Kalaallit Nunaanni Aalisarnermut Piniarnermullu Nakkutilliisoqarfik Kontorfuldmægtig-inik sulisussarsiorpoq

Kalaallit Nunaanni Aalisarnermut Piniarnermullu Nakkutilliisoqarfiup (KANUAPNA-p) aalisarnermik, piniarnermik aallaaniarnermillu nakkutilliineq alapernaarsuinerlu ingerlatarai. KANUAPNA´p pingaarnertut anguniagaraa Kalaallit Nunaanni Namminersorlutik Oqartussat aalisarnermik inatsisaat, tamatumani ilanngullugit nunanik allanik isumaqatigiissutini malittarisassat atuutilersinneqartut, imaluunniit nunat tamat akornanni kattuffinnut Kalaallit Nunaata peqataaffigisai, imaluunniit aalisarnermik ingerlataqarneq pillugu nunat tamat akornanni isumaqatigiissutinik atuutsitsilerneq eqqortinneqarnissaat qularnaassallugu.

Atorfik pillugu

Kontorfuldmægtig-itut atorfimmi ullut ilaanni ulapinneq ullullu ilaanni suliassat ikinnerusut misigisassavatit.

KANUAPNA-mi kontorfuldmægtigitut atorfik pisortaqarfimmi allaffimmiutut atorfinnut allanut assersuukkuminaappoq, suliassat immikkuullareqqinnaartut atorfimmi suliassarititaasut peqqutigalugit.

Taamaattorli unammillernartunik allaanerusunillu suliaqarneq pilerigigaanni, atorfik pissanganartunik periarfissaqartoq ilinnoortuunissaa ilimanaateqarpoq.

Ulluni ulapaarfiusuni, immikkoortortami sulisut ataatsimoorussamik suleqatigiilluarlutik kivitseqatigiillutik sulisinnaasut pisariaqartippagut, ulluinnarni suliassanut malinnaasinnaanissaq anguniarlugu.

Kontorfuldmægtigitut atorfik aqutsinermut pilersaarusiornermullu tunngassutilinnik kiisalu attaveqaqatigiinnissamut piginnaasaqarluarnissamik piumasaqaateqarpoq.

Atorfik pingaarnertut suliassanik makkunannga imaqarpoq.

• Tunitsivinnut, pisiortortunut umiarsuaatileqatigiiffinnullu attaveqarneq.

• Tunitsiviit nassiussaat qarasaasiamut nuullugit.

• Nukingisaarutinik il.il. allakkiorneq.

• Sinerissap qanittuani avataasiornermilu aalisarnermi umiarsuup allattaaviinik aamma tunisinermi paasissutissanik suliaqarneq qarasaasiamullu immiussineq.

• Qarasaasiamut immiunneqartut pitsaassusaannik paasissutissallu tatiginassusaannik misissuineq.

• Oqarasuaat pigaartuunermi angallattagaq, tulleriiaarnermi tigumminnittooqataasarnissaq

• Allakkat isertut isumagalugit

• Kapisilinnik pisanik nalunaarsuineq

• Suliassat siunertaqartut piffimmi aaliangersimasumi suliassat 

• Avaataasiortut pisaanik nalunaarsuineq

• ERS (Angallatit ullormut nalunaarsuisarneranut nakkutilliineq)

Piginnaasat

Inuussutissarsiutinut ilinniagaq naleqquttoq ilinniagarluunniit alla naleqqiunneqarsinnaasoq imal. aamma allaffissornermik suliffimmik misilittagalik.

Tamanik takunnissinnaassaatit, aamma piffimmi ulapiffiusuni nukinginnartunillu suliaqarfinni.

Kalaallisut danskisullu oqalussinnaassaatit allassinnaassallutillu. Oqaluttariarsornermi allattariarsornermilu paasinartumik attaveqaqatiginnissinnaassaatit. Tuluttoorsinnaalluarneq iluaqutaassaaq.

Naatsorsuutigaarput illit:

• Kisitsisinik paasisimasaqarluartuusutit

• Peqqissaarlutit naqiterisinnaasutit

• Misissueqqissaarsinnaasutit aaqqissuussillaqqissutillu

• IT atorlugu sulerususseqarsinnaassaatit atuisutullu Microsoft Office-mi programmit atorsinnaallugitQarasaasialerinermik pingaartumillu paasissutissanut katersuivinnut piginnaasaqartutit

• Attaveqaqatigiinnermut suleqatigiinnermullu piginnaasaqarluartutit

• Kalaallisut danskisullu erseqqissuliullaqqissuusutit

• Pisortaqarfimmi allaffissornermik misilittagaqartutit

• Ataatsimoorussamik suleqateqarneq kivitseqataanissarlu soqutigisarigitit pikkoriffigalugilluNeqeroorutigisinnaavagut:

• Suliffik ulapaarfiusoq ineriartorfiusorlu

• Suleqatit pimoorussisut kajumissusillillu

• Suliffeqarfik aqutsisut sulisullu akornanni aqqaveqaqatigiilluarfiusoq

• Allaffeqarfik nuannersoqIllit pillutit:Sullissisinnaanissat, kiffartuussilluarsinnaanissat, ikiuukkusussuseqartuunissat ulluinnarnilu nuannaartuunissat aamma pingaartippagut. Aaqqissuussamik sulisinnaassuseqassaatit suliassanillu pitsaasunik piffissaliussap iluani tunniussisinnaanissat natsorsuutigineqassaaq. Aamma pingaartipparput pisariaqaraangat qaavatigut immikkut suliaqarususseqarnermik takutitsisinnaassasutit.

Kalaallit Nunaanni inuiaqatigiinnik ilisimasaqarnissat inuiaqatigiinnilu pissutsinik paasinnissinnaanissat kissaatigaarput.

Soqutiginnippit?

Kalaallit Nunaanni Aalisarnermut Piniarnermullu Nakkutilliisoqarfiup kaammattorusuppai soqutiginnittut tamarmik qanorluunniit tunuliaqutaqaraluarlutik atorfimmut qinnuteqaqqullugit.

Qinnuteqarfissat ulloq kingulleq: 16. marts 2025

Atorfimmut tunngasumik paasisaqarnerorusukkuit Teamleder Sussi Platou, attavigisinnaavat toqqaannaq normumut 345385 imal. mail-imut supa@nanoq.gl

Atorfininnissaq

Sapinngisamik piaartumik inuttaleerusuppugut imaluunniit isumaqatigiissuteqarneq tunngavigalugu.

Ataavartumik qinnuteqartunik piukkunnaatilinnik oqaloqatiginninnissaq naatsorsuutigineqarsinnaavoq.

KANUAPNA pillugu:

KANUAPNA Nuummi qullersaqarfeqarpoq nunallu immikkoortuini pingasuni Sisimiuni, Ilulissani Nuummilu allaffeqarpoq. qullersaqarfimmi sulisut 16-iupput taakkulu immikkoortortani ukunani aaqqissugaallutik: Sulisoqarnermut immikkoortortaqarfik, Allaffissornermut Aningaasaqarnermullu immikkoortortaqarfik, Nunat tamanut suleqatigiinnerannut immikkoortortaqarfik taavalu Nakkutilliinermut immikkoortortaqarfik, aalisarnermik alapernaarsuisunik sulisunik aamma nunap immikkoortuini allaffiit aalisarnermik piniarnermillu nakkutilliisunik aqqanilinnik piniarnermillu nakkutilliisunik sulisullit.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk