Fakta
Atorfiup suussusaa: Perorsaaneq
Suliffeqarfik: Departementet for Sociale Anliggender, Arbejdsmarked og Indenrigsanliggender
Qinnuteqarfissamut killigititaq: februaarip 7.-at, 2025 12:00
Attavissaq: Johan Lund Olsen oqarasuaat +299 346693/555485 atorlugu, imaluunniit ugguuna allagaqarlutit jlun@nanoq.gl-ikkut attaveqarsinnaavutit.
Ulloq unnuarlu meeqqanut paaqqinniffinni pissutsit sinaakkutillu pitsaasuunissaannik qulakkeerinneqataarusuppit?
Taamaassimappat suleqatigilerusuppatsigit maannakkummi persorsaanermut tunngatillugu nakkutilleeqataasartussamik pissarsiorpugut. Atorfiup matuma immikkoorutaa tassaavoq Kalaallit Nunatsinni ataasinnarmik Nakkutilliinermik Ingerlatsiveqarmat, taamaattumillu atorfik suliffeqarfinnut allanut assersuukkuminaalluni. Kalaallit Nunatsinni ulloq unnuarlu meeqqanut paaqqinniffiit tamarmik nakkutilliiffigineqartarmata annertuumik angalasarnissat naatsorsuutigisariaqarpat.
Atorfik soqutigigukku makku piginnaasaqarfigisariaqarpatit/imaluunnit makku ilinniassallugit piareersimasariaqarputit:
- Paasiniaaqqissaartarnissaq (nakkutilliinerit sioqqullugit paasissutissanik pissarsiariikkanik nalilersuineq)
- Apersuisinnaaneq (ulloq unnuarlu paaqqinniffinni aqutsisunik sulisuinillu apersuineq)
- Meeqqanik inissinneqarsimasunik oqaloqatiginnissinnaaneq apersuisinnaa-nerlu
- Inuit pissusilersortarnerannut tappitsuunissaq
- Kalaallisut danskisullu oqaluinnarnikkut allattariarsornikkullu erseqqissu-liullaqqissuunissat
Uagut pilluta
Nakkutilliinermik Ingerlatsivik Isumaginninnermut, Ilaqutariinnut, Suliffeqarnermut Nunamullu Namminermut Naalakkersuisoqarfimmi immikkoortortaqarfiuvoq namminersortoq kommunit isumaginninnermut inatsisit malillugit ingerlatsinerannik nakkutilliisartoq. Nakkutilliinermik Ingerlatsivik isumaginninnikkut Nunatsinnilu ulloq unnuarlu paaqqinnittarfiit ingerlatsineran-nut, aningaasaqarnerannut perorsaanerannullu tunngatillugu aamma nakkutilliisarpoq. Nakkutilliinerni takkunani nalinginnaasumik najoqqutassat aammalu aalajangersimasumik iliuusissatut pilersaarutit, kiisalu najugaqartunut aalajangersimasunut katsorsaanissamut pilersaarutit malittarineqarnersut nakkutilliinermi ukkatarineqartarput, ulloq unnuarlu paaq-qinnittarfiit inatsisit atuuttut naapertorlugit pisussaaffimminnik tunniussisarnersut aamma paasissinnaajumallugu. Suliassaqarfimmi tamatumarpiami Nakkutilliinermik Ingerlatsivik perorsaanermut tunngatillugu nakkutilliisumik nammineersinnaalluartumik, inerissimasumik misilittagartuumillu sulisussarsiorpoq.
Nakkutilliinermik Ingerlatsivimmi immikkoortortaqarfimmi pisortaq/nakkutilliinermut pisortaq ataaseq aammalu nakkutilliisut pingasut maannakkut sulisuupput.
Pingaarnerpaatut makku suliassarisassavatit
Nuna tamakkerlugu ulloq unnuarlu paaqqinnittarfinnik nakkutilliisarnernik ingerlatsisarnis-saq. Taamaammat annertuumik angalasarnissat naatsorsuutigisariaqarpat aammalu qanimut suleqatissat peqatigalugu nakkutilliiartorlusi angalaqatigiittartussaavusi.
