Qaqortup mittarfittaassaani pisortassarsiorpugut

Qaqortumi Mittarfimmi pisortassarsiorneq:

Pilersaarusiorluarsinnaallutit, suliffeqarfiup ingerlaneranut ilisimasaqarluarlutit, namminersorlutillu suliamik ingerlatsilluarsinnaavit? Mittarfissap nutaap inerisarneqarnissaanut suleqataarusuppit? Immaqa taava illiuvoq Qaqortumi mittarfittaassap pisortassaa.

Atorfik pillugu:

Mittarfik ammarneqannginnerani, mittarfiup piareersarneqarnissaa akuerineqarnissaalu akisussaaffigissavat. Tamatuma saniatigut sulisut atorfinitsinneqarnissaat ilinniartinneqarnissaallu isumagissavat. Suliniut aallartinnermi Nuummi ingerlanneqaqqaassaaq, tassani suleqatigissavatit suliassavit assinganik suliaqartussat Ilulissani mittarfittaassap aqutsisussai, kingornalu Qaqortumi mittarfimmi aqutsisutut atuuffeqalissaatit, tassanilu ingerlatsineq, isumannaallisaaneq ineriartortitsinerlu akisussaaffigissavatit.

Akisussaaffiit:

• Mittarfiup ingerlatsineranik, isumannaallisaanermik, aningaasaqarnermik sulisunillu aqutsineq.
• Sulisut piginnaanngorsarnissaat isumannaallisaaneq, suleqatigiinneq inuussutissarsiornermillu paasisimasaqarneq aallaavigalugit.
• Naalagaaffiit Peqatigiit malittarisassaat malillugit nunatsinni nunallu avataaniittut isumannaallisaanermut tunngasut maleruarneqarnissaannut qulakkeerineq, Safety, Quality, Security, Brand og Redning ilaalu ilanngullugit.
• Greenland Airports-imi immikkoortortanik ataavartumik suleqateqarneq avitseqatigiinnerlu.
• Pilersaarusiorluakkamik sullitanullu tulluartumik mittarfimmik ineriartortitsineq.

Aqutsisumut piginnaasat uku ujartorneqarput: 

• Aqutsinermik misilittagaqarneq annerusumik pingaartipparput, ilinniagaqarsimaneq pingaarnerutinngilarput.
• Suliffeqarfinni allani aqutsisutut misilittagarneq iluaqutaalluarsinnaavoq
• Inuttut ammasuussaatit inuiaqatigiinnillu attaveqarnissamut piginnaasaqarluarkutit.
• Siammasissumik eqqarsartoq, suliffeqarfimmullu tulluartumik aqutsisoq.
• Naammagittarsinnaasoq, siumullu isigisumik niueqateqarnissamut politikkikkullu sammisumik avatagiiseqarneq.
• Iliuuseqapallassinnaasoq, aaliangiilluarsinnaasoq ineriartorluarsinnaasorlu.
• Ersarissumik isumassarsiorfiusinnaasumillu attaveqatiginnissinnaasoq.
• Suliffeqarfiup ineriartornissaanut isertitatigullu pilersaarusiornissaanut ilisimasalik.
• Qallunaatut tuluttullu allassinnaallunilu oqalussinnaasoq, kalaallit oqaasiinut ilisimasaqarneq iluaqutaalluarsinnaavoq.
• Kalaallit kultoriannut inuiaqatigiinnullu ilisimasaqarneq iluaqutaavoq.

 Kalaallit Nunaanni kulturi inuiaqatigiillu ilisimasaqarfigineqarnerat iluaqutaassaaq. 

Neqeroorutigaarput:

Atorfik immikkut ittumik periarfissiisoq nutaamik mittarfimmik ineriartortitsinissamut peqataaffigisassannik.

Akissarsiat pilerinartut.

Atorfinninnermut atatilkugu ilinnut ilaquttannullu angalaneq.

Pisattat angallanneqarnissaannut maleruagassat malillugit.

Atorfimmut atatillugu inimik pisariaqartitsisoqarpat tunisisinnaavugut.

Atorfik PET-miit isumannaallisaanermut akuerineqarnissamik piumasaqaatitaqarpoq, taamaattumik qinnuteqarnermi siullermi pinerlussimannginnermut uppernarsaat nassiunneqassaaq.

Qinnuteqarnissaq:

Qinnuteqarnissamut killiliussaq: 23. marts 2025. Qinnuteqaat, CV ilinniarsimanermullu uppernarsaatit ilanngullugit kingusinnerpaamik ulloq killiliussaq nallertinnagu nassiunneqassapput, qinnuteqartunut oqaloqatiginninnerit ataavartumik ingerlanneqassapput.

Paasissutissanik annertunerusunik pissarserusukkuit:

Henrik Estrup, Ingerlatsinermut Pisortaaneq / Chief Operational Officer / Accountable Manager / Greenland Airports, oqarasuaatikkut +299 382600 / +299 584460 immaqaluunniit mail atorlugu uunga hene@airports.gl

Apeqqutit nalinginnaasut sulisoqarnermut immikkoortortamut apeqqutigineqarsinnaapput uunga: hr@airports.gl.

Atorfik una qinnuteqarfigiuk