Isumaginninnermi Aqutsisoqarfik isumaginninnermi siunnersortimik meeqqanut inuusuttunullu suleqatigiittartunut inuttassarsiorpoq.

Kalaallit Nunaat tamakkerlugu meeqqanut inuusuttunullu suliassaqarfimmi suliassanik suliaqarnermi tapersersueqataarusuppit?

Sullissisunik siunnersuisarfimmi assigiinngitsunik isumaginninnikkut suleqatigiittartoqarpoq, taakku kommunit meeqqanut inuusuttunullu, innarluutilinnut ilaqutarsianullu suliassaqarfimmi isumaginninnikkut suliaqarneranni tapersersortarpaat. Meeqqanut aamma ilaqutariinnut Sullissiviit, Ilaqutariit illui, aamma ilaqutariinni aqqutissioqatigiissitsineq kommunini tamatuma saniatigut tapersersortarpagut, kiisalu angajoqqaarsiat pikkorissartarnissaat, aaqqissuussaanikkullu allanngortoqarnerani siunissami Qitiusumik Ikiuigasuarnissamut Upalungaarsimasunut ataqatigiissaarisuulluta.

Atorfik pillugu

Atorfik meeqqanut inuusuttunullu tunngatillugu suliaqartartuni inissisimavoq, nunarput tamakkerlugu kommunini sullissineq tapersersortarparput, ilaatigut ulluinnarni sullissisut sulineranni tapersersorlugit siunnersuisarpugut, ilitsersuilluta aamma sullissisut ulluinnarni sulineranni ilitsersuutinik sakkussaanillu suliaqartarluta. Tamatuma saniatigut onlinekkut saqqummiisarpugut, pikkorissartitsisarpugut, sanileralugillu ilitsersortarlugit.

Suliassat assigiinngiiaarput, neqeroorutinik sakkussanillu ineriartortitsinerit suliassaallutik, aamma allaffissornikkut ingerlatsineq taamatullu kommunit apeqqutinik saaffiginniffigisinninnissaanut piareersimasarluta.

Immikkoortortaqarfitsinni onlinekkut neqeroorutigut amerlisarniarlutigit sulivugut, taamaalillutik sullissisut tamarmik sumiikkaluarunilluunniit neqeroorutivut pissarsiarisinnaaniassammatigit, illillu nunarput tamakkerlugu sullissisunut ilisimasat sakkussallu sulianik suliarinnittartunut tamanut iserfigineqarsinnaasunngortinneqarnissaanut suleqataassaatit. Aammali kommunini tamani sammisassaqartitsisarpugut, taamaammallu sulinermut atatillugu ullut 14-it angullugit angalanissannut periarfissaqassaatit.

Ilaatigut suliassarissavatit:

• Sulianut aalajangersimasunut tunngatillugu meeqqanut inuusuttunullu suliassaqarfimmi sullissisunik aqutsisunillu siunnersuinerit ilitsersuinerillu
• Ilitsersuutinik, pikkorissartitsissutinik assigisaanillu ineriartortitsineq suliaqarnerlu.
• Suliniutini ineriartortitsinermilu ataqatigiissaarisoq tapertiisartorlu.
• Onlinekkut saqqummiisarneq.
• Nakkutilliinermut aaqqissuussami peqataaneq
• Isumaginninnermut Aqutsisoqarfimmi suliffiup iluani avataanilu suliassaqarfiit assigiinngitsut suleqatigiinnerinut peqataaneq.
• Immikkoortortaq suleqatigalugu isumaginninnermi sulianut tunngasutigut ilisimasanik, periutsinik suliniutinillu nutarterisoqartarnissaanik ingerlatitseqqittoqartarnissaanillu ingerlaavartumik qulakkeerinnittarneq
• Sanileriilluni ilinniartitsinissamut pilersaarusiorneq piviusunngortitsinissarlu, sulianillu suliarinnittartunik aqutsisunillu ikiuisarneq.
• Pikkorissartitsinissamut, workshoppertitsinissamut il.il. pilersaarusiorneq ingerlatsinerlu.
• Sulinerput pillugu paasissutissanik katersinermik suliaqarneq, ass. Pikkorissartitsinernik nalilersuineq angalanerlu pillugit nalunaarusiornerit
• Allaffissorneq, suliassallu takkussuuttut isumaginissaat.

Illit pillutit

Inuk sulianut pikkorissoq, meeqqat inuusuttullu suliassanik suliaqarnermik annertuumik misilittagalik pissarsiariniarsaraarput, aamma immaqa misilittagarisimasaminik ilitsersuussinermik misilittagaqareersoq, assersuutigalugu sulisunik nutaanik ilitsersuussinermut atatillugu.

Takorloorparput tassaasutit inuk ammasoq, eqinnaatsumik suliassanik assigiinngiiaartorpassuarnik suliarinnissinnaasoq, namminersorluni sulisinnaasoq, suliat immikkuualuttortaannut tappissoq, aammattaaq pingaartipparput suleqatinnut avitseqatigissinnaanissat, aamma suliffimmi pinasuartumik ikiorneqarnissamik pisariaqartitsiffiulertartumi sulisinnaanissat.

