Arctic Line tunniusimasumik sullissillaqqissumillu ataqatigiissaarisussarsiorpoq
Ataqatigiissaarineq nukittuffigivigiuk aammalu ataatsimut annikitsuaqqanillu ataatsikkut isiginnissinnaalluarpit? Avatangiisini allanngorarfiusuni, sullissinermik, isumannaallisaanermik suleqatigiinnermillu ukkataqarfiusumi sulineq nuannariviuk? Taamaappat Qaqortup Umiarsualiviani Royal Arctic Linep suleqataaffigilernissaanut maanna periarfissaqarputit.
Kikkuuvugut?
Qaqortumi suleqatigiit nassiussassat usillu pilertortumik pitsaasumillu isumagineqarnissaannik qulakkeerinninnissaq ullut tamaasa sulissutigisarpaat. Aaqqissuussaaneq pitsaassutsimik, sullissinermik suleqatigiinnermillu pingaartitaqarfiusoq suleqataaffigaarput, aamma sulinermi avatangiisivut allanngorartuupput ullullu suliffiusut assigiinngisaannarlutik.
Atorfik pillugu
Ataqatigiissaarisutut umiarsualiviup, umiarsuit suleqatigisartakkallu akornanni ataqatigiissitsinissaq suliassarissavat – peqatigisaanillu sulinermi avatangiisit isumannaatsuullutillu pitsaasuunissaat suleqataaffigalugu. Suliaqarfiit pingaarutillit arlallit akisussaaffigissavatit, ilaatigut allaffissornikkut suliassat isumannaallisaanikkullu iliuusissat aammalu attaveqaqatigiinneq ingerlatsinermilu ataqatigiissaarineq.
Suliassatit pingaarnerit tassaapput:
Tamakku saniatigut ISPS-imik sungiusarnerit pilersaarusiornerinik ingerlanneqarnerinillu suliaqartassaatit, aamma umiarsualivimmi aqutsisoqatigiit upalungaarsimaniarnermullu suleqatigiissitat suleqataaffigissavatit. Umiarsualiviup pisortaata sulinngiffeqarnerani imaluunniit sivisunerusumik najuutinnginnerani tullersortaatut atuuffeqassaatit.
Kinaavit?
Inuuvutit aaqqissuulluakkamik suleriaaseqarlutillu akisussaassuseqartoq sullissilluarnissamik suleqatiginninnissamillu pissusissamisoortitsisoq. Namminersorlutit sulisinnaavutit nammineerlutillu aalajangiisinnaallutit, tamatumunngalu peqatigitillugu suliffeqarfiup iluani avataanilu suleqatigisartakkanut ersarissumik naammagittaaliuutissartaqanngitsumillu attaveqateqartassaatit.
Ilinnut naatsorsuutigisagut:
- Suleqatiginnillaqqissoq suleqatigiinnilu suleqataanermik nuannarisalik
- Sullissillaqqissoq, naammagittarsinnaassusilik aammalu inulerinermut inunnullu attaveqarnermut pikkorissoq
- Pisuni najummatsisimanartuni ataatsimut isiginnissinnaassusermik attassisinnaasoq
- Kalaallisut, danskisut tuluttullu allassinnaallunilu oqalussinnaasoq
- Sulinerminut aaqqissuulluakkamik akisussaassusilimmillu periaasilik
- Kørekorteqarneq
Piffissaq suliffiusoq atugassarititaasullu
Umiarsuaqartarnera malillugu piffissat suliffiusut nikerartuupput, ullaakkoortarnerit unnukkoortarnerillu nikittaaffiusarlutik. Piffissami suliaqarnerpaaffiusumi umiarsuit takornariartaatit salliutinneqartarput.
Suliffeqarfimmi naleqartitaminik pingaartitsisumi aammalu ineriartornissamik, isumannaallisaanermik sulisullu naammagisimaarinninnissaannik ukkataqarfiusumi atorfik soqutigineqartoq neqeroorutigaarput.
Paasissutissat sukumiinerusut
Atorfik pillugu paasisaqarnerorusukkuit Umiarsualiviup pisortaa Nukaaka Berthelsen +299 64 79 80-imut sianerfigalugu imaluunniit e-mailikkut nufb@ral.gl-imut allaffigalugu saaffigisinnaavat.
Qinnuteqaatit e-mailikkoortut suliarineq ajorpagut.
Atorfininneq: piaarnerpaamik, eqqortulli atorfinitsinnissaa salliutinneqassaaq
Qinnuteqaatit: ingerlaavartumik suliarineqassapput
Oqaloqatiginninnerit: ingerlaavartumik ingerlanneqassapput
Qinnuteqarnissamut killissarititaasoq: marsip 12.-at, 2025
Atorfik una qinnuteqarfigiuk