Ulloq unnuarlu paaqqinniffinni nakkutilleereernerit kingorna, tamatigut nakkutilliinernit nalunaarusiortoqartarpoq.
Sapaatip akunneranut akunnerit 40-t Nakkutilliinermik Ingerlatsivimmi suliffiusarput, kisiannili qaangiuttoortarnissat naatsorsuutigisariaqarput, illoqarfinni Nuup avataaniittuni nakkutillii-nerit aamma ingerlanneqartarmata.
Naatsorsuutigaarput:
- Perorsaanermut tunngasutigut/inunnik isumaginninnerup tunngassutillit iluini ilinniagaqarnikkut tunuliaquteqassasutit, ajornanngippat akademiikerisut qaffasitsigisumik.
- Perorsaanermut tunngasutigut/inunnik isumaginninnerup inatsisilerinikkullu tunngasut iluini sulianut attuumassutilimmik siammasissumillu misilit-tagaqassasutit, ajornanngippallu ulloq unnuarlu paaqqinnittarfinnut tunngasut iluini misilittagaqassasutit
- Meeqqanut inersimasunullu attaveqateqarluarnissamik pilersitsisinnaasutit
- Immikkoortortaqarfimmi anginngitsumi suleqatissatit 4-it ulluinnarni suleqa-tigissallugit piumassuseqassasutit
- Nakkutilliiartortarnerni inunnik nutaanik naapitsiuarnissamut piareersima-suunissat
- Paasiniaaqqissaarnermik nalilersuisarnernillu piginnaasaqarluartutit
- Allattariarsornikkut piginnaasaqarluartutit
- Paasisanik nalilersuillaqqittuusutit
- Nakkutilliinermik Ingerlatsiviup suleriaasianik atortuinillu ineriartortitseqataa-rusussinnaasutit
- Ukioq kaajallallugu Kalaallit Nunatsinni angalasarnissamut piareersimasutit
- Inuit akornanni aaqqiagiinngittoqartillugu eqqissisaasinnaassasutit
- Allattariarsorluni nalunaarusiassat itisilersorluarlugit tunngaveqarluarnissaanut soqutiginnittutit
- Namminersorlutit aaqqissuussaasumillu sulisinnaasutit, aammalu suliassat piffissalerneqarsimasut naammassineqartarnissaannik pingaartitaqartutit
- Suleqateqallaqqissuunissat
Ilinnut neqeroorutigisinnaavagut
- Suliffeqarfik, aalajangiisinnaassuseqarnermik namminerlu sulisinnaassusermik pingaartitsisoq, illillu ulluinnarni sulisarnerit nammineerlutit sunniuteqarnis-sannut pitsaasumik periarfissalik
- Atorfik pissanganartoq unammillernartorlu, allanngorartoq akisussaaffeqar-narluartoq suliassanullu tunngasutigut inuttullu ineriartorfissatigut pitsaasunik periarfissalik
- Kalaallit Nunaanni annertuumik angalasarnissat
Ulloq sulilerfissaq
1. marts 2025 tamatumaluunniit kingorna piaarnerpaamik
Paasissutissat sukumiinerusut
Atorfik pillugu annertunerusumik paasisaqarusukkuit Nakkutilliinermik pisortaq Johan Lund Olsen oqarasuaat +299 346693/555485 atorlugu, imaluunniit ugguuna allagaqarlutit
jlun@nanoq.gl-ikkut attaveqarsinnaavutit.
Ulloq qinnuteqarfissaq kingulleq
7. februar 2025 nal. 12:00
Tamatuma kingorna atorfinitsitsinissamut oqaloqateqarnissat piaarnerpaamik inger-lanneqassasut naatsorsuutigineqarput.
Ataani link atorlugu qinnuteqaat nassiunneqassaaq
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiis-sutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqar-nermut tunngavoq, taamaalilluni atorfeqarnerup unitsinnerani qimanneqassalluni.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job
Qinnuteqaat nassiuguk