Naatsorsuutigaarput:

• Isumaginninnermut siunnersortitut ilinniarsimasutit
• Meeqqanut inuusuttunullu suliassaqarfimmi suliassanik suliarinninnermi, tassunga ilanngullugit isumaginninnermi sulianik misissuinermik iliuusissatullu pilersaarusiornermik misilittagaqartutit.
• Meeqqanut inuusuttunullu suliassaqarfimmi suliatigut pikkorissuusutit, meeqqat pillugit suliatigut periutsinut sakkunullu tunngatillugu ilisimasaqartutit.
• Qarasaasiamik atuisinnaalluartutit ajornanngippallu Get Organized ilisimasaqarfigivat, soorunami tamatuminnga ilinniartinneqarluarumaarputit.
• Meeqqat tapersersorneqarnissaat pillugu Inatsisartut inatsisannik ilisimasaqarluartutit.
• Suliassaqarfinnik assigiinngitsunik suleqateqarnermik misilittagaqarluartutit.
• Ataqatigiissaarilluartartutit pilersaarusiornermillu pikkoriffeqartutit.
• Suleqateqarnissamut pikkoriffeqarputit, nukissat periarfissat qitiutillugit suliaqartoq, inunnullu allanut akuersaartumik periaaseqartutit.
• Atassuteqarfinnik pilersitsinissamut allanngutsaaliuinissamullu pikkoriffeqartutit.
• Peqqissaartuullutillu suliassanik aallussilluarsinnaasoq, aaqqissuussaasumik aamma aaqqiissutissarsiortuullutit ineriartornissamillu anguniagaqarlutit sulisartutit.
• Suliassanik suliaqarnissamut iliuuseqartartutit.
• Ilinniartitsillaqqissuusutit.
• Kalaallisut qallunaatullu marluinnik oqaaseqartutit.

Tamatuma saniatigut iluaqutaassaaq:

• Ilinniaqqinnermi ilinniarsimaguit, assersuutigalugu imaajaalluni oqaloqatiginnittarnermut tunngatillugu.
• Suliffeqarfimmi politikikkut aqunneqartumi sulinissamut ilisimasaqaruit
• Ineriartortitsinermi suliniutinut sulinermi misilittagaqaruit nutaanillu eqqarsaatersullaqqikkuit
• Alapernaatsuuguit, pimoorussisuuguit pitsaasumillu isumaliorlutit ingerlatsisaruit aamma pitsaasumik isumaliorlutit suleqateqartaruit.

Neqeroorutigaavut:

Sulineq isumalik, tassani meeqqanut inuusuttunullu suliassaqarfimmi sullissineq nukittorsaaqataaffigisinnaavat. Suliami suliaqatigiittartuni atorfik tamatigoortoq assigiinngitsunik pissanganartunik suliassaqarfiusoq, suleqatit suliassaqarfitsinni misilittagalerujussuit, suleqatit pikkorissut suliaminni annertuumik misilittagallit immikkoortortaqarfimmi illaqatigiinnermik inissalik.

Tamatuma saniatigut:

• Sulisut suliatigut nukittuut, tassani isumasioqatigiittarnissaq pitsaanerulertuarnissarlu anguniarlugu ikioqatigiittarneq pingaartippavut.
• Aqutsisoq suliatigut illit piginnaasannik tatiginnittoq, piviusorsiortunik piumasaqaateqartartoq illillu ineriartornissannik salliutitsisoq.
• Suleqatit pitsaasut peqatigiilluartarnissamik pingaartitsisut - aamma ulapaaraangatta.
• Persuarsiunngitsumik attaveqaqatigiinneq, namminerlu sulinermut sinaakkusersuinermut sunniuteqarsinnaaneq.
• Sulillutit angalanissamut periarfissaq nunarpullu tamakkerlugu misigisaqarfigissallugu periarfissaq.

Uagut pilluta

Isumaginninnermut Aqutsisoqarfik aqutsisoqarfiuvoq Meeqqanut, Inuusuttunut Ilaqutariinnullu Naalakkersuisoqarfiup ataaniittoq. Isumaginninnermut Aqutsisoqarfik immikkoortortaqarfinnut arfineq-marlunnut agguataarneqarpoq: Pitsaaliuinermut immikkoortortaq Paarisa, Aningaasaqarnermut immikkoortortaqarfik, Ulloq Unnuarlu-, Inissitsiterinermullu immikkoortortaq, Meeqqat ineriartornerannut immikkoortortaqarfik, Sullissisunut Siunnersuisarfik, Innuttaasunik toqqaannartumik sullissivik aamma

Allattoqarfik.

Atorfik Sullissisunut Siunnersuisarfimmi inissisimavoq. Meeqqat inuusuttuaqqallu, ilaqutariit, innarluutillit aamma angajoqqaarsiat, ilaqutariinnik siunersiueqatigiitsitsisartut saniatigut immikkoortortaqarfik sisamanik suliniutini aqutsisoqarpoq, inatsisileritooq aamma immikkoortortaqarfimmi pisortaq. Tamatuma saniatigut Pissassarfik immikkoortortaqarfiup ataaniippoq.

Ulloq atorfiniffissaq

1.marts 2025 isumaqatigiissuteqarnikkulluunniit.

Ulloq 4.Februar 2025 nal:12:00 (Kalaallit Nunaanni nalunaaqutaq) qinnuteqarnissamut killigitinneqarpoq.

Atorfininnissamut oqaloqateqarnerit ingerlaavartumik ingerlanneqarumaarput.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Sapaatip akunneranut nalunaaquttap akunneri 40-t miss. suliffiusarput.

Angalangaatsiartoqarsinnaanera naatsorsuutigineqassaaq.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq.

Paasissutissat allat

Atorfik pillugu paasisaqarnerorusukkuit immikkoortortaqarfimmi pisortaagallartoq Ellen Bækgård oqarasuaammut +299 34 67 63-imut e-mailimulluunniit elba@nanoq.gl-imut attaveqarnissannut tikilluaqqusaavutit

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk