Heldagsskolen atuarfimmi aqutsisumik pissarsiorpoq
Heldagsskolen atorfimmut pilersinneqaqqammersumut tunniusimasumik takorluuisinnaassusilimmillu atuarfimmut aqutsisumik pissarsiorpoq. Atuarfimmi aqutsisumik meeqqanut inuusuttunullu immikkut sullittarialinnut pitsaanerpaanik tunngavissiinissamut piumassusilimmik pissarsiorpugut. Heldagsskolemi ingerlariusissaq nutaaq 2025-mi aggustimi aallartissaaq. Heldagsskolen atuartunut naleqqussagaasumik peqataatitsillunilu ilikkarsarfiusumik avatangiiseqarnissaa siunertarineqassaaq, meeqqat tamarmik piginnaasaannik pisariaqartitaannillu ukkatarinniffiussalluni. Atuarfik immikkoortortanut marlunnut agguataagaassaaq, taakkunani aappaa meeqqanut autismeqartunut atuarfiussaaq, immikkoortortallu aappaa massakkut Heldagsskoleureersumiissalluni, taanna piffissami matumani Nuussuup Atuarfianut atasuuvoq. Heldagsskolemut ingerlariusissami nutaami atuarfimmi aqutsisup atuarfiup immikkoortortai marluusut kiisalu sunngiffimmi ornittakkat takkununnga atassutillit aqutsisuuffigissavai.
Ingerlariusissaq nutaaq:
Heldagsskolen meeqqanut immikkut pisariaqartitseqqissaartunut atuarfiuvoq, Heldagsskolemi atuartut atuarfimmi naliginnaasumi immikkut atuartitsinerni atuartinneqarsinnaanngitsunik atuartoqarpoq. Atuarfimmi meeqqat inuusuttullu annertusisamik immikkut perorsaanermik suliniuteqarfigineqarnissamik pisariaqartitsisunut siunnerfilimmik tapersersuinissaq suliarineqarpoq. Heldagsskolen atuarfittut neqeroorutaavoq atuartut ataasiakkaat pisariaqartitaannut unammilligassaannullu naleqqussagaasoq, anguniagaq annerpaassaaq meeqqat tamarmik peqataatinneqarnermikkut ilikkariartornissaasa qulakkeerneqarnissaa. Ataasiakkaanut tamakkiisumillu isiginnittumik suleriuseqarnikkut atuartut ilikkartarnerat ilorrisimaarnissaasalu qaffassarnissaat anguniagaraarput.
Akisussaaffitit:
·Atuarfiup perorsaanermi allaffissornermilu sulisuinik aqutsineq ineriartortitsinerlu.
·Qaffasissumik pitsaassusilimmik atuartitsinermik peqataatitsisumillu atuarfimmi ileqqoqarnikkut qulakkeerinninneq.
·Atuartunut pitsaanerpaamik atugassaqartitsinissamut angajoqqaanik, suliaqartunik avataaniillu suleqatigisartakkanik suleqateqarneq.
·Naleqartitagut takorluukkagullu naapertorlugit atuarfiup periusissiaanik anguniagaanillu ineriartortitsineq atuutsitsilernerlu.
Atuarfimmi aqutsisumik imaattumik pissarsiorpugut:
·Ilinniagaqarnikkut naleqquttumik tunuliaqutalimmik aamma immikkut perorsaanermut tunngasunik misilittagalimmik.
·Aqutsisoq nukittooq attaveqallaqqissoq suleqateqarluarsinnaasorlu.
·Takorluuisinnaalluni periusilik atuartunut sulisunullu isumassarsiorfiusinnaasoq kajumissaasinnaasorlu.
·Atuartunut tamanut toqqissisimasumik ineriartorfiusumillu ilikkarfiusumik avatangiisimik pilersitsinissamut tunniusimasoq.
·Perorsaanermik, allaffissornermi suliassanik sulisunillu aqutsinermik misilittagalik soqutigisalillu.
·Kommuneqarfik Sermersuup atuarfiini assigiinngitsunik suleqateqarnissamut takunnissinnaasoq, suliassanik aaqqiisinnaasoq aamma ineriartortitsisinnaasoq, ilaatigullu atuarfiup atualersimanngitsunullu immikkoortortaqarfiup akornini suleqatigiinnerup ineriartortinnissaanik kajumissusilik.
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.
∙Aamma tuluttut oqaatsit sapinngikkaanni iluaqutaassaaq.
Neqeroorutigaavut:
·Atuarfimmi nukittuumik ataatsimoorfiusumi tunniusimasunillu sulisulimmi atorfik pissanganartoq unammillernartorlu.
·Meeqqanut inuusuttunullu immikkut pisariaqartitsisunut allannguinissamut periarfissaqarneq.
·Atuarfimmik nutaamik ineriartortitsinermi sunniuteqarsinnaanermut periarfissaqarneq.
·Suliatigut inuttullu ineriartornissamut periarfissat pitsaasut.
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Fagchef Riikki Grønvold, oqarasuaat +299 36 73 03 imaluunniit e-mail: rigr@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 49-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: februaarip 5.-at, 2025